Deseño de táboa
Na xanela Deseño de táboa pode definir novas táboas ou editar a súa estrutura.
A xanela ten a súa propia barra de menú. Contén tamén unha nova orde: Deseño de índice.
Área de definición de táboa
Nesta área define a estrutura da táboa.
Nome do campo
Especifica o nome do campo de datos. Teña en conta as restricións da base de datos, como o tamaño do nome, os caracteres especiais e os espazos.
Tipo de campo
Especifica o tipo de campo.
Descrición
Especifica unha descrición opcional.
As cabeceiras das filas conteñen as seguintes ordes de menú de contexto:
Cortar
Corta a fila seleccionada e colócaa no portapapeis.
Copiar
Copia a fila seleccionada ao portapapeis.
Pegar
Pega o contido do portapapeis.
Eliminar
Elimina a fila seleccionada.
Inserir filas
Se a táboa non foi gravada insere unha fila baleira por riba da fila actual . Se a táboa xa está gravada insere unha fila baleira na fin da táboa .
Chave primaria
Se esta orde presenta unha marca de verificación, o campo de datos desta liña é unha chave primaria. Premendo na orde, activa/desactiva o estado. A orde é visíbel só se a fonte de datos ofrece soporte a chaves primarias.
Propiedades de campo
Define as propiedades do campo actualmente seleccionado.
Lonxitude
Especifica o tamaño do campo de datos.
Número de decimais
Especifica o número de decimais dun campo numérico ou decimal.
Valor predefinido
Especifica o valor predefinido dos novos rexistros de datos.
Exemplo de formato
Mostra o código de formato que pode seleccionar co botón ... ).
...
Este botón abre a caixa de diálogo Formato de campo.
Área de axuda
Mostra os textos de axuda.