Nesta caixa de diálogo pode especificar, entre outras cousas, a fonte de datos e os eventos de todo o formulario.
Para acceder a esta orde...
Abra o menú de contexto dun elemento de formulario seleccionado e escolla Formulario
Formulario
Se introduce datos na caixa de diálogo Propiedades, teña en conta que en determinadas caixas de combinación despregábeis é posíbel facer entradas multiliña. Isto aplícase tanto aos campos en que se poden introducir instrucións SQL como ás propiedades de caixas de texto ou campos de etiquetas. Pode abrir estes campos e introducir texto na lista aberta. Son válidas as seguintes teclas:
Teclas
Efectos
F1
Abre a caixa de combinación.
F1
Pecha a caixa de combinación.
Maiús+Intro
Insire unha nova liña.
Frecha cara a arriba
Sitúa o cursor na liña anterior.
Frecha cara a abaixo
Sitúa o cursor na liña seguinte.
Intro
Completa a entrada no campo e sitúa o cursor no campo seguinte.
Ao igual que no caso das caixas de lista e de combinación, pode abrir ou pechar a lista premendo co rato na frecha situada no extremo dereito do campo. Con todo, aquí a entrada pode introducirse ben na lista aberta ben no campo superior do texto. As propiedades que precisan unha representación de lista son unha excepción, como a propiedade Entradas de lista, que se define para os campos de control Caixa de lista e Caixa de combinación. Neste caso só pode editar entradas cando o campo está aberto.
