Editar símbolos

Use esta caixa de diálogo para engadir símbolos a un conxunto de símbolos, editar conxuntos de símbolos ou modificar notacións de símbolos. Tamén pode definir novos conxuntos de símbolos, atribuír nomes aos símbolos ou modificar conxuntos de símbolos existentes.

Para acceder a esta orde...

Escolla Ferramentas - Símbolos - Editar


Edit Symbols

Símbolo antigo

Seleccione o nome do símbolo actual. O símbolo, o seu nome e o conxunto ao que pertence móstranse no panel de previsualización situado á esquerda, na parte inferior da caixa de diálogo.

Conxunto de símbolos antigos

Esta caixa de lista contén o nome do actual conxunto de símbolos. Se o desexa tamén pode seleccionar outro conxunto de símbolos.

Símbolo

Contén os nomes dos símbolos do conxunto actual . Seleccione un nome da lista ou teclee un novo para o símbolo recén engadido.

Engadir novos símbolos

Para engadir un símbolo a un conxunto de símbolos, seleccione un tipo de letra na caixa Tipo de letra e prema nun dos símbolos do panel. Na caixa Símbolo, teclee un nome para o símbolo. No Conxunto de símbolos, seleccione un conxunto ou teclee un nome para crear un novo. O panel de previsualización situado á dereita mostra o símbolo que seleccionou. Prema en Aceptar.

Modificar o nome dun símbolo

Para modificar o nome dun símbolo, seleccióneo na caixa de lista Símbolo antigo, e teclee o novo nome na caixa Símbolo. Verifique se o carácter que desexa está na xanela de previsualización antes de premer no botón Modificar. Prema en Aceptar.

Conxunto de símbolos

The Symbol set list box contains the names of all existing symbol sets. You can modify a symbol set or create a new one.

Crear novos conxuntos de símbolos

Para crear un novo conxunto de símbolos, teclee un nome na caixa de lista Conxunto de símbolos e engada como mínimo un símbolo. Prema en Aceptar para pechar a caixa de diálogo. O novo conxunto de símbolos está agora dispoñíbel co novo nome.

Tipo de letra

Mostra o nome do tipo de letra actual e permite seleccionar outro tipo de letra.

Subconxunto

Se seleccionou un tipo de letra sen símbolos na caixa de lista Tipo de letra, pode seleccionar un subconxunto Unicode para o símbolo novo ou editado. Despois de seleccionado, os símbolos dese subconxunto do actual conxunto de símbolos móstranse na lista anterior.

Estilo

Visualízase a tipografía actual. Pode modificala se selecciona outra na caixa de lista.

Engadir

Prema neste botón para engadir no conxunto de símbolos actual o símbolo mostrado na xanela de previsualización á dereita. Gardarase co nome que aparece na caixa de lista Símbolo. Especifique un nome en Símbolo ou Conxunto de símbolos para poder usar este botón. Os nomes non poden repetirse.

Modificar

Prema neste botón para substituír o nome do símbolo mostrado na xanela de previsualización situada á esquerda (o nome antigo móstrase na caixa de lista Símbolo antigo) polo novo nome tecleado na caixa de lista Símbolo.

Transferencia de símbolos a outros conxuntos de símbolos

Icona Suxestión

Por exemplo, para transferir o ALFA grande do conxunto "Grego" para o conxunto "Especial", seleccione o conxunto antigo (Grego) e despois o símbolo ALFA, usando as dúas caixas de lista principais. O símbolo móstrase na xanela de previsualización situada á esquerda. Na caixa de lista Conxunto de símbolos, seleccione o conxunto "Especial". Prema en Modificar e en Aceptar. O símbolo ALFA agora só aparece no conxunto de símbolos "Especial".


Eliminar

Prema para eliminar o símbolo mostrado na xanela de previsualización á esquerda do conxunto de símbolos actual. Non se lle pedirá confirmación. A eliminación do último símbolo dun conxunto tamén elimina o propio conxunto.

Icona Nota

Tamén pode premer en Cancelar en calquera momento para pechar a caixa de diálogo sen gardar ningún cambio.