កម្មវិធីបង្កើតរបាយការណ៍
កម្មវិធីបង្កើតរបាយការណ៍គឺជាឧបករណ៍មួយសម្រាប់បង្កើតរបាយការណ៍មូលដ្ឋានទិន្នន័យរបស់អ្នកផ្ទាល់ ។ មិនដូចគ្នានឹង អ្នកជំនួយការរបាយការណ៍ទេ ដោយប្រើកម្មវិធីរចនារបាយការណ៍ អ្នកអាចបញ្ជាការរចនារបាយការណ៍តាមវិធីដែលអ្នកចង់ ។ របាយការណ៍ដែលបានបង្កើត គឺជាឯកសារ Writer ហើយអ្នកអាចកែសម្រួលបាន ។
ដើម្បីប្រើកម្មវិធីបង្កើតរបាយការណ៍ សមាសភាគកម្មវិធីបង្កើតរបាយការណ៍ត្រូវតែបានដំឡើង។ បន្ថែមលើនេះ កម្មវិធី Java Runtime Environment (JRE) ក៏ត្រូវតែបានដំឡើងដែរ ហើយកម្មវិធីត្រូវតែបានជ្រើសនៅក្នុង LibreOffice ។
ដំឡើងកម្មវិធី JRE
កម្មវិធីបង្កើតរបាយការណ៍ តម្រូវឲ្យដំឡើង Java Runtime Environment (JRE) ។
-
ជ្រើស LibreOffice - ចំណូលចិត្តឧបករណ៍ - ជម្រើស - LibreOffice - កម្រិតខ្ពស់។
-
រង់ចាំមួយនាទី ខណៈដែល LibreOffice ប្រមូលព័ត៌មានអំពីកម្មវិធី Java ដែលបានដំឡើងលើប្រព័ន្ធរបស់អ្នក ។
ប្រសិនបើឃើញមានកំណែ JRE ថ្មីៗនៅលើប្រព័ន្ធរបស់អ្នក នោះអ្នកនឹងឃើញធាតុនៅក្នុងបញ្ជី ។
-
ចុចប៊ូតុងជម្រើសនៅពីមុខធាតុ ដើម្បីអនុញ្ញាតកំណែ JRE នេះដើម្បីប្រើនៅក្នុង LibreOffice ។
-
ត្រូវប្រាកដថាបានបើក ប្រើ Java runtime environment ។
បើរកមិនឃើញកំណែ JRE នៅលើកុំព្យូទ័ររបស់អ្នកទេ សូមបើកកម្មវិធីរុករកបណ្តាញ និងទាញយកកម្មវិធី JRE ពី http://www.java.com ។ ដំឡើងកម្មវិធី JRE ។ បន្ទាប់មកចាប់ផ្តើម LibreOffice ឡើងវិញ រួចបើក LibreOffice - ចំណូលចិត្តឧបករណ៍ - ជម្រើស - LibreOffice - កម្រិតខ្ពស់ម្តងទៀត។
ដើម្បីបើកកម្មវិធីបង្កើតរបាយការណ៍
-
បើកឯកសារ Base ឬបង្កើតមូលដ្ឋានទិន្នន័យថ្មី ។ មូលដ្ឋានទិន្នន័យត្រូវតែមានតារាងយ៉ាងហោចណាស់មួយដែលមានវាលទិន្នន័យ និងវាលកូនសោចម្បង ។
-
ចុចរូបតំណាងរបាយការណ៍នៅក្នុងបង្អួច Base បន្ទាប់មកជ្រើស បង្កើតរបាយការណ៍ នៅក្នុងទិដ្ឋភាពរចនា ។
បើកបង្អួចកម្មវិធីបង្កើតរបាយការណ៍ ។
កម្មវិធីបង្កើតរបាយការណ៍គឺត្រូវបានចែកចេញជាបីផ្នែក ។ នៅកំពូល អ្នកនឹងឃើញម៉ឺនុយដែលមានរបារឧបករណ៍នៅខាងក្រោម ។
នៅខាងស្ដាំអ្នកនឹងឃើញបង្អួច លក្ខណសម្បត្តិដែលមានតម្លៃនៃវត្ថុដែលបានជ្រើសបច្ចុប្បន្ន ។
នៅផ្នែកខាងឆ្វេងនៃបង្អួចកម្មវិធីបង្កើតរបាយការណ៍ បង្ហាញទិដ្ឋភាពកម្មវិធីបង្កើតរបាយការណ៍ ។ ទិដ្ឋភាពបង្កើតរបាយការណ៍ គឺដំបូងត្រូវបានចែកចេញជាបីផ្នែក ពីកំពូលទៅបាត ៖
-
បឋមកថាទំព័រ - អូសវាលវត្ថុបញ្ជាដែលមានអត្ថបទថេរក្នុងផ្ទៃបឋមកថាទំព័រ
-
សេចក្ដីលម្អិត - អូស និងទម្លាក់វាលមូលដ្ឋានទិន្នន័យក្នុងផ្ទៃសេចក្ដីលម្អិត
-
បាតកថាទំព័រ - អូសវាលវត្ថុបញ្ជាជាមួយនឹងអត្ថបទថេរក្នុងផ្ទៃបាតកថាទំព័រ
ដើម្បីបញ្ចូលផ្ទៃ បឋមកថារបាយការណ៍ និងបាតកថារបាយការណ៍ បន្ថែម គឺត្រូវជ្រើស ។ ផ្ទៃទាំងនេះមានអត្ថបទដែលលេចឡើងនៅពេលចាប់ផ្ដើម និងបញ្ចប់នៃរបាយការណ៍ទាំងមូល ។
ចុចរូបតំណាង "-" នៅពីមុខឈ្មោះផ្ទៃដើម្បីវេញផ្ទៃនោះទៅជាបន្ទាត់មួយនៅក្នុងទិដ្ឋភាពកម្មវិធីបង្កើតរបាយការណ៍ ។ រូបតំណាង "-" ផ្លាស់ប្ដូរទៅជារូបតំណាង "+" ហើយអ្នកអាចចុចវាដើម្បីពន្លាផ្ទៃម្ដងទៀតបាន ។
អ្នកបញ្ចូលវាលមូលដ្ឋានទិន្នន័យដោយអូស ហើយទម្លាក់ទៅក្នុងផ្ទៃសេចក្ដីលម្អិត ។ សូមមើលផ្នែក "បញ្ចូលវាលទៅក្នុងរបាយការណ៍" ខាងក្រោម ។
បន្ថែមពីលើនេះ អ្នកអាចចុចលើរូបតំណាងវាលស្លាក ឬប្រអប់អត្ថបទនៅក្នុងរបារឧបករណ៍ បន្ទាប់មកអូសចតុកោណកែងនៅក្នុងផ្ទៃបឋមកថាទំព័រ ឬបាតកថាទំព័រ ដើម្បីកំណត់អត្ថបទដែលដូចគ្នានៅលើទំព័រទាំងអស់ ។ អ្នកបញ្ចូលអត្ថបទនៅក្នុងប្រអប់ស្លាកនៃបង្អួចលក្ខណសម្បត្តិដែលត្រូវគ្នា ។ អ្នកក៏អាចបន្ថែមក្រាហ្វិកដោយប្រើរូបតំណាងក្រាហ្វិកបានផងដែរ ។
តភ្ជាប់របាយការណ៍ទៅតារាងមូលដ្ឋានទិន្នន័យ
-
ផ្លាស់ទីកណ្ដុរទៅទិដ្ឋភាពលក្ខណសម្បត្តិ ។ អ្នកនឹងឃើញទំព័រផ្ទាំងពីរ គឺផ្ទាំងទូទៅ និងទិន្នន័យ ។
-
នៅលើទំព័រផ្ទាំងទិន្នន័យ ចុចលើមាតិកាដើម្បីបើកប្រអប់បន្សំ ។
-
ជ្រើសតារាងដែលអ្នកចង់បង្កើតរបាយការណ៍ ។
-
បន្ទាប់ពីជ្រើសតារាង ចុចគ្រាប់ចុចថេប (Tab) ដើម្បីចេញពីប្រអប់មាតិកា ។
បង្អួចបន្ថែមវាលនឹងបើក និងបង្ហាញវាលទាំងអស់របស់តារាងដែលបានជ្រើសដោយស្វ័យប្រវត្តិ ។
បញ្ចូលវាលទៅក្នុងរបាយការណ៍
បង្អួចបន្ថែមវាល ជួយអ្នកក្នុងការបញ្ចូលធាតុតារាងទៅក្នុងរបាយការណ៍ ។ ចុចរូបតំណាងបន្ថែមវាលនៅក្នុងរបារឧបករណ៍ ដើម្បីបើកបង្អួចបន្ថែមវាល ។
-
អូស ហើយទម្លាក់ឈ្មោះវាលម្ដងមួយពីបង្អួចបន្ថែមវាល ទៅក្នុងផ្ទៃសេចក្ដីលម្អិតនៃរបាយការណ៍ ។ ដាក់ទីតាំងវាលតាមតែអ្នកចូលចិត្ត ។ ប្រើរូបតំណាងនៅក្នុងរបារឧបករណ៍ដើម្បីតម្រឹមវាល ។
វាមិនអាចដាក់វាលត្រួតលើគ្នាបានទេ ។ ប្រសិនបើអ្នកទម្លាក់វាលតារាងទៅលើផ្ទៃសេចក្ដីលម្អិត នៅពេលនោះប្រអប់ស្លាក និងប្រអប់អត្ថបទគឺត្រូវបានបញ្ចូល ។
-
អ្នកក៏អាចបញ្ចូលអត្ថបទដែលគួរតែដូចគ្នានៅលើទំព័ររបាយការណ៍គ្រប់ទំព័រផងដែរ ។ ចុចរូប រូបតំណាងវាលស្លាក បន្ទាប់មកអូសរូបចតុកោណនៅក្នុងផ្ទៃក្បាលទំព័រ ឬជើងទំព័រ ។ កែសម្រួលលក្ខណសម្បត្តិស្លាក ដើម្បីបង្ហាញអត្ថបទដែលអ្នកត្រូវការ ។
បន្ទាត់ពីបញ្ចូលវាលទៅក្នុងទិដ្ឋភាពសេចក្ដីលម្អិត របាយការណ៍គឺត្រៀមរួចរាល់ក្នុងការប្រតិបត្តិ ។
ប្រតិបត្តិរបាយការណ៍
-
Click the Execute Report icon on the toolbar.
ឯកសារ Writer បើក និងបង្ហាញរបាយការណ៍ដែលអ្នកបានបង្កើត ដែលមានតម្លៃទាំងអស់នៃតារាងមូលដ្ឋានទិន្នន័យដែលអ្នកបានបញ្ចូល ។
ប្រសិនបើមាតិកាមូលដ្ឋានទិន្នន័យធ្វើការផ្លាស់ប្ដូរ គឺត្រូវប្រតិបត្តិរបាយការណ៍ម្ដងទៀតដើម្បីធ្វើឲ្យរបាយការណ៍លទ្ធផលទាន់សម័យ ។
កែសម្រួលរបាយការណ៍
ដំបូង គឺត្រូវសម្រេចចិត្តថាតើអ្នកចង់កែសម្រួលរបាយការណ៍ដែលបានបង្កើត ដែលជាឯកសារ Writer ឋិតិវន្ត ឬប្រសិនបើអ្នកចង់កែសម្រួលទិដ្ឋភាពកម្មវិធីបង្កើតរបាយការណ៍ ហើយបន្ទាប់មកបង្កើតរបាយការណ៍ថ្មីដែលមានមូលដ្ឋានលើការរចនាថ្មី ។
The Writer document is opened read-only. To edit the Writer document, click Edit Document on the information bar, or choose Edit - Edit Mode.
ប្រសិនបើអ្នកចង់កែសម្រួលកម្មវិធីបង្កើតរបាយការណ៍ អ្នកអាចផ្លាស់ប្ដូរលក្ខណសម្បត្តិមួយចំនួនរបស់វាបាន ។
ចុចក្នុងផ្ទៃសេចក្ដីលម្អិត ។ បន្ទាប់មកក្នុងបង្អួច លក្ខណសម្បត្តិ ត្រូវផ្លាស់ប្ដូរលក្ខណសម្បត្តិមួយចំនួន ឧទាហរណ៍ ពណ៌ផ្ទៃខាងក្រោយ ។
បន្ទាប់ពីបានបញ្ចប់ ចុចរូបតំណាង ប្រតិបត្តិរបាយការណ៍ ដើម្បីបង្កើតរបាយការណ៍ថ្មី ។
ប្រសិនបើអ្នកបិទកម្មវិធីបង្កើតរបាយការណ៍ អ្នកនឹងត្រូវបានសួរថាតើគួរតែរក្សាទុករបាយការណ៍ឬអត់ ។ ចុច បាទ/ចាស ដាក់ឈ្មោះឲ្យឯកសារ ហើយចុច យល់ព្រម ។
ការតម្រៀបរបាយការណ៍
ដោយមិនបានតម្រៀប ឬដាក់ជាក្រុម កំណត់ត្រានឹងត្រូវបានបញ្ចូលទៅក្នុងរបាយការណ៍តាមលំដាក់ដែលពួកវាត្រូវបានទៅយកពីមូលដ្ឋានទិន្នន័យ ។
-
បើកទិដ្ឋភាពកម្មវិធីបង្កើតរបាយការណ៍ និងចុចរូបតំណាង តម្រៀង និងដាក់ជាក្រុម នៅលើរបារឧបករណ៍ ។ អ្នកនឹងឃើញប្រអប់ តម្រៀប និងដាក់ជាក្រុម ។
-
នៅក្នុងប្រអប់ក្រុម ចុចលើវាល ដែលអ្នកចង់បានជាវាលតម្រៀបទីមួយ ហើយកំណត់លក្ខណសម្បត្តិការតម្រៀប ។
-
ប្រតិបត្តិរបាយការណ៍ ។
ដាក់ជាក្រុម
-
បើកទិដ្ឋភាពកម្មវិធីបង្កើតរបាយការណ៍ និងចុចរូបតំណាង តម្រៀប និងដាក់ជាក្រុម នៅលើរបារឧបករណ៍ ។ អ្នកនឹងឃើញប្រអប់ តម្រៀប និងដាក់ជាក្រុម ។
-
នៅក្នុងប្រអប់ក្រុម បើកប្រអប់បញ្ជីបឋមកថាក្រុម ហើយជ្រើសដើម្បីបង្ហាញបឋមកថាក្រុម ។
-
ចុចរូបតំណាង បន្ថែមវាល ដើម្បីបើកបង្អួច បន្ថែមវាល ។
-
អូស ហើយទម្លាក់ធាតុវាលដែលអ្នកចង់ដាក់ជាក្រុមទៅក្នុងផ្នែកបឋមកថាក្រុម ។ បន្ទាប់មកអូស ហើយទម្លាក់វាលដែលនៅសល់ទៅក្នុងផ្នែកសេចក្ដីលម្អិត ។
-
ប្រតិបត្តិរបាយការណ៍ ។ របាយការណ៍បង្ហាញកំណត់ត្រាដែលបានដាក់ជាក្រុម ។
ប្រសិនបើអ្នកចង់តម្រៀប និងដាក់ជាក្រុម គឺត្រូវបើកទិដ្ឋភាពកម្មវិធីបង្កើតរបាយការណ៍ បន្ទាប់មកបើកប្រអប់តម្រៀប និងដាក់ជាក្រុម ។ ជ្រើសដើម្បីបង្ហាញបឋមកថាក្រុមសម្រាប់វាលដែលអ្នកចង់ដាក់ជាក្រុម និងជ្រើសដើម្បីលាក់បឋមកថាក្រុមសម្រាប់វាលដែលអ្នកចង់ឲ្យតម្រៀប ។ បិទបង្អួចការតម្រៀប និងដាក់ជាក្រុម ហើយប្រតិបត្តិរបាយការណ៍ ។
ការធ្វើបច្ចុប្បន្នភាពភាព និងបោះពុម្ពទិន្នន័យរបស់អ្នក
នៅពេលដែលអ្នកបញ្ចូលទិន្នន័យថ្មីណាមួយ ឬកែសម្រួលទិន្នន័យនៅក្នុងតារាង នោះរបាយការណ៍ថ្មីនឹងបង្ហាញទិន្នន័យភាពទាន់សម័យ ។
ចុចរូបតំណាង របាយការណ៍ និងចុចទ្វេដងលើរបាយការណ៍ដែលបានរក្សាទុកលើកចុងក្រោយរបស់អ្នក ។ ឯកសារ Writer ថ្មីនឹងត្រូវបង្កើតឡើង ដោយបង្ហាញនូវទិន្នន័យថ្មីផងដែរ ។
ដើម្បីបោះពុម្ពរបាយការណ៍ ត្រូវជ្រើស
ពីឯកសារ Writer ។