Propiedades de control

Abre unha caixa de diálogo que permite editar as propiedades dun control seleccionado.

Á caixa de diálogo Propiedades só se pode acceder se está en modo deseño e ten un control seleccionado.

Se introduce datos na caixa de diálogo Propiedades, teña en conta que en determinadas caixas de combinación despregábeis é posíbel facer entradas multiliña. Isto aplícase tanto aos campos en que se poden introducir instrucións SQL como ás propiedades de caixas de texto ou campos de etiquetas. Pode abrir estes campos e introducir texto na lista aberta. Son válidas as seguintes teclas:

Ao igual que no caso das caixas de lista e de combinación, pode abrir ou pechar a lista premendo co rato na frecha situada no extremo dereito do campo. Con todo, aquí a entrada pode introducirse ben na lista aberta ben no campo superior do texto. As propiedades que precisan unha representación de lista son unha excepción, como a propiedade Entradas de lista, que se define para os campos de control Caixa de lista e Caixa de combinación. Neste caso só pode editar entradas cando o campo está aberto.