ឧបករណ៍របាយការណ៍កំហុស
ឧបករណ៍របាយការណ៍កំហុសចាប់ផ្ដើមដោយស្វ័យប្រវត្តិនៅពេលកម្មវិធីគាំង ។
ឧបករណ៍របាយការណ៍កំហុសប្រមូលព័ត៌មានចាំបាច់ ដែលអាចជួយអ្នកអភិវឌ្ឍន៍កម្មវិធីដើម្បីបង្កើនកូដ ដូច្នេះក្នុងកំណែក្រោយ កំហុសនេះអាចត្រូវបានជៀសវាង ។ សូមជួយយើងដើម្បីបង្កើនគុណភាពកម្មវិធី និង ផ្ញើរបាយការណ៍កំហុសដែលបានបង្កើតឡើង ។
ការចាប់ផ្តើមឧបករណ៍របាយការណ៍កំហុស
ជាមួយនឹងកម្មវិធីគាំងច្រើនបំផុត ឧបករណ៍របាយការណ៍កំហុសនឹងចាប់ផ្ដើមដោយស្វ័យប្រវត្តិ ។
កំពុងបញ្ចប់របាយការណ៍
នៅលើប្រអប់ឧបករណ៍របាយការណ៍កំហុសសំខាន់ អ្នកអាចបញ្ចូលព័ត៌មានបន្ថែមខ្លះ ដែលអ្នកអាចជួយអ្នកអភិវឌ្ឍន៍របស់យើងក្នុងការរកកំហុស ។ ឧទាហរណ៍ ប្រសិនបើកំហុសបង្ហាញតែបន្ទាប់ពីការផ្លាស់ប្តូរក្នុងផ្នែករឹង ឬ បរិស្ថានកម្មវិធីរបស់អ្នក ឬ ប្រសិនបើអ្នកចុចលើប៊ូតុងមួយ សូមបញ្ចូលព័ត៌មាននោះ ។
កំពុងផ្ញើរបាយការណ៍កំហុស
ឧបករណ៍ររបាយការណ៍កំហុសប្រើពិធីការ HTTP PUT / SOAP ដើម្បីផ្ញើទិន្នន័យរបាយការណ៍កំហុស ។ ជាជម្រើស អ្នកអាចបញ្ចូលអត្ថបទពិពណ៌នាមួយចំនួនដែលនឹងជួយយើងដើម្បីបញ្ជាក់បរិបទនៃការគាំងកម្មវិធី ។ បន្ទាប់មកចុចប៊ូតុង ផ្ញើ ។
អ្នកនឹងមិនទទួលចម្លើយទៅរបាយការណ៍កំហុសរបស់អ្នក ។ ប្រសិនបើអ្កត្រូវការការគាំទ្រ សូមទស្សនា វេទិកាគាំទ្រ នៅលើអ៊ីនធឺណិត ។
អ្នកអាចជ្រើសដើម្បីឆ្លើយតបនឹងសំណួរដែលអ្នកអភិវឌ្ឍន៍អាចមានអំពីកំហុសដែលបានរាយការណ៍ ។ សម្ពាល់ប្រអប់ធីកប្រសិនបើអ្នកអនុញ្ញាតឲ្យទាក់ទងតាមអ៊ីមែល គួរត្រូវការព័ត៌មានបន្ថែម ។ តាមលំនាំដើមប្រអប់នេះមិនត្រូវបានធីកទេ ដូច្នេះអ្នកនឹងមិនទទួលបានអ៊ីមែលណាមួយឡើយ ។
តើទិន្នន័យអ្វីដែលត្រូវបានផ្ញើ ?
របាយការណ៍កំហុសមានឯកសារជាច្រើន ។ ឯកសារសំខាន់មានព័ត៌មានអំពីប្រភេទកំហុស ឈ្មោះប្រព័ន្ធប្រតិបត្តិការ និង កំណែ ការប្រើអង្គចងចាំ និង ការពិពណ៌នាដែលអ្នកបានបញ្ចូល ។ អ្នកអាចចុចប៊ូតុង បង្ហាញរបាយការណ៍ នៅលើប្រអប់មេនៃឧបករណ៍របាយការណ៍កំហុស ដើម្បីមើលអ្វីនឹងត្រូវបានផ្ញើក្នុងឯកសារមេ ។
ជាការបន្ថែម មាតិកាអង្គចងចាំដែលទាក់ទង និង ស្នាមជង់ត្រូវបានប្រមូលដោយឧបករណ៍ស្តង់ដារប្រព័ន្ធមួយចំនួន ("dbhhelp.dll" លើប្រព័ន្ធវីនដូ, "pstack" នៅលើប្រព័ន្ធយូនីក) ។ ព័ត៌មាននេះនឹងត្រូវបានផ្ញើផងដែរ ។