Modificar a orde das diapositivas
Adopte un dos procedementos seguintes:
-
Escolla Ver - Clasificador de diapositivas, seleccione unha ou máis diapositivas e arrástreas ata outro lugar. Para seleccionar varias diapositivas, manteña premida a tecla Maiús e prema nas diapositivas. Para crear a copia dunha diapositiva seleccionada, manteña premida a tecla Ctrl ao arrastrar. O apuntador do rato convértese nun signo máis. Tamén é posíbel arrastrar a copia dunha diapositiva a outro documento aberto de LibreOffice Impress.
-
Escolla Ver - Esquema, seleccione unha diapositiva, e despois arrástrea a outra localización.
-
Escolla Ver - Normal ou Notas, seleccione a previsualización da diapositiva no Panel de diapositivas e arrástrea ata outro lugar.
Para eliminar temporalmente algunha diapositiva da presentación, vaia ao Clasificador de diapositivas, prema co botón dereito na diapositiva e escollaMostrar/Ocultar diapositiva. Ríscase o número da diapositiva oculta. Para mostrar a diapositiva, prema nela co botón dereito do rato e escolla Mostrar/Ocultar diapositiva.