វត្ថុបញ្ជារបស់សំណុំបែបបទ
របារត្រួតពិនិត្យសំណុំបែបបទមានឧបករណ៍ដែលអ្នកត្រូវបង្កើតសំណុំបែបបទអន្តរកម្ម ។ អ្នកអាចប្រើរបារឧបករណ៍ ដើម្បីបន្ថែមការត្រួតពិនិត្យទៅសំណុំបែបបទជាអត្ថបទ សៀវភៅបញ្ជី ការបង្ហាញ ឬឯកសារ HTML ឧទាហរណ៍ ប៊ូតុងដែលរត់ម៉ាក្រូ ។
ឯកសារសំណុំបែបបទ XML (XForms) ប្រើវត្ថុបញ្ជាដូចគ្នា ។
ដើម្បីបង្កើតសំណុំបែបបទមួយ បើកឯកសារ ហើយប្រើរបារឧបករណ៍វត្ថុបញ្ជាសំណុំបែបបទ ដើម្បីបន្ថែម និងកំណត់វត្ថុបញ្ជាសំណុំបែបបទ ។ ប្រសិនបើអ្នកចង់ អ្នកក៏អាចតភ្ជាប់សំណុំបែបបទទៅមូលដ្ឋានទិន្នន័យ ដូច្នេះអ្នកអាចប្រើវត្ថុបញ្ជាដើម្បីគណនាមូលដ្ឋានទិន្នន័យមួយ ។
នៅពេលអ្នកបង្កើតសំណុំបែបបទមួយនៅក្នុងឯកសារ HTML អ្នកអាចប្រើសំណុំបែបបទដើម្បីផ្ញើទិន្នន័យលើអ៊ីនធឺណិត ។
LibreOffice នាំចេញតែលក្ខណសម្បត្តិសំណុំបែបបទដែលត្រូវបានគាំទ្រដោយកំណែ HTML ដែលអ្នកនាំចេញ ។ ដើម្បីបញ្ជាក់កំណែ HTML ជ្រើស LibreOffice - ចំណូលចិត្តឧបករណ៍ - ជម្រើស - ផ្ទុក/រក្សាទុក - ភាពឆបគ្នារបស់ HTML ។
ដើម្បីបន្ថែមវត្ថុបញ្ជាទៅឯកសារមួយ
-
លើរបារ វត្ថុបញ្ជារបស់សំណុំបែបបទ ចុចរូបតំណាងរបស់វត្ថុបញ្ជា ដែលអ្នកចង់បន្ថែម ។
-
ក្នុងឯកសារ អូសដើម្បីបង្កើតវត្ថុបញ្ជា ។
ដើម្បីបង្កើតវាលត្រួតពិនិត្យការ៉េ ចុចគ្រាប់ចុចប្ដូរ (Shift) ខណៈពេលអូស ។
ដើម្បីបន្ថែមវាលពីបញ្ជីវាលរបស់តារាង ឬសំណួរទៅសំណុំបែបបទ អូសក្រឡាទៅក្នុងសំណុំបែបបទ ។ នៅក្នុងឯកសារអត្ថបទ អ្នកក៏អាចអូសបឋមកថាជួរឈរ ដើម្បីបន្ថែមវាលទៅកាន់សំណុំបែបបទ ។ ដើម្បីរួមបញ្ចូលស្លាកសម្រាប់វា ចុចគ្រាប់ចុចCommandបញ្ជា(Ctrl)+ប្ដូរ(Shift) នៅពេលអ្នកអូសក្បាលជួរឈរ ។
ការកែប្រែវត្ថុបញ្ជាមួយ
-
ចុចកណ្តុរស្តាំលើវត្ថុបញ្ជា ហើយជ្រើស វត្ថុបញ្ជា ។ ប្រអប់មួយនឹងបើក ដែលអ្នកអាចកំណត់លក្ខណសម្បត្តិរបស់វត្ថុបញ្ជា ។
-
ដើម្បីបញ្ជាក់លម្អិតគ្រាប់ចុចផ្លូវកាត់សម្រាប់វត្ថុបញ្ជា បន្ថែមសញ្ញា (~) នៅពីមុខតួអក្សរក្នុងស្លាកសម្រាប់វត្ថុបញ្ជា ។
-
អ្នកអាចអូស ហើយទម្លាក់វត្ថុបញ្ជាពីឯកសារមួយទៅឯកសារមួយផ្សេងទៀត ។ អ្នកក៏អាចចម្លង និងបិទភ្ជាប់រវាងឯកសារបានដែរ ។ នៅពេលដែលអ្នកបញ្ចូលវត្ថុបញ្ជាពីឯកសារផ្សេងទៀត នោះ LibreOffice វិភាគប្រភពទិន្នន័យ ប្រភេទមាតិកា និងលក្ខណសម្បត្តិមាតិកានៃវត្ថុបញ្ជា ដូច្នេះវត្ថុបញ្ជាធ្វើឲ្យរចនាសម្ព័ន្ធតក្កសមនៅក្នុងឯកសារទិសដៅ ។ ឧទាហរណ៍ វត្ថុបញ្ជាដែលបង្ហាញមាតិកាពីសៀវភៅអាសយដ្ឋាន បន្តបង្ហាញមាតិកាដូចគ្នាបន្ទាប់ពីអ្នកចម្លងវត្ថុបញ្ជាទៅកាន់ឯកសារផ្សេង ។ អ្នកអាចមើលលក្ខណសម្បត្តិទាំងនេះនៅទំព័រផ្ទាំង ទិន្នន័យ នៃប្រអប់ លក្ខណសម្បត្តិសំណុំបែបបទ ។
ជ្រើស
រូបតំណាងនេះប្តូរព្រួញកណ្តុរទៅរបៀបជ្រើស ឬធ្វើឲ្យរបៀបនេះអសកម្ម ។ របៀបជ្រើសត្រូវបានប្រើដើម្បីជ្រើសវត្ថុបញ្ជារបស់សំណុំបែបបទបច្ចុប្បន្ន ។
ប្រអប់ធីក
បង្កើតប្រអប់ធីកមួយ ។ ប្រអប់ធីកអនុញ្ញាតឲ្យអ្នកធ្វើឲ្យមុខងារសកម្ម ឬមិនសកម្មក្នុងសំណុំបែបបទមួយ ។
ប្រអប់អត្ថបទ
បង្កើតប្រអប់អត្ថបទមួយ ។ ប្រអប់អត្ថបទគឺជាវាលដែលអ្នកប្រើអាចបញ្ចូលអត្ថបទ ។ ក្នុងសំណុំបែបបទមួយ ប្រអប់អត្ថបទបង្ហាញទិន្នន័យ ឬអនុញ្ញាតសម្រាប់ការបញ្ចូលទិន្នន័យថ្មី ។
វាលមានទ្រង់ទ្រាយ
បង្កើតវាលមានទ្រង់ទ្រាយមួយ ។ វាលដែលមានទ្រង់ទ្រាយមួយ គឺជាប្រអប់អត្ថបទដែលអ្នកអាចកំណត់វិធីដែលព័ត៌មានចូល និង ចេញត្រូវបានធ្វើទ្រង់ទ្រាយ និង អនុវត្តតម្លៃកំណត់មួយណា ។
វាលមានទ្រង់ទ្រាយមួយមាន លក្ខណសម្បត្តិវត្ថុបញ្ជាពិសេស (ជ្រើស ទ្រង់ទ្រាយ - វត្ថុបញ្ជា) ។
ប៊ូតុងរុញ
បង្កើតប៊ូតុងរុញមួយ ។ អនុគមន៍នេះអាចត្រូវបានប្រើដើម្បីប្រតិបត្តិពាក្យបញ្ជាមួយ សម្រាប់ព្រឹត្តិការណ៍ដែលបានកំណត់ ដូចជាចុចកណ្តុរមួយ ។
អ្នកអាចអនុវត្តអត្ថបទ និង ក្រាហ្វិកទៅប៊ូតុងទាំងនេះ ។
ប៊ូតុងជម្រើស
បង្កើតប៊ូតុងជម្រើសមួយ ។ ប៊ូតុងជម្រើសអនុញ្ញាតឲ្យអ្នកប្រើ ជ្រើសជម្រើសមួយក្នុងចំណោមជម្រើសជាច្រើន ។ ប៊ូតុងជម្រើសមានមុខងារដូចគ្នាត្រូវបានផ្ដល់ឈ្មោះដូចគ្នា (ឈ្មោះលក្ខណសម្បត្តិ) ។ ជាធម្មតា ពួកវាត្រូវបានផ្ដល់ ប្រអប់ក្រុមមួយ ។
ប្រអប់បញ្ជី
Creates a list box. A list box lets users select an entry from a list. If the form is linked to a database and the database connection is active, the List Box Wizard will automatically appear after the list box is inserted in the document. This wizard helps you create the list box.
ប្រអប់បន្សំ
បង្កើតប្រអប់បន្សំមួយ ។ ប្រអប់បន្សំគឺជាប្រអប់បញ្ជីមានបន្ទាត់តែមួយ ជាមួយនឹងបញ្ជីធ្លាក់ចុះមួយ ដែលអ្នកប្រើជ្រើសជម្រើសមួយពីក្នុងនោះបាន ។ អ្នកអាចផ្តល់លក្ខណសម្បត្តិ "បានតែអាន" ទៅឲ្យប្រអប់បន្សំ ដូច្នេះអ្នកប្រើមិនអាចបញ្ចូលធាតុផ្សេងៗទៀតក្រៅពីធាតុដែលមានក្នុងបញ្ជីទេ ។ ប្រសិនបើសំណុំបែបបទត្រូវបានចងភ្ជាប់ទៅនឹងមូលដ្ឋានទិន្នន័យ ហើយការតភ្ជាប់មូលដ្ឋានទិន្នន័យសកម្ម អ្នកជំនួយការប្រអប់បន្សំ នឹងបង្ហាញដោយស្វ័យប្រវត្តិ បន្ទាប់ពីអ្នកបញ្ចូលប្រអប់បន្សំក្នុងឯកសារ ។
វាលស្លាក
បង្កើតវាលមួយសម្រាប់បង្ហាញអត្ថបទ ។ ស្លាកទាំងនេះសម្រាប់បង្ហាញតែអត្ថបទដែលបានកំណត់ជាមុនប៉ុណ្ណោះ ។ មិនអាចបញ្ចូលក្នុងវាលទាំងនេះបានទេ ។
វត្ថុបញ្ជាច្រើនទៀត
បើករបារឧបករណ៍ វត្ថុបញ្ជាច្រើនទៀង ។
រចនាសំណុំបែបបទ
បើករបារឧបករណ៍ រចនាសំណុំបែបបទ ។
បិទ/បើក អ្នកជំនួយការ
បើក និង បិទអ្នកជំនួយការវត្ថុបញ្ជាសំណុំបែបបទដោយស្វ័យប្រវត្តិ ។
អ្នកជំនួយការទាំងនេះជួយអ្នកដើម្បីបញ្ចូលលក្ខណសម្បត្តិរបស់ប្រអប់បញ្ជី វត្ថុបញ្ជាតារាង និង វត្ថុបញ្ជាផ្សេងៗទៀត ។
ពាក្យបញ្ជាម៉ឺនុយបរិបទ
ប៊ូតុងបង្កើនបន្ថយ
បង្កើតប៊ូតុងបង្កើនបន្ថយ ។
ប្រសិនបើអ្នកបន្ថែមប៊ូតុងបង្កើនបន្ថយមួយទៅសៀវភៅបញ្ជីរបស់ Calc អ្នកអាចប្រើទំព័រផ្ទាំងទិន្នន័យដើម្បីបង្កើតតំណពីរផ្លូវរវាងប៊ូតុងបង្កើនបន្ថយ និង ក្រឡាមួយ ។ ជាលទ្ធផល ពេលអ្នកផ្លាស់ប្តូរមាតិការបស់ក្រឡា មាតិការបស់ប៊ូតុងបង្កើនបន្ថយត្រូវបានធ្វើបច្ចុប្បន្នភាព ។ ផ្ទុយទៅវិញប្រសិនបើអ្នកផ្លាស់ប្តូរតម្លៃរបស់ប៊ូតុងបង្កើនបន្ថយ មាតិការបស់ក្រឡាត្រូវបានធ្វើបច្ចុប្បន្នភាពភាព ។
របាររមូរ
បង្កើតរបាររមូរមួយ ។
អ្នកអាចបញ្ជាក់លក្ខណសម្បត្តិដូចខាងក្រោមនេះសម្រាប់របាររមូរមួយ ៖
ឈ្មោះ UI |
និឃណ្តសាស្ត្រ |
តម្លៃអប្បបរមារបស់របាររមូរ |
បញ្ជាក់កម្ពស់អប្បបរមា ឬ ទទឹងអប្បបរមារបស់របាររមូរមួយ ។ |
អតិបរមារបស់តម្លៃរមូរ |
បញ្ជាក់កម្ពស់អតិបរមា ឬ ទទឹងអតិបរមារបស់របាររមូរមួយ ។ |
តម្លៃរមូរលំនាំដើម |
បញ្ជាក់តម្លៃលំនាំដើមរបស់របាររមូរ ដែលត្រូវបានប្រើពេលសំណុំបែបបទត្រូវបានកំណត់ឡើងវិញ ។ |
ទិស |
បញ្ជាក់ទិសរបស់របាររមូរ គឺផ្ដេក ឬ បញ្ឈរ ។ |
ផ្លាស់ប្តូរតិច |
បញ្ជាក់ចំនួនអប្បបរមា ដែលអ្នកអាចរមូររបាររមូរមួយ ជាឧទាហរណ៍ ដោយចុចលើព្រួញមួយ ។ |
ប្តូរច្រើន |
បញ្ជាក់ចំនួនសរុបដែលជំហានធំមួយរមូររបាររមូរមួយ ជាឧទាហរណ៍ ពេលអ្នកចុចរវាងរូបភាពតូចរបស់របាររមូរ និង ព្រួញរបាររមូរ ។ |
ការពន្យាពេល |
បញ្ជាក់ការពន្យាពេលគិតជា មិល្លីវិនាទី រវាងព្រឹត្តិការណ៍កេះរបាររមូរ ។ ឧទាហរណ៍ ការពន្យាពេលដែលកើតឡើង នៅពេលអ្នកចុចប៊ូតុងព្រួញមួយនៅលើរបាររមូរ ហើយសង្កត់ប៊ូតុងកណ្តុរ ។ |
ពណ៌និមិត្តសញ្ញា |
បញ្ជាក់ពណ៌របស់ព្រួញនៅលើរបាររមូរ ។ |
ទំហំដែលមើលឃើញ |
បញ្ជាក់ទំហំរបស់រូបភាពតូចរបាររមូរក្នុង "ឯកតាតម្លៃ" ។ ជាឧទាហរណ៍ តម្លៃមួយរបស់ ("តម្លៃរមូរអតិបរមា" ដក "តម្លៃរមូរអប្បបរមា") / 2 ផ្តល់លទ្ធផលក្នុងរូបភាពតូចរបស់របាររមូរដែលគ្រប់គ្រងពាក់កណ្តាលរបស់របាររមូរ ។ ដើម្បីធ្វើឲ្យទទឹងរបស់របាររមូរឲ្យស្មើនឹងកម្ពស់របស់របាររមូរ កំណត់ទំហំមើលឃើញឲ្យទៅសូន្យ ។ |
ក្នុងសៀវភៅបញ្ជី Calc មួយ អ្នកអាចប្រើទំព័រផ្ទាំង ទិន្នន័យ ដើម្បីបង្កើតតំណពីរផ្លូវ រវាងរបាររមូរមួយ និង ក្រឡាមួយ ។
ប៊ូតុងរូបភាព
បង្កើតប៊ូតុងមួយដែលបានបង្ហាញជារូបភាពមួយ ។ មិនរាប់បញ្ចូលការតំណាងក្រាហ្វិក ប៊ូតុងរូបភាពមួយមានលក្ខណសម្បត្តិដូចប៊ូតុង"ធម្មតា" ។
វត្ថុបញ្ជារូបភាព
បង្កើតវត្ថុបញ្ជារូបភាពមួយ ។ វាអាចត្រូវបានប្រើដើម្បីបន្ថែមរូបភាពពីមូលដ្ឋានទិន្នន័យមួយតែប៉ុណ្ណោះ ។ ក្នុងឯកសារសំណុំបែបបទ ចុចទ្វេដងលើវត្ថុបញ្ជាក្នុងចំណោមវត្ថុបញ្ជាទាំងនេះ ដើម្បីបើកប្រអប់ បញ្ចូលក្រាហ្វិក ដើម្បីបញ្ចូលរូបភាពមួយ ។ មានម៉ឺនុយបរិបទមួយផងដែរ (មិនស្ថិតក្នុងរបៀបរចនា) ជាមួយនឹងពាក្យបញ្ជាសម្រាប់បញ្ចូល និង លុបរូបភាព ។
រូបភាពចេញពីមូលដ្ឋានទិន្នន័យមួយក្នុងសំណុំបែបបទមួយ និង រូបភាពថ្មីអាចត្រូវបានបញ្ចូលក្នុងមូលដ្ឋានទិន្នន័យ ដរាបណាវត្ថុបញ្ជារូបភាពមិនបានការពារឲ្យសរសេរចូល ។ វត្ថុបញ្ជាត្រូវតែសំអាងទៅតាមវាលមូលដ្ឋានទិន្នន័យរបស់ប្រភេទរូបភាព ។ ដូច្នេះ បញ្ចូលវាលទិន្នន័យទៅក្នុងបង្អួចលក្ខណសម្បត្តិនៅលើទំព័រផ្ទាំង ទិន្នន័យ ។
វាលកាលបរិច្ឆេទ
បង្កើតវាលកាលបរិច្ឆេទមួយ ។ ប្រសិនបើសំណុំបែបបទត្រូវបានតភ្ជាប់ទៅមូលដ្ឋានទិន្នន័យ តម្លៃកាលបរិច្ឆេទអាចត្រូវបានជ្រើសពីមូលដ្ឋានទិន្នន័យ ។
ប្រសិនបើអ្នកផ្តល់លក្ខណសម្បត្តិ "ធ្លាក់ចុះ" ទៅឲ្យវាលទិន្នន័យ អ្នកប្រើអាចបើកប្រតិទិន ដើម្បីជ្រើសកាលបរិច្ឆេទមួយ ក្រោមវាលកាលបរិច្ឆេទ ។ នេះក៏អនុវត្តផងដែរទៅលើវាលកាលបរិច្ឆេទក្នុងវាលវត្ថុបញ្ជាតារាងមួយ ។
វាលកាលបរិច្ឆេទអាចត្រូវបានកែសម្រួលយ៉ាងងាយដោយអ្នកប្រើ ដោយប្រើគ្រាប់ចុចព្រួញឡើងលើ និង ព្រួញចុះក្រោម ។ អាស្រ័យលើទីតាំងទស្សន៍ទ្រនិច ថ្ងៃ ខែ ឬ ឆ្នាំ គឺអាចត្រូវបានបង្កើន ឬបន្ថយដោយប្រើគ្រាប់ចុចព្រួញ ។
បញ្ជាក់កំណត់សម្គាល់នៅក្នុងវាលកាលបរិច្ឆេទ។
វាលពេលវេលា
បង្កើតវាលពេលវេលាមួយ ។ ប្រសិនបើសំណុំបែបបទត្រូវបានតភ្ជាប់ទៅមូលដ្ឋានទិន្នន័យ តម្លៃពេលវេលាសម្រាប់សំណុំបែបបទអាចត្រូវបានជ្រើសពីមូលដ្ឋានទិន្នន័យ ។
វាលពេលវេលាអាចត្រូវបានកែសម្រួលយ៉ាងងាយដោយអ្នកប្រើ ដោយប្រើគ្រាប់ចុចព្រួញឡើងលើ និង ព្រួញចុះក្រោម ។ អាស្រ័យលើទីតាំងទស្សន៍ទ្រនិច ម៉ោង នាទី ឬ វិនាទី ត្រូវបានបង្កើន ឬបន្ថយដោយប្រើគ្រាប់ចុចព្រួញ ។
ជម្រើសឯកសារ
បង្កើតប៊ូតុងមួយដែលធ្វើឲ្យជម្រើសឯកសារប្រើបាន ។
វាលជាលេខ
បង្កើតវាលជាលេខមួយ ។ ប្រសិនបើសំណុំបែបបទត្រូវបានតភ្ជាប់ទៅមូលដ្ឋានទិន្នន័យមួយ តម្លៃជាលេខក្នុងសំណុំបែបបទអាចត្រូវបានជ្រើសពីមូលដ្ឋានទិន្នន័យ ។
វាលរូបិយប័ណ្ណ
បង្កើតវាលរូបិយវត្ថុមួយ ។ ប្រសិនសំណុំបែបបទត្រូវបានតភ្ជាប់ទៅមូលដ្ឋានទិន្នន័យ មាតិការបស់វាលរូបិយវត្ថុសម្រាប់ក្នុងសំណុំបែបបទអាចត្រូវបានជ្រើសពីមូលដ្ឋានទិន្នន័យ ។
វាលលំនាំ
បង្កើតវាលលំនាំមួយ ។ វាលលំនាំមួយមានរបាំងកែសម្រួលមួយ និង របាំងតម្លៃត្រង់មួយ ។ របាំងកែសម្រួលកំណត់ថាតើទិន្នន័យមួយណាអាចត្រូវបានបញ្ចូល ។ របាំងតម្លៃត្រង់កំណត់មាតិការបស់វាលលំនាំពេលផ្ទុកសំណុំបែបបទ ។
សូមចំណាំថាវាលលំនាំមិនត្រូវបាននាំចេញទៅជាទ្រង់ទ្រាយ HTML ទេ ។
ប្រអប់ក្រុម
បង្កើតស៊ុមមួយដើម្បីដាក់វត្ថុបញ្ជាច្រើនជាក្រុមដោយងាយ ។ ប្រអប់ក្រុមអនុញ្ញាតឲ្យអ្នកដាក់ប៊ូតុងជម្រើសជាក្រុមក្នុងស៊ុមមួយ ។
បើអ្នកបញ្ចូលស៊ុមក្រុមមួយទៅក្នុងឯកសារ នោះ អ្នកជំនួយការដាក់ធាតុជាក្រុម នឹងចាប់ផ្ដើម ដែលអនុញ្ញាតឲ្យអ្នកបង្កើតក្រុមជម្រើសមួយបានយ៉ាងងាយ ។
Note: នៅពេលអ្នកអូសប្រអប់ក្រុមលើវត្ថុបញ្ជាដែលមានស្រាប់ ហើយបន្ទាប់មកចង់ជ្រើសវត្ថុបញ្ជា អ្នកត្រូវតែបើកម៉ឺនុយបរិបទរបស់ប្រអប់ក្រុមសិន ហើយជ្រើស រៀបចំ - បញ្ជូនទៅក្រោយ ។ បន្ទាប់មកជ្រើសវត្ថុបញ្ជាខណៈពេលចុច Commandបញ្ជា(Ctrl) ។
ប្រអប់ក្រុមមួយត្រូវបានប្រើសម្រាប់តែបែបផែនដែលមើលឃើញប៉ុណ្ណោះ ។ ក្រុមវាលជម្រើសដែលមានមុខងារមួយអាចត្រូវបានធ្វើឡើងតាមរយៈការកំណត់ឈ្មោះ ៖ ក្រោម ឈ្មោះ លក្ខណសម្បត្តិរបស់វាលជម្រើសទាំងអស់ បញ្ចូលឈ្មោះដូចគ្នាដើម្បីដាក់ពួកវាជាក្រុម ។
វត្ថុបញ្ជាតារាង
បង្កើតវត្ថុបញ្ជាតារាងដើម្បីបង្ហាញតារាងមូលដ្ឋានទិន្នន័យមួយ ។ បើអ្នកបង្កើតវត្ថុបញ្ជាតារាងថ្មីមួយ អ្នកជំនួយការធាតុតារាង នឹងលេចឡើង ។
ព័ត៌មានពិសេសអំពីវត្ថុបញ្ជាតារាង។
របាររុករក
បង្កើតរបាររុករកមួយ ។
របាររុករកអនុញ្ញាតឲ្យអ្នកផ្លាស់ទីកាត់កំណត់ត្រារបស់មូលដ្ឋានទិន្នន័យមួយ ឬ សំណុំបែបបទមូលដ្ឋានទិន្នន័យមួយ ។ វត្ថុបញ្ជានៅលើរបាររុករកនេះធ្វើការតាមវិធីដូចគ្នានឹងវត្ថុបញ្ជានៅលើ របាររុករក លំនាំដើមក្នុង LibreOffice ។
ផ្តោតអារម្មណ៍លើវត្ថុស្វ័យប្រវត្តិ
ប្រសិនបើ វត្ថុបញ្ជាផ្តោតអារម្មណ៍ដោយស្វ័យប្រវត្តិ ត្រូវបានធ្វើឲ្យសកម្ម វត្ថុបញ្ជាសំណុំបែបបទដំបូងនឹងត្រូវបានជ្រើសពេលអ្នកបើកឯកសារ ។ ប្រសិនបើកប៊ូតុងមិនត្រូវបានធ្វើឲ្យសកម្ម អត្ថបទនឹងត្រូវបានជ្រើសបន្ទាប់ពីបើក ។ លំដាប់ផ្ទាំង ដែលអ្នកបានបញ្ជាក់ កំណត់ថាមួយណាជាវត្ថុបញ្ជាសំណុំបែបបទដំបូង ។