Barra de estado
A barra de estado mostra información sobre o documento, incluído o obxecto seleccionado no momento en que se abre. Premendo dúas veces nalgúns dos elementos da barra de estado, ábrese unha caixa de diálogo relacionada.
Mostra a posición X e Y do cursor e o tamaño do obxecto seleccionado.
Especifica o factor de zoom da visualización da páxina.
Se aínda non se gardaron algúns cambios do documento, móstrase un «*» neste campo da barra de estado. Isto tamén se aplica a documentos novos aínda sen gardar.
Mostra o número da diapositiva actual seguido do número total de diapositivas.
Mostra o estilo de páxina actual. Prema dúas veces para editar o estilo ou prema co botón dereito do rato para seleccionar un estilo diferente.