Format Function

បម្លែងលេខទៅជាខ្សែអក្សរ ហើយបន្ទាប់មកធ្វើទ្រង់ទ្រាយវាទៅតាមទ្រង់ទ្រាយដែលអ្នកបញ្ជាក់ ។

វាក្យសម្ពន្ធ ៖

Format (Number [, Format As String])

តម្លៃត្រឡប់ ៖

ខ្សែអក្សរ

ប៉ារ៉ាម៉ែត្រ ៖

ចំនួន ៖ កន្សោមលេខដែលអ្នកចង់បម្លែងទៅជាខ្សែអក្សរដែលមានទ្រង់ទ្រាយ ។

ទ្រង់ទ្រាយ ៖ ខ្សែអក្សរដែលបញ្ជាក់កូដទ្រង់ទ្រាយ សម្រាប់លេខ ។ ប្រសិនបើ Format ត្រូវបានលុប អនុគមន៍ Format ធ្វើការដូចអនុគមន៍ Str ដែរ ។

កូដទ្រង់ទ្រាយ

បញ្ជីដូចខាងក្រោមពិពណ៌នាអំពីកូដ ដែលអ្នកអាចប្រើសម្រាប់ធ្វើទ្រង់ទ្រាយលេខ ៖

0 ៖ តួលេខត្រូវបានបង្ហាញ ប្រសិនបើ ចំនួន មានតួលេខនៅទីតាំងនៃ 0 ក្នុងកូដទ្រង់ទ្រាយ បើពុំនោះសោតសូន្យត្រូវបានបង្ហាញ ។

ប្រសិនបើ ចំនួន មានតួលេខច្រើនជាងចំនួនសូន្យក្នុងកូដទ្រង់ទ្រាយ (នៅផ្នែកទាំងពីរនៃទសភាគ) សូន្យពីមុខ ឬពីក្រោយនឹងត្រូវបានបង្ហាញ ។ ប្រសិនបើលេខមានតួលេខដែលនៅខាងឆ្វេងនៃអ្នកខណ្ឌចែកទសភាគច្រើនជាងចំនួនសូន្យក្នុងកូដទ្រង់ទ្រាយ តួលេខបន្ថែមត្រូវបានបង្ហាញដោយគ្មានទ្រង់ទ្រាយ ។

ខ្ទង់ទសភាគក្នុងលេខ ត្រូវបានបង្គត់ដោយផ្អែកលើចំនួនសូន្យ ដែលបង្ហាញបន្ទាប់ពីអ្នកបំបែកទសភាគក្នុងលេខ ទ្រង់ទ្រាយ ។

# ៖ តួលេខត្រូវបានបង្ហាញ ប្រសិនបើ ចំនួន មានតួលេខនៅទីតាំងនៃកន្លែងដាក់ # ក្នុងកូដ ទ្រង់ទ្រាយ បើពុំនោះសោតនឹងគ្មានអ្វីបង្ហាញនៅទីតាំងនេះទេ ។

និមិត្តសញ្ញានេះធ្វើការដូច 0 ដែរ លើកលែងតែសូន្យដែលនៅមុខ ឬនៅក្រោយនឹងមិនត្រូវបានបង្ហាញទេ ប្រសិនបើមានតួអក្សរ # ក្នុងកូដទ្រង់ទ្រាយច្រើនជាងតួលេខក្នុងលេខ ។ មានតែតួលេខនៃលេខដែលទាក់ទងប៉ុណ្ណោះ នឹងត្រូវបានបង្ហាញ ។

.: កន្លែងដាក់ទសភាគកំណត់ចំនួននៃខ្ទង់ទសភាគ ដែលនៅខាងឆ្វេង និងខាងស្តាំនៃអ្នកបំបែកទសភាគ ។

បើកូដទ្រង់ទ្រាយមានតែកន្លែងដាក់ # នៅខាងឆ្វេងនៃនិមិត្តសញ្ញានេះ លេខដែលតូចជាង 1 នឹងចាប់ផ្តើមដោយអ្នកខណ្ឌចែកទសភាគ ។ ដើម្បីបង្ហាញសូន្យនៅពីមុខជាមួយលេខប្រភាគជានិច្ច ប្រើ 0 ជាកន្លែងដាក់សម្រាប់តួលេខទីមួយនៅខាងឆ្វេងនៃអ្នកខណ្ឌចែកទសភាគ ។

% ៖ គុណលេខនឹង ១០០ រួចបញ្ចូលសញ្ញាភាគរយ (%) ត្រង់កន្លែងដែលលេខលេចឡើងក្នុងលេខទ្រង់ទ្រាយ ។

E- E+ e- e+ ៖ ប្រសិនបើកូដទ្រង់ទ្រាយមានយ៉ាងហោចកន្លែងដាក់តួលេខមួយ (0 ឬ #) នៅខាងស្តាំនៃនិមិត្តសញ្ញា E-, E+, e- ឬ e+ លេខត្រូវបានធ្វើទ្រង់ទ្រាយក្នុងទ្រង់ទ្រាយវិទ្យាសាស្ត្រ ឬអិចស្ប៉ូណង់ស្យែល ។ អក្សរ E ឬ e ត្រូវបានបញ្ចូលចន្លោះលេខ និងនិទស្សន្ត ។ ចំនួនកន្លែងដាក់សម្រាប់តួលេខដែលនៅខាងស្តាំនៃនិមិត្តសញ្ញា កំណត់ចំនួនតួលេខក្នុងនិទស្សន្ត ។

ប្រសិនបើនិទស្សន្តអវិជ្ជមាន សញ្ញាដកត្រូវបានបង្ហាញដោយផ្ទាល់ពីមុខនិទស្សន្តជាមួយ E-, E+, e-, e+ ។ ប្រសិនបើនិទស្សន្តវិជ្ជមាន សញ្ញាបូកត្រូវបានបង្ហាញតែពីមុខនិទស្សន្តជាមួយ E+ ឬ e+ ។

អ្នកកំណត់ខ្ទង់ពាន់ត្រូវបានបង្ហាញ ប្រសិនបើកូដទ្រង់ទ្រាយមានអ្នកកំណត់ដែលត្រូវបានព័ទ្ធជុំវិញដោយកន្លែងដាក់តួលេខ (0 ឬ #) ។

ការប្រើចំណុចមួយជាអ្នកបំបែកខ្ទង់ពាន់ និងទសភាគ គឺអាស្រ័យទៅលើការកំណត់តំបន់ ។ តែងតែប្រើចំណុចជាសញ្ញាទសភាគ ពេលអ្នកបញ្ចូលចំនួនមួយដោយផ្ទាល់ក្នុងកូដ Basic ។ តួអក្សរពិតប្រាកដដែលបានបង្ហាញជាសញ្ញាទសភាគ អាស្រ័យលើទ្រង់ទ្រាយរបស់ចំនួន ក្នុងការកំណត់ប្រព័ន្ធរបស់អ្នក ។

- + $ ( ) space ៖ សញ្ញាបូក (+) សញ្ញាដក (-) សញ្ញាដុល្លារ ($) ដកឃ្លា ឬតង្កៀបដែលបានបញ្ចូលដោយផ្ទាល់ក្នុងកូដទ្រង់ទ្រាយ ត្រូវបានបង្ហាញជាតួអក្សរតម្លៃត្រង់ ។

ដើម្បីបង្ហាញតួអក្សរក្រៅពីតួអក្សរដែលបានរាយនៅទីនេះ អ្នកត្រូវតែដាក់ពីមុខវាដោយសញ្ញា (\) ឬដាក់វាក្នុងសញ្ញាសម្រង់ (" ") ។

\ ៖ សញ្ញា \ បង្ហាញតួអក្សរបន្ទាប់នៅក្នុងកូដទ្រង់ទ្រាយ ។

តួអក្សរក្នុងកូដទ្រង់ទ្រាយដែលមានអត្ថន័យពិសេស អាចត្រូវបានបង្ហាញតែជាតួអក្សរតម្លៃត្រង់ បើពួកវាស្ថិតនៅក្រោយសញ្ញា \ ។ សញ្ញា \ ខ្លួនវាមិនត្រូវបានបង្ហាញទេ ទាល់តែអ្នកបញ្ចូលសញ្ញា \ ទ្វេ (\\) ក្នុងកូដទ្រង់ទ្រាយ ។

តួអក្សរដែលត្រូវតែស្ថិតនៅក្រោយសញ្ញា \ ក្នុងកូដទ្រង់ទ្រាយដើម្បីបង្ហាញជាតួអក្សរតម្លៃត្រង់គឺ តួអក្សរដែលមានទ្រង់ទ្រាយជាកាលបរិច្ឆេទ និងពេលវេលា (a, c, d, h, m, n, p, q, s, t, w, y, /, :) តួអក្សរដែលមានទ្រង់ទ្រាយជាលេខ (#, 0, %, E, e សញ្ញាក្បៀស សញ្ញាចុច) និងតួអក្សរដែលមានទ្រង់ទ្រាយជាខ្សែអក្សរ (@, &, <, >, !) ។

អ្នកក៏អាចប្រើទ្រង់ទ្រាយលេខដែលបានកំណត់មុនដូចខាងក្រោម ។ លើកលែងតែ "ចំនួនទូទៅ" កូដទ្រង់ទ្រាយដែលបានកំណត់មុនទាំងអស់ ត្រឡប់លេខជាចំនួនទសភាគដែលមានខ្ទង់ទសភាគពីរខ្ទង់ ។

ប្រសិនបើអ្នកប្រើទ្រង់ទ្រាយកំណត់ជាមុន ឈ្មោះនៃទ្រង់ទ្រាយត្រូវតែស្ថិតនៅក្នុងសញ្ញាសម្រង់ ("") ។

ទ្រង់ទ្រាយកំណត់ជាមុន

លេខទូទៅ ៖ លេខត្រូវបានបង្ហាញដូចដែលបានបញ្ចូល ។

រូបិយប័ណ្ណ ៖ បញ្ចូលសញ្ញាដុល្លារពីមុខលេខ និងដាក់លេខអវិជ្ជមានក្នុងវង់ក្រចក ។

បានជួសជុល ៖ បង្ហាញយ៉ាងហោចមួយតួលេខ នៅពីមុខអ្នកខណ្ឌចែកទសភាគ ។

ស្តង់ដារ ៖ បង្ហាញលេខជាមួយអ្នកបំបែកខ្ទង់ពាន់ ។

ភាគរយ ៖ គុណលេខនឹង ១០០ រួចបន្ថែមសញ្ញាភាគរយនៅខាងចុងលេខ ។

វិទ្យាសាស្ត្រ ៖ បង្ហាញលេខក្នុងទ្រង់ទ្រាយវិទ្យាសាស្ត្រ (ឧទាហរណ៍ 1,00E+03 សម្រាប់ 1000) ។

កូដទ្រង់ទ្រាយអាចត្រូវបានចែកជា ៣ ផ្នែក ដែលត្រូវបានចែកដាច់ពីគ្នាដោយសញ្ញាចំណុចក្បៀស ។ ផ្នែកទីមួយកំណត់ទ្រង់ទ្រាយ សម្រាប់តម្លៃវិជ្ជមាន ផ្នែកទីពីរសម្រាប់តម្លៃអវិជ្ជមាន និងផ្នែកទីបីសម្រាប់តម្លៃសូន្យ ។ ប្រសិនបើអ្នកកំណត់កូដទ្រង់ទ្រាយតែមួយ វាអនុវត្តទៅចំនួនទាំងអស់ ។

អ្នកអាចកំណត់ទីតាំងដែលបានប្រើសម្រាប់ការត្រួតពិនិត្យការធ្វើទ្រង់ទ្រាយ លេខ កាលបរិច្ឆេទ និង រូបបិយប័ណ្ណក្នុង LibreOffice ជាមូលដ្ឋានក្នុង - ការកំណត់ភាសា - ភាសា ។ ក្នុងកូដទ្រង់ទ្រាយជាមូលដ្ឋានខ្ទង់ទសភាព (។) ត្រូវបានប្រើជា កន្លែងដាក់ សម្រាប់សញ្ញាក្បៀសដែលបានកំណត់ក្នុងទីតាំងរបស់អ្នក នឹងត្រូវបានជំនួសដោយតួអក្សរដែលត្រូវគ្នា ។

អនុវត្តដូចគ្នាទៅនឹងការកំណត់មូលដ្ឋាន សម្រាប់ទ្រង់ទ្រាយកាលបរិច្ឆេទ ពេលវេលា និងរូបិយប័ណ្ណ ។ កូដទ្រង់ទ្រាយ Basic នឹងត្រូវបានបកប្រែ និងបង្ហាញទៅតាមការកំណត់មូលដ្ឋានរបស់អ្នក ។

Error codes:

5 ការហៅបែបបទមិនត្រឹមត្រូវ

ឧទាហរណ៍ ៖

Sub ExampleFormat

    MsgBox Format(6328.2, "##,##0.00")

    REM តែងតែប្រើសញ្ញា(.) ជាធាតុខណ្ឌចែក នៅពេលអ្នកបញ្ចូលលេខក្នុងកូដប្រភពមូលដ្ឋាន ។

    REM បង្ហាញ សម្រាប់ 6,328.20 ក្នុង English locale, 6.328,20 ក្នុង German locale

End Sub

Number format codes

Format Function

វាក្យ​សម្ពន្ធ ៖

តម្លៃ​ត្រឡប់ ៖