Valmyndir
Eftirfarandi er lýsing á öllum valmyndum LibreOffice Draw, auk undirvalmynda og samskiptagluggum þeirra.
Glugginn sem inniheldur skjalið sem þú vilt vinna í verður að vera virkur til þess að hægt sé að nota valmyndaskipanirnar. Svipað er með samhengisvalmyndir, þú verður að velja einhvern hlut til þess að valmyndaskipanir honum tengdar verði virkar.
Valmyndirnar eru næmar fyrir samhengi. Það þýðir að atriðin sem tiltæk eru í valmyndum fara eftir því hvaða verk er verið að vinna. Sem dæmi má taka, að ef bendillinn er staðsettur í textastreng, þá eru virkar þær skipanir sem tengjast sniði og breytingum á texta. Ef þú hefur valið eitthvað myndefni, þá eru virkar skipanir til meðhöndlunar á myndum.
Skrá
Þessi valmynd inniheldur ýmsar almennar skipanir fyrir vinnu með Draw skjöl, svo sem við að opna, loka og prenta. Til að loka LibreOffice Draw forritinu, er smellt á Hætta.
Breyta
Skipanirnar í þessari valmynd eru notaðar til að breyta Draw skjölum (til dæmis að afrita og líma).
Setja inn
Þessi valmynd gerir þér kleift að setja inn í Draw skjöl ýmis atriði á borð við myndefni og stoðlínur.
Verkfæri
Þessi valmynd inniheldur ýmis verkfæri fyrir LibreOffice Draw auk þess að gefa aðgang að tungumála- og kerfisstillingum.