ទិន្នន័យ
ទំព័រផ្ទាំង ទិន្នន័យ កំណត់លក្ខណសម្បត្តិសំណុំបែបបទ ដែលសំដៅទៅលើមូលដ្ឋានទិន្នន័យ ដែលត្រូវបានតភ្ជាប់ទៅសំណុំបែបបទ ។
កំណត់ប្រភពទិន្នន័យដែលសំណុំបែបបទមានមូលដ្ឋានលើ ឬបញ្ជាក់ថាតើទិន្នន័យអាចត្រូវបានកែសម្រួលដោយអ្នកប្រើ ។ ក្រៅពីមុខងារតម្រង និង តម្រៀប អ្នកក៏ស្វែងរកផងដែរនូវលក្ខណសម្បត្តិចាំបាច់ដើម្បីបង្កើត សំណុំបែបបទរងមួយ ។
ខួប
កំណត់វិធីដែលការរុករកគួរត្រូវបានធ្វើដោយប្រើគ្រាប់ចុចថេប (Tab) ។ ដោយប្រើគ្រាប់ចុចថេប (Tab) អ្នកអាចផ្លាស់ទីទៅមុខក្នុងសំណុំបែបបទ ។ ប្រសិនអ្នកចុចប្តូរ (Shift) ដំណាលគ្នា ការរុករកនឹងអនុវត្តក្នុងទិសដៅផ្ទុយ ។ ប្រសិនអ្នកឈានដល់វាលចុងក្រោយ (ឬវាលដំបូង) និង ចុចគ្រាប់ចុចថេប (Tab) ម្តងទៀត វាអាចមានប្រសិទ្ធិភាពខុសគ្នា ។ កំណត់វត្ថុបញ្ជាគ្រាប់ចុចជាមួយនឹងជម្រើសដូចខាងក្រោមនេះ ៖
|
ជម្រើស |
អត្ថន័យ |
|
លំនាំដើម |
ការកំណត់នេះកំណត់ខួបដោយស្វ័យប្រវត្តិដែលអនុវត្តតំណមូលដ្ឋានទិន្នន័យដែលមានស្រាប់មួយ ៖ ប្រសិនសំណុំបែបបទមានតំណមូលដ្ឋានទិន្នន័យ ជាលំនាំដើម គ្រាប់ចុចថេប (Tab) នឹងចាប់ផ្តើមការផ្លាស់ប្តូរទៅកំណត់ត្រាមុន ឬបន្ទាប់ ពេលចាកចេញពីវាលចុងក្រោយ (មើលកំណត់ត្រាទាំងអស់) ។ ប្រសិនគ្មានតំណមូលដ្ឋានទិន្នន័យសំណុំបែបបទបន្ទាប់/មុនត្រូវបានបង្ហាញ (មើលទំព័របច្ចុប្បន្ន) ។ |
|
កំណត់ត្រាទាំងអស់ |
ជម្រើសនេះអនុវត្តទៅសំណុំបែបបទមូលដ្ឋានទិន្នន័យតែប៉ុណ្ណោះ និង ត្រូវបានប្រើដើម្បីរុករកគ្រប់កំណត់ត្រាទាំងអស់ ។ ប្រសិនអ្នកប្រើគ្រាប់ចុចថេប (Tab) ដើម្បីចេញពីវាលចុងក្រោយរបស់សំណុំបែបបទមួយ កំណត់ត្រាបច្ចុប្បន្នត្រូវបានផ្លាស់ប្តូរ ។ |
|
កំណត់ត្រាសកម្ម |
ជម្រើសនេះអនុវត្តទៅសំណុំបែបបទមូលដ្ឋានទិន្នន័យតែប៉ុណ្ណោះ និង ត្រូវបានប្រើដើម្បីរុករកក្នុងកំណត់ត្រាបច្ចុប្បន្ន ។ ប្រសិនបើអ្នកប្រើគ្រាប់ចុចថេប (Tab) ដើម្បីចេញពីវាលចុងក្រោយរបស់សំណុំបែបបទមួយ កំណត់ត្រាបច្ចុប្បន្នត្រូវបានផ្លាស់ប្តូរ ។ |
|
ទំព័របច្ចុប្បន្ន |
ពេលចាកចេញពីវាលចុងក្រោយរបស់សំណុំបែបបទមួយ ទស្សន៍ទ្រនិចរំលងទៅវាលដំបូងក្នុងសំណុំបែបបទបន្ទាប់ ។ ស្តង់ដារនេះសម្រាប់សំណុំបែបបទ HTML ដូច្នេះជម្រើសនេះមានទំនាក់ទំនងជាពិសេសសម្រាប់សំណុំបែបបទ HTML ។ |
តភ្ជាប់វាលកូនចៅ
ប្រសិនបើអ្នកបង្កើតសំណុំបែបបទមួយ បញ្ចូលអថេរដែលតម្លៃអាចប្រតិបត្តិបានពីវាលសំណុំបែបបទមេអាចត្រូវបានរក្សាទុក ។ ប្រសិនបើសំណុំបែបបទរងមួយមានមូលដ្ឋានលើសំណួរមួយ បញ្ចូលអថេរដែលអ្នកបានកំណត់ក្នុងសំណួរ ។ ប្រសិនបើអ្នកបង្កើតសំណុំបែបបទមួយដោយប្រើសេចក្តីថ្លែងការណ៍របស់ SQL បានបញ្ចូលក្នុងវាល ប្រភពទិន្នន័យ បញ្ចូលអថេរដែលអ្នកបានប្រើក្នុងសេចក្តីថ្លែងការណ៍ ។ អ្នកអាចជ្រើសឈ្មោះអថេរណាមួយ ។ ប្រសិនបើអ្នកចង់បញ្ចូលតម្លៃច្រើន ចុចប្តូរ(Shift) + បញ្ចូល(Enter) ។
ឧទាហរណ៍ ប្រសិនអ្នកបានបញ្ជាក់វាលមូលដ្ឋានទិន្នន័យ លេខសម្គាល់អតិថិជន ជាវាលមេមួយក្រោម តភ្ជាប់វាលមេបន្ទាប់មកអ្នកអាចកំណត់ក្រោម តភ្ជាប់វាលកូនចៅ ឈ្មោះរបស់អថេរដែលតម្លៃរបស់វាលមូលដ្ឋានទិន្នន័យ លេខសម្គាល់អតិថិជន ត្រូវបានរក្សាទុក ។ ឥឡូវប្រសិនអ្នកបញ្ជាក់សេចក្តីថ្លែងការណ៍ SQL មួយក្នុងប្រអប់ ប្រភពទិន្នន័យ ដោយប្រើអថេរនេះ តម្លៃដែលទាក់ទងត្រូវបានបង្ហាញក្នុងសំណុំបែបបទរង ។
តម្រង
បញ្ចូលលក្ខខណ្ឌដែលត្រូវការសម្រាប់ត្រងទិន្នន័យក្នុងសំណុំបែបបទ ។ ការបញ្ជាក់តម្រងអនុវត្តតាមក្បួន SQL ដោយមិនប្រើប្រយោគ WHERE ។ ជាឧទាហរណ៍ ប្រសិនបើអ្នកចង់បង្ហាញកំណត់ត្រាទាំងអស់ដែលមានឈ្មោះខាងមុខស្មើ "Mike" វាយក្នុងវាលទិន្នន័យ ៖ ឈ្មោះខាងមុខ = 'Mike' ។ អ្នកក៏អាចផ្សំលក្ខខណ្ឌ ៖ ឈ្មោះខាងមុខ = Mike ឬឈ្មោះខាងមុខ = Peter ។ កំណត់ត្រាទាំងអស់ផ្គូផ្គងលក្ខខណ្ឌទាំងពីរនឹងត្រូវបានបង្ហាញ ។
មុខងារតម្រងអាចប្រើបាននៅក្នុងរបៀបអ្នកប្រើ តាមរយៈរូបតំណាងតម្រងស្វ័យប្រវត្តិ និង តម្រងលំនាំដើម នៅលើរបារការរុករកសំណុំបែបបទ ។
តម្រៀប
បញ្ជាក់លក្ខខណ្ឌដើម្បីតម្រៀបទិន្នន័យក្នុងសំណុំបែបបទ ។ សេចក្តីបញ្ជាក់របស់លក្ខខណ្ឌតម្រៀបអនុវត្តក្បួនរបស់ SQL ដោយមិនប្រើឃ្លា ORDER BY ។ ជាឧទាហរណ៍ ប្រសិនអ្នកចង់ឲ្យកំណត់ត្រាទាំងអស់របស់មូលដ្ឋានទិន្នន័យត្រូវបានតម្រៀបក្នុងក្រឡាទទឹងមួយតាមលំដាប់កើន និង វាលដទៃទៀតតាមលំដាប់ចុះ បញ្ចូល នាមខ្លួន ASC ឈ្មោះ DESC (សន្មត់ថា នាមខ្លួន និង ឈ្មោះ គឺជាឈ្មោះរបស់វាលទិន្នន័យ ) ។
រូបតំណាងសមរម្យមួយនៅលើរបារ ការរុករកសំណុំបែបបទ អាចត្រូវបានប្រើនៅក្នុងរបៀបអ្នកប្រើដើម្បីតម្រៀប ៖ តម្រៀបតាមលំដាប់ឡើង, តម្រៀបតាមលំដាប់ចុះ តម្រៀប.
ធ្វើវិភាគពាក្យបញ្ជា SQL
បញ្ជាក់ថាតើឲ្យវិភាគ សេចក្ដីរាយការណ៍ SQL ដោយ LibreOffice ឬអត់ ។ ប្រសិនបើកំណត់ទៅ បាទ/ចាស នោះអ្នកអាចចុចប៊ូតុង ... ដែលនៅជាប់នឹងប្រអប់បញ្ជី មាតិកា ។ វានឹងបើកបង្អួច ដែលអ្នកអាចបង្កើតសំណួរមូលដ្ឋានទិន្នន័យជាក្រាហ្វិក ។ នៅពេលអ្នកបិទបង្អួច នោះសេចក្ដីថ្លែងការណ៍ SQL សម្រាប់សំណួរដែលបានបង្កើត នឹងត្រូវបានបញ្ចូលនៅក្នុងប្រអប់បញ្ជី មាតិកា ។
បន្ថែមតែទិន្នន័យ
កំណត់ប្រសិនបើសំណុំបែបបទអនុញ្ញាតឲ្យបន្ថែមតែទិន្នន័យថ្មី (បាទ) ឬ ប្រសិនបើវាអនុញ្ញាតបន្ថែមលក្ខណសម្បត្តិផ្សេងៗទៀតផងដែរ (ទេ) ។
ប្រសិនបើ បន្ថែមតែទិន្នន័យ ត្រូវបានកំណត់ទៅជា "បាទ" មិនអាចផ្លាស់ប្តូរ ឬលុបបានទេ ។
ប្រភពទិន្នន័យ
កំណត់ប្រភពទិន្នន័យទៅសំណុំបែបបទមួយណាដែលគួរយោង ។ ប្រសិនបើអ្នកចុចប៊ូតុង ... អ្នកហៅប្រអប់ បើក ដែលអ្នកអាចជ្រើសប្រភពទិន្នន័យមួយ ។
ប្រភេទមាតិកា
កំណត់ថាតើប្រភពទិន្នន័យគឺមានក្នុងតារាង ឬសំណួររបស់មូលដ្ឋានទិន្នន័យដែលមានស្រាប់ ឬ ប្រសិនបើសំណុំដែលត្រូវបានបង្កើតមានមូលដ្ឋានលើសេចក្តីថ្លែងការណ៍របស់ SQL ។
ប្រសិនបើអ្នកជ្រើស "តារាង" ឬ"សំណួរ" សំណុំបែបបទនឹងសំអាងលើតារាង ឬសំណួរដែលអ្នកបញ្ជាក់លម្អិតក្រោម មាតិកា ។ ប្រសិនបើអ្នកចង់បង្កើតសំណួរថ្មីមួយ ឬសំណុំបែបបទរង បន្ទាប់មកអ្នកត្រូវតែជ្រើសជម្រើស "SQL" ។ បន្ទាប់អ្នកអាចបញ្ចូលសេចក្តីថ្លែងការណ៍សម្រាប់សំណួរ SQL ឬសំណុំបែបបទរងដោយផ្ទាល់ក្នុងប្រអប់ មាតិកាបញ្ជី នៅលើទំព័រផ្ទាំងទិន្នន័យលក្ខណសម្បត្តិវត្ថុបញ្ជា ។
ភ្ជាប់វាលមេ
ប្រសិនបើអ្នកបង្កើត សំណុំបែបបទរង បញ្ចូលវាលទិន្នន័យរបស់សំណុំបែបបទមេទទួលខុសត្រូវការធ្វើសមកាលកម្មរវាងសំណុំបែបបទមេ និង សំណុំបែបបទរង ។ ដើម្បីបញ្ចូលតម្លៃច្រើន ចុចប្តូរ (Shift) + បញ្ចូល (Enter) បន្ទាប់ពីបន្ទាត់បញ្ចូលនីមួយៗ ។
សំណុំបែបបទរងមានមូលដ្ឋានលើសំណួរ SQL ពិសេសជាងនេះទៀត នៅលើ សំណួរប៉ារ៉ាម៉ែត្រ។ ប្រសិនបើឈ្មោះវាលមួយត្រូវបានបញ្ចូលក្នុងប្រអប់ តភ្ជាប់វាលមេ ទិន្នន័យដែលមានក្នុងវាលនោះនៅក្នុងសំណុំបែបបទមេត្រូវបានអានអថេរដែលមានដែលអ្នកត្រូវតែបញ្ចូលក្នុង តភ្ជាប់វាលកូនចៅ ។ ក្នុងសេចក្តីថ្លែងការណ៍ SQL ដ៏សមរម្យមួយ អថេរមួយនេះត្រូវបានប្រៀបធៀបទៅនឹងទិន្នន័យតារាងដែលសំណុំបែបបទរងសំអាងលើ ។ ជាជម្រើស អ្នកអាចបញ្ចូលឈ្មោះជួរឈរក្នុងប្រអប់ តភ្ជាប់វាលមេ ។
ពិចារណាឧទាហរណ៍ដូចខាងក្រោមនេះ ៖
ឧទាហរណ៍ តារាងមូលដ្ឋានទិន្នន័យ ដែលសំណុំបែបបទមានមូលដ្ឋានលើគឺជាមូលដ្ឋានទិន្នន័យអតិថិជន ("អតិថិជន") ដែលអតិថិជនគ្រប់គ្នាត្រូវបានផ្តល់ឲ្យលេខតែមួយគត់ក្នុងវាលទិន្នន័យ "លេខសម្គាល់អតិថិជន" ។ លំដាប់របស់អតិថិជនម្នាក់ត្រូវបានថែរក្សាក្នុងតារាងមូលដ្ឋានទិន្នន័យដទៃទៀត ។ ឥឡូវអ្នកចង់មើលលំដាប់របស់អតិថិជនម្នាក់បន្ទាប់ពីបញ្ចូលពួកគេក្នុងសំណុំបែបបទ ។ ដើម្បីធ្វើដូចនេះអ្នកគួរបង្កើតសំណុំបែបបទរងមួយ ។ ក្រោម តភ្ជាប់វាលមេ បញ្ចូលវាលទិន្នន័យពីមូលដ្ឋានទិន្នន័យអតិថិជន ដែលបញ្ជាក់ប្រាប់អតិថិជនយ៉ាងច្បាស់ នោះគឺ លេខសម្គាល់អតិថិជន ។ ក្រោម តភ្ជាប់វាលកូនចៅ បញ្ចូលឈ្មោះរបស់អថេរដែលត្រូវទទួលទិន្នន័យរបស់វាល លេខសម្គាល់អតិថិជន ជាឧទាហរណ៍ x ។
សំណុំបែបបទរងគួរបង្ហាញទិន្នន័យសមរម្យពីតារាងបញ្ជាទិញ ("បញ្ជាទិញ") សម្រាប់លេខសម្គាល់អតិថិជនម្នាក់ៗ (Customer_ID -> x) ។ នេះអាចធ្វើបានប្រសិនបើលំដាប់នីមួយៗបានផ្តល់ឲ្យអតិថិជនតែម្នាក់គត់ក្នុងតារាងបញ្ជាទិញ ។ ជាជម្រើស អ្នកអាចប្រើវាលដទៃទៀត ដែលហៅថា Customer_ID ទោះយ៉ាងណាក៏ដោយ ដើម្បីប្រាកដថាមិនត្រូវច្រឡំជាមួយវាលដូចគ្នាពីសំណុំបែបបទមេ វាលត្រូវបានហៅថា Customer_Number ។
ឥឡូវប្រៀបធៀប លេខអតិថិជន ក្នុងតារាង "បញ្ជាទិញ" ជាមួយនឹង លេខសម្គាល់អតិថិជន ពីតារាង "អតិថិជន" ដែលអាចត្រូវបានធ្វើ ជាឧទាហរណ៍ ដោយប្រើអថេរ x ជាមួយសេចក្តីថ្លែងការណ៍ SQL ដូចខាងក្រោមនេះ ៖
SELECT * FROM បញ្ជាទិញ WHERE លេខអតិថិជន =: x (ប្រសិនបើអ្នកចង់ឲ្យសំណុំបែបបទរងបង្ហាញទិន្នន័យទាំងអស់ពីតារាងបញ្ជាទិញ )
ឬ ៖
SELECT ធាតុ FROM បញ្ជាទិញ WHERE លេខអតិថិជន =: x (ប្រសិនបើអ្នកចង់បានសំណុំបែបបទរងពីតារាងលំដាប់ ដើម្បីបង្ហាញតែទិន្នន័យមានក្នុងវាល "ធាតុ")
សេចក្តីថ្លែងការណ៍ SQL អាចត្រូវបានបញ្ចូលផងដែរក្នុងវាល ប្រភពទិន្នន័យ ឬអ្នកអាចបង្កើតសំណួរប៉ារ៉ាម៉ែត្រសមរម្យមួយ ដែលអាចត្រូវបានប្រើដើម្បីបង្កើតសំណុំបែបបទរង ។
មាតិកា
កំណត់មាតិកាដែលត្រូវបានប្រើសម្រាប់សំណុំបែបបទ ។ មាតិកាអាចជាតារាង ឬសំណួរដែលមានស្រាប់ (ដែលបានបង្កើតពីមុនក្នុងមូលដ្ឋានទិន្នន័យ) ឬវាអាចត្រូវបានកំណត់ដោយសេចក្តីថ្លែងការណ៍ SQL ។ មុនពេលអ្នកបញ្ចូលមាតិកាមួយ អ្នកត្រូវតែកំណត់ប្រភេទឲ្យបានច្បាស់ក្នុង ប្រភេទមាតិកា ។
ប្រសិនបើអ្នកបានជ្រើសទាំង "តារាង" ឬ"សំណួរ" ក្នុង ប្រភេទមាតិកា ប្រអប់រាយតារាង និង សំណួរទាំងអស់ដែលបានដំឡើងក្នុងមូលដ្ឋានទិន្នន័យដែលបានជ្រើស ។
របាររុករក
បញ្ជាក់ថាតើមុខងាររុករកនៅរបារសំណុំបែបបទខាងក្រោមអាចប្រើបាន ។
ជម្រើស "សំណុំបែបបទមេ" ត្រូវបានប្រើសម្រាប់សំណុំបែបបទរង ។ ប្រសិនបើអ្នកជ្រើសជម្រើសនេះ សម្រាប់សំណុំបែបបទរង អ្នកអាចរុករកដោយប្រើកំណត់ត្រានៃសំណុំបែបបទមេ នៅពេលដាក់ទស្សន៍ទ្រនិចនៅក្នុងសំណុំបែបបទរង ។ សំណុំបែបបទរង ត្រូវបានតទៅសំណុំបែបបទមេ ដោយទំនាក់ទំនង 1:1 ដូច្នេះការរុករកគឺត្រូវបានធ្វើនៅក្នុងសំណុំបែបបទមេ ។
អនុញ្ញាតការលុប
បញ្ជាក់ប្រសិនបើទិន្នន័យអាចត្រូវលុប ។
អនុញ្ញាតឲ្យកែប្រែ
កំណត់ប្រសិនបើទិន្នន័យអាចត្រូវបានកែប្រែ ។
អនុញ្ញាតឲ្យបន្ថែម
កំណត់ប្រសិនបើទិន្នន័យអាចត្រូវបានបន្ថែម ។
តើសំណុំបែបបទរងជាអ្វី ?
សំណុំបែបបទត្រូវបានបង្កើតដោយផ្អែកលើតារាងមូលដ្ឋានទិន្នន័យ ឬសំណួរមូលដ្ឋានទិន្នន័យ ។ ពួកវាបង្ហាញទិន្នន័យក្នុងទិដ្ឋភាពងាយស្រួលមើល និង អាចត្រូវបានប្រើដើម្បីបញ្ចូលទិន្នន័យ ឬ កែសម្រួលទិន្នន័យ ។
ប្រសិនបើអ្នកត្រូវការសំណុំបែបបទមួយដែលអាចយោងទៅទិន្នន័យក្នុងតារាងមួយ ឬ សំណួរមួយ និង អាចបង្ហាញទិន្នន័យបន្ថែមពីតារាងផ្សេងទៀត អ្នកគួរបង្កើតសំណុំបែបបទរងមួយ ឧទាហរណ៍ សំណុំបែបបទរងនេះអាចជាប្រអប់អត្ថបទដែលបង្ហាញទិន្នន័យរបស់តារាងមូលដ្ឋានទិន្នន័យផ្សេងៗទៀត ។
សំណុំបែបបទរងគឺជាសមាសភាគបន្ថែមរបស់សំណុំបែបបទមេ ។ សំណុំបែបបទមេអាចត្រូវបានហៅថា "សំណុំបែបបទមេ" ឬ "មេ" ។ ត្រូវការសំណុំបែបបទរង ពេលដែលអ្នកចូលដំណើរការតារាងច្រើនជាងមួយពីសំណុំបែបបទមួយភ្លាម។ តារាងបន្ថែមនីមួយៗត្រូវការសំណុំបែបបទរងផ្ទាល់របស់ពួកវា ។
បន្ទាប់ពីបង្កើតសំណុំបែបបទមួយ វាអាចត្រូវបានផ្លាស់ប្តូរក្នុងសំណុំបែបបទរង ។ ដើម្បីធ្វើដូចនេះ បញ្ចូលរបៀបរចនា និង បើកកម្មវិធីរុករកសំណុំបែបបទ ។ ក្នុងកម្មវិធិរុករកសំណុំបែបបទ អូសសំណុំបែបបទមួយ (ដែលនឹងក្លាយជាសំណុំបែបបទរងមួយ) នៅលើសំណុំបែបបទផ្សេងៗទៀត (ដែលនឹងក្លាយជាសំណុំបែបបទមេ) ។
អ្នកប្រើឯកសាររបស់អ្នក នឹងមិនឃើញថា សំណុំបែបបទមួយមានសំណុំបែបបទរង ។ អ្នកប្រើឃើញតែសំណុំបែបបទដែលទិន្នន័យត្រូវបានបញ្ចូល ឬ ទិន្នន័យដែលមានស្រាប់ត្រូវបានបង្ហាញ ។
បញ្ជាក់លម្អិតវាលតំណមេពីវាលទិន្នន័យក្នុងសំណុំបែបបទមេ ។ ក្នុងសំណុំបែបបទរង វាលតំណកូនអាចត្រូវបានកំណត់ជាវាលមួយដែលត្រូវបានផ្គូផ្គងមាតិការបស់វាលតំណមេ ។
ពេលអ្នកប្រើរុករកតាមរយៈទិន្នន័យ សំណុំបែបបទតែងតែបង្ហាញកំណត់ត្រាទិន្នន័យបច្ចុប្បន្ន ។ ប្រសិនបើមានសំណុំបែបបទបានកំណត់ មាតិការបស់សំណុំបែបបទរងនឹងត្រូវបានបង្ហាញបន្ទាប់ពីការពន្យាពេលមួយរយៈពេលខ្លីប្រហែលជា ២០០ms ។ ការពន្យាពេលនេះអាចឲ្យអ្នកប្រើដើម្បីរកមើលយ៉ាងលឿនតាមរយៈកំណត់ត្រាទិន្នន័យរបស់សំណុំបែបបទមេ ។ ប្រសិនបើអ្នករុករកទៅកំណត់ត្រាមេបន្ទាប់ក្នុងការពន្យាពេលមានកំណត់ ទិន្នន័យសំណុំបែបបទរងមិនត្រូវបានទាញយក និង បង្ហាញទេ ។