Barra Editar puntos
A barra Editar puntos aparece cando selecciona un polígono e preme en Editar puntos.
As funcións fornecidas permiten editar os puntos dunha curva ou dun obxecto convertido en curva. Están dispoñíbeis as seguintes iconas:
Editar puntos
A icona Editar puntos permite activar ou desactivar o modo editar para obxectos Bézier. En modo editar, poden seleccionarse puntos individuais do obxecto de debuxo.
Editar puntos
Mover puntos
Activa un modo en que pode mover puntos. O apuntador do rato mostra un cadrado pequeno baleiro cando pousa sobre un punto. Arrastre ese punto a outro lugar. A curva situada a ambos os lados do punto acompaña o movemento e a sección da curva situada entre os puntos seguintes cambia de forma.
Prema entre dous puntos da curva ou nunha curva pechada e arrastre o rato, sen soltar o botón, para desprazar toda a curva sen deformala.
Mover puntos
Inserir puntos
Activa o modo inserir, que permite inserir puntos. Tamén pode mover puntos, igual que no modo mover. Pode inserir un novo punto premendo entre dous puntos da curva e movendo un pouco o rato mantendo premido o seu botón. Este punto é suave e as liñas que levan aos puntos de control son paralelas e así permanecen ao movelas.
Para crear un punto de canto, insira un punto suave ou simétrico e utilice Punto de canto para convertelo en punto de canto.
Inserir puntos
Eliminar puntos
Utilice a icona Eliminar puntos para eliminar un ou varios puntos seleccionados. Para seleccionar varios puntos, manteña premida a tecla Maiús ao premer en cada un deles.
Seleccione os puntos que desexa eliminar e, a seguir, prema nesta icona ou en Supr.
Eliminar puntos
Dividir curva
A icona Dividir curva divide unha curva. Seleccione o punto ou puntos onde desexa dividir a curva e prema na icona.
Dividir curva
En curva
Converte unha curva en liña recta ou viceversa. Se selecciona un único punto, transfórmase a curva situada antes del. Se selecciona dous, transfórmase a curva situada entre eles. Se selecciona máis de dous puntos, cada vez que preme na icona transfórmase unha parte diferente da curva. Se é necesario, os puntos redondos convértense en puntos de canto e viceversa.
Se unha determinada sección da curva é recta, cada punto final de liña terá como máximo un punto de control. Estes non poden transformarse en puntos redondos a menos que a liña recta volva converterse nunha curva.
En curva
Punto de canto
Converte en puntos de canto o punto ou puntos seleccionados. Os puntos de canto teñen dous puntos movíbeis de control independentes un do outro. As liñas curvas, polo tanto, non atravesan directamente os puntos de canto, senón que forman un canto.
Punto de canto
Transición suave
Converte un punto de canto ou simétrico en punto suave. Os dous puntos de control do punto de canto están aliñados en paralelo e só poden moverse simultaneamente. Cando teñen lonxitudes diferentes permiten variar o grao de curvatura.
Transición suave
Transición simétrica
Esta icona converte un punto de canto ou suave nun punto simétrico. Os dous puntos de control do punto de canto están aliñados en paralelo e teñen a mesma lonxitude. Só poden moverse simultaneamente e o grao de curvatura é o mesmo en ambas as dúas direccións.
Transición simétrica
Pechar Bézier
Pecha unha liña ou unha curva. As liñas péchanse conectando o último punto co primeiro, que se indica por un cadrado aumentado.
Pechar Bézier
Eliminar puntos
Marca o punto actual ou os puntos seleccionados para borrar. Isto sucede no caso de que o punto estea localizado nunha liña recta. Se converte unha curva ou un polígono coa icona Converter en curva nunha liña recta ou cambia unha curva co rato de modo que o punto ligue coa liña recta, eliminarase. O ángulo desde o que o punto de redución ten efecto pode ser estabelecidoseleccionando Ferramentas - Opcións - LibreOffice Draw - Gradepode ser estabelecido seleccionando Ferramentas - Opción - LibreOffice Impress - Gradeten 15° de modo predefinido.
Eliminar puntos