ទំនាក់ទំនង
ពាក្យបញ្ជានេះនឹងបើកបង្អួច រចនាទំនាក់ទំនង ដែលអនុញ្ញាតឲ្យអ្នកកំណត់ទំនាក់ទំនងរវាងតារាងមូលដ្ឋានទិន្នន័យជាច្រើន ។
នៅទីនេះ អ្នកអាចតភ្ជាប់តារាងជាមួយគ្នាពីមូលដ្ឋានទិន្នន័យបច្ចុប្បន្នតាមរយៈវាលទិន្នន័យរួម ។ ចុចរូបតំណាង ទំនាក់ទំនងថ្មី ដើម្បីបង្កើតទំនាក់ទំនង ឬគ្រាន់តែអូស និងទម្លាក់ដោយប្រើកណ្ដុរ ។
អនុគមន៍នេះមានលុះត្រាតែអ្នកកំពុងធ្វើការជាមួយមូលដ្ឋានទិន្នន័យ ។
នៅពេលអ្នកជ្រើស ឧបករណ៍ - ទំនាក់ទំនង បង្អួចមួយនឹងបើកដែលទំនាក់ទំនងដែលមានទាំងអស់រវាងតារាងរបស់មូលដ្ឋានទិន្នន័យបច្ចុប្បន្នត្រូវបានបង្ហាញ ។ ប្រសិនបើគ្មានទំនាក់ទំនងត្រូវបានកំណត់ ឬប្រសិនបើអ្នកចង់ភ្ជាប់តារាងផ្សេងទៀតរបស់មូលដ្ឋានទិន្នន័យជាមួយគ្នា បន្ទាំប់មកចុចរូបតំណាង បន្ថែមតារាង ។ ប្រអប់ បន្ថែមតារាង នឹងបើក ដែលអ្នកអាចជ្រើសតារាងដែលអ្នកចង់បាន ។
ប្រសិនបើបង្អួច ការរចនាទំនាក់ទំនង ត្រូវបានបើក តារាងដែលបានជ្រើសមិនអាចត្រូវបានកែប្រែទេ ទោះបីជានៅក្នុងរបៀបរចនាតារាងក៏ដោយ ។ នេះប្រាកដថាតារាងមិនបានផ្លាស់ប្ដូរ ខណៈពេលទំនាក់ទំនងកំពុងត្រូវបានបង្កើត ។
តារាងដែលបានជ្រើសត្រូវបានបង្ហាញក្នុងតំបន់ខាងលើនៃទិដ្ឋភាពរចនា ។ អ្នកអាចបិទបង្អួចតារាងមួយតាមរយៈម៉ឺនុយបរិបទ ឬចុចគ្រាប់ចុច លុប (Delete) ។
កូនសោចម្បង និងកូនសោផ្សេងទៀត
បើអ្នកចង់កំណត់ទំនាក់ទំនងមួយក្នុងចំណោមតារាងជាច្រើន អ្នកគួរតែបញ្ចូល កូនសោសំខាន់ មួយដែលសម្គាល់យ៉ាងច្បាស់នូវវាលទិន្នន័យមួយនៃតារាងដែលមានស្រាប់ ។ អ្នកអាចយោងទៅកូនសោចម្បងពីតារាងផ្សេងទៀត ដើម្បីចូលដំណើរការទិន្នន័យនៃតារាងនេះ ។ វាលទិន្នន័យទាំងអស់ដែលយោងទៅកូនសោសំខាន់នេះ នឹងត្រូវបានសម្គាល់ជាកូនសោខាងក្រៅមួយ ។
វាលទិន្នន័យទាំងអស់ដែលយោងទៅកូនសោចម្បងមួយ នឹងត្រូវបានសម្គាល់ក្នុងបង្អួចតារាងដោយនិមិត្តសញ្ញាកូនសោតូចមួយ ។
កំណត់ទំនាក់ទំនង
ទំនាក់ទំនងដែលមានស្រាប់ទាំងអស់ ត្រូវបានបង្ហាញក្នុងបង្អួចទំនាក់ទំនងដោយបន្ទាត់មួយដែលតភ្ជាប់វាលកូនសោសំខាន់ និងវាលកូនសោផ្សេងទៀត ។ អ្នកអាចបន្ថែមទំនាក់ទំនងមួយដោយប្រើអូស និងទម្លាក់ដើម្បីទម្លាក់វាលនៃតារាងមួយទៅលើវាលនៃតារាងផ្សេងទៀត ។ ដើម្បីយកទំនាក់ទំនងមួយចេញ សូមជ្រើសវា និងចុចគ្រាប់ចុច លុប (Delete) ។
ជាជម្រើស អ្នកក៏អាចចុចរូបតំណាង ទំនាក់ទំនងថ្មី ក្នុងតំបន់ខាងលើនៃវាលទំនាក់ទំនង និងកំណត់ទំនាក់ទំនងរវាងតារាងពីរក្នុងប្រអប់ ទំនាក់ទំនង ។
បើអ្នកប្រើ LibreOffice ជាផ្នែកខាងមុខ សម្រាប់មូលដ្ឋានទិន្នន័យទំនាក់ទំនងមួយ នោះការបង្កើត និងការលុបនៃទំនាក់ទំនងនឹងមិនត្រូវបានដាក់ក្នុងអង្គចងចាំកណ្តាលដោយ LibreOffice ទេ ប៉ុន្តែត្រូវបានបញ្ចូលបន្តដោយផ្ទាល់ទៅមូលដ្ឋានទិន្នន័យខាងក្រៅ ។
ដោយចុចទ្វេដងលើបន្ទាត់តភ្ជាប់មួយ អ្នកអាចផ្តល់តម្លៃលក្ខណសម្បត្តិខ្លះទៅទំនាក់ទំនង ។ ប្រអប់ ទំនាក់ទំនង នឹងបើកឡើង ។