តារាងទិន្នន័យ
បើកប្រអប់ តារាងទិន្នន័យ ដែលអ្នកអាចកែសម្រួលទិន្នន័យគំនូសតាង ។
មិនមានប្រអប់ តារាងទិន្នន័យ ប្រសិនបើអ្នកបញ្ចូលគំនូសតាងមួយដែលមានមូលដ្ឋានលើសន្លឹក Calc ឬតារាង Writer ។
ដើម្បីធ្វើឲ្យគំនូសតាងទាន់សម័យដោយដៃ នៅពេលដែលតារាង Writer មានការផ្លាស់ប្ដូរ
ការផ្លាស់ប្តូរខ្លះនឹងអាចមើលឃើញ តែបន្ទាប់ពីអ្នកបិទ និងបើកប្រអប់ឡើងវិញប៉ុណ្ណោះ ។
ដើម្បីផ្លាស់ប្ដូរទិន្នន័យគំនូសតាង
នៅពេលដែលអ្នកបង្កើតគំនូសតាងមួយ ដែលមានមូលដ្ឋានលើទិន្នន័យលំនាំដើម ឬនៅពេលដែលអ្នកចម្លងគំនូសតាងទៅក្នុងឯកសាររបស់អ្នក អ្នកអាចបើកប្រអប់តារាងទិន្នន័យ ដើម្បីបញ្ចូលទិន្នន័យផ្ទាល់របស់អ្នក ។ គំនូសតាងទាក់ទងទៅនឹងទិន្នន័យនៅក្នុងទិដ្ឋភាពមើលជាមុនផ្ទាល់ ។
បិទប្រអប់ទិន្នន័យគំនូសតាង ដើម្បីអនុវត្តការផ្លាស់ប្ដូរទាំងអស់ទៅគំនូសតាង ។ ជ្រើស កែសម្រួល - មិនធ្វើវិញ ដើម្បីបោះបង់ការផ្លាស់ប្ដូរ ។
-
បញ្ចូល ឬជ្រើសគំនូសតាងដែលមិនមានមូលដ្ឋានលើទិន្នន័យក្រឡាដែលមានស្រាប់ ។
-
ជ្រើសមើល - តារាងទិន្នន័យគំនូសតាង ដើម្បីបើកប្រអប់តារាងទិន្នន័យ ។
ស៊េរីទិន្នន័យត្រូវបានរៀបចំក្នុងជួរឈរ ។ តួនាទីរបស់ជួរឈរខាងឆ្វេងត្រូវបានកំណត់ទៅប្រភេទ ឬស្លាកទិន្នន័យរៀងៗខ្លួន ។ មាតិកានៅជួរឈរខាងឆ្វេងបំផុតតែងតែត្រូវបានធ្វើទ្រង់ទ្រាយជាអត្ថបទជានិច្ច ។ អ្នកអាចបញ្ចូលជួរឈរអត្ថបទច្រើនឲ្យប្រើជាស្លាកឋានានុក្រម ។
-
ចុចលើក្រឡាមួយនៅក្នុងប្រអប់ ហើយផ្លាស់ប្ដូរមាតិកា ។ ចុចលើក្រឡាផ្សេងទៀត ដើម្បីមើលមាតិកាដែលបានផ្លាស់ប្ដូរនៅក្នុងទិដ្ឋភាពមើលជាមុន ។
-
បញ្ចូលឈ្មោះរបស់ស៊េរីទិន្នន័យនៅក្នុងប្រអប់អត្ថបទខាងលើជួរឈរ ។
-
ប្រើរូបតំណាងខាងលើតារាងដើម្បីបញ្ចូល ឬលុបជួរដេក និងជួរឈរ ។ សម្រាប់ស៊េរីទិន្នន័យដែលមានជួរឈរច្រើន មានតែស៊េរីទិន្នន័យទាំងមូលអាចត្រូវបានបញ្ចូល ឬលុប ។
-
លំដាប់របស់ស៊េរីទិន្នន័យនៅក្នុងគំនូសតាងដូចគ្នានឹងនៅក្នុងតារាងទិន្នន័យ ។ ប្រើរូបតំណាងផ្លាស់ទីស៊េរីទៅស្ដាំ ដើម្បីប្ដូរជួរឈរបច្ចុប្បន្នជាមួយនឹងជួរឈរជិតខាងនៅខាងស្ដាំរបស់វា ។
-
លំដាប់របស់ប្រភេទ ឬចំណុចទិន្នន័យនៅក្នុងគំនូសតាងគឺដូចគ្នានឹងនៅក្នុងតារាងទិន្នន័យ ។ ប្រើរូបតំណាង ផ្លាស់ប្ដូរជួរដេកទៅក្រោម ដើម្បីប្ដូរជួរដេកបច្ចុប្បន្នជាមួយជួរដេកនៅជិតខាងរបស់វាខាងក្រោម ។