Controis de formulario
The Form Controls toolbar contains tools that you need to create an interactive form. You can use the toolbar to add controls to a form in a text, spreadsheet, presentation, or HTML document, for example a button that runs a macro.
Os documentos de formularios XML (XForms) utilizan os mesmos controis.
Para crear formularios abra un documento de Writer e use a barra de ferramentas Controis de formulario para engadir e definir os controis do formulario. Se o desexa, ligue o formulario a unha base de datos, para así manipulala mediante os controis.
Se crea os formularios en documentos HTML poderá usalos para enviar datos pola internet.
LibreOffice só exporta as propiedades de formulario admitidas pola versión de HTML á que se vai exportar. Para indicar a versión de HTML, escolla LibreOfficeFerramentas - Opcións - Cargar/Gardar - Compatibilidade con HTML.
Para engadir un control a un documento
-
Prema na icona do control que desexa engadir na barra de ferramentas Controis de formulario.
-
Arrastre no documento para crear o control.
Para crear un campo de control cadrado, manteña premida a tecla de maiúsculas mentres arrastra.
Para engadir un campo da lista de campos dunha táboa ou procura a un formulario, arrastre unha cela para o formulario. Nun documento de texto tamén se pode arrastrar a cabeceira dunha columna para engadir un campo a un formulario. Para incluír unha etiqueta para o campo, manteña premido OrdeCtrl+Maiús mentres arrastra a cabeceira da columna.
Modificar un control
-
Prema co botón dereito do rato no control e escolla Control. Ábrese unha caixa de diálogo onde pode definir as propiedades do control.
-
Para especificar a tecla aceleradora dun control, engada un til (~) diante dun carácter da súa etiqueta.
-
Pode arrastrar e soltar controis dun documento a outro, así como copialos e pegalos. Ao inserir un control doutro documento, LibreOffice analiza a fonte de datos, o tipo de contido e as propiedades do contido do control para que encaixe na estrutura lóxica do documento de destino. Por exemplo, un control que mostre o contido dunha axenda de enderezos continuará a facelo tras copialo a outro documento. Pode ver estas propiedades na lapela Datos situado na caixa de diálogo Propiedades de formulario.
Seleccionar
Esta icona activa ou desactiva o modo selección do apuntador do rato. O modo selección úsase para seleccionar os controis do formulario actual.
Caixa de verificación
Crea caixas de verificación. Estas caixas permítenlle activar ou desactivar funcións no formulario.
Caixa de texto
Crea unha caixa de texto. As caixas de texto son campos en que o usuario pode introducir texto. As caixas de texto dos formularios exhiben datos ou permiten introducir unha nova entrada de datos.
Campo formatado
Crea un campo formatado. O campo formatado consiste nunha caixa de texto onde se pode definir a maneira de formatar as entradas e saídas e que valores de limitación aplicar.
Os campos formatados teñen propiedades especiais de control (escolla Formato - Control).
Botón de ordes
Crea un botón de ordes. Esta función pode utilizarse para executar a orde dun evento definido como, por exemplo, o feito de premer no rato.
Pode aplicar texto e imaxes a eses botóns.
Botón de opción
Crea botóns de opción. Os botóns de opción permiten ao usuario escoller entre varias opcións. Os que teñen a mesma funcionalidade reciben o mesmo nome (propiedade Nome). Polo xeral, atribúense a unha caixa de grupo.
Caixa de lista
Creates a list box. A list box lets users select an entry from a list. If the form is linked to a database and the database connection is active, the List Box Wizard will automatically appear after the list box is inserted in the document. This wizard helps you create the list box.
Caixa de combinación
Crea unha caixa de combinación. As caixas de combinación son caixas de lista de liña única con listas despregábeis onde os usuarios escollen unha opción. Atribuíndo a propiedade "só de lectura" á caixa de combinación os usuarios só poden introducir as entradas da lista. Se o formulario está ligado a unha base de datos e a conexión está activa, o asistente de caixas de combinación aparece automaticamente tras inserir a caixa de combinación no documento.
Campo de etiqueta
Crea un campo para a visualización de texto. Estas etiquetas úsanse só para visualizar texto predefinido. Nestes campos non se poden facer entradas.
Máis controis
Abre a barra de ferramentas Máis Controis.
Deseño de formulario
Abre a barra de ferramentas Deseño de formulario.
Activar/Desactivar asistentes
Activa e desactiva os asistentes automáticos de controis de formulario.
Estes asistentes axudan a introducir as propiedades das caixas de lista, de controis de táboas e doutros controis.
Ordes do menú de contexto
Botón xiratorio
Crea un botón xiratorio.
Engadindo un botón xiratorio a unha folla de cálculo de Calc, poderá usar a lapela Datos para crear unha ligazón de duplo sentido entre o botón xiratorio e unha cela. Desa forma, ao cambiar o contido dun, actualízase o contido do outro.
Barra de desprazamento
Crea unha barra de desprazamento.
Pódense especificar as seguintes propiedades das barras de desprazamento:
Nome da interface de usuario |
Semántica |
Valor mínimo de desprazamento |
Especifica a altura ou a largura mínima da barra de desprazamento. |
Valor máximo de desprazamento |
Especifica a altura ou a largura máxima da barra de desprazamento. |
Valor predefinido de desprazamento |
Especifica o valor predefinido da barra de desprazamento, o cal se usa ao restabelecer o formulario. |
Orientación |
Especifica a orientación, horizontal ou vertical, da barra de desprazamento. |
Desprazamento mínimo |
Especifica a distancia mínima que se despraza a barra, por exemplo, ao premer nunha frecha. |
Desprazamento máximo |
Especifica a distancia máxima que se despraza a barra, por exemplo, ao premer entre unha frecha e o cursor da barra de desprazamento. |
Atraso |
Especifica o atraso en milisegundos entre os eventos repetidos da barra de desprazamento, por exemplo, a demora que se produce ao premer nunha das frechas da barra de desprazamento e manter o botón do rato premido. |
Cor de símbolo |
Especifica a cor das frechas da barra de desprazamento. |
Tamaño visíbel |
Especifica o tamaño do cursor da barra de desprazamento en "unidades de valor". Por exemplo, un valor de ("Valor máximo de desprazamento" menos "Valor mínimo de desprazamento") / 2 resulta nun cursor que ocupa a metade da barra de desprazamento. Defina como cero o Tamaño visíbel se desexa que a largura e a altura da barra de desprazamento sexan idénticas. |
Nas follas de cálculo de Calc, use a lapela Datos para crear unha ligazón de duplo sentido entre a barra de desprazamento e unha cela.
Botón de imaxe
Crea un botón que se mostra como imaxe. Á parte da representación gráfica, o botón de imaxe ten as mesmas propiedades que un botón "normal".
Control de imaxe
Crea un control de imaxe. Só pode usarse para engadir imaxes dunha base de datos. Prema dúas veces nun destes controis para abrir a caixa de diálogo Inserir imaxe, onde pode inserir a imaxe. Tamén hai un menú de contexto (non dispoñíbel en modo deseño) que contén ordes para inserir e eliminar imaxes.
Pódense mostrar imaxes de base de datos nos formularios e inserir novas imaxes nas bases de datos sempre que o control de imaxe non estea protexido contra escrita. O control debe facer referencia a un campo de base de datos do mesmo tipo que a imaxe. Introduza o campo de datos na xanela de propiedades da lapela Datos.
Campo de data
Crea un campo de data. Se o formulario está ligado a unha base de datos, os valores de data poden tomarse dela.
Atribuíndo a propiedade "Despregábel" ao campo de data, permítese aos usuarios abrir un calendario para seleccionar unha data nese campo. Isto tamén é aplicábel aos campos de data do campo Control de táboa.
Os usuarios poden editar os campos de data con facilidade usando as frechas cara a arriba e cara a abaixo do teclado. Dependendo da posición do cursor, as frechas permiten aumentar ou diminuír o día, o mes ou o ano.
Observacións específicas sobre campos de data.
Campo horario
Crea un campo de hora. Se o formulario está ligado a unha base de datos, os valores de hora poden tomarse dela.
Os usuarios poden editar os campos de data con facilidade usando as frechas cara a arriba e cara a abaixo do teclado. Dependendo da posición do cursor, as frechas permiten aumentar ou diminuír o día, o mes ou o ano.
Selección de ficheiros
Crea un botón que permite seleccionar ficheiros.
Campo numérico
Crea un campo numérico. Se o formulario está ligado a unha base de datos, os valores numéricos poden tomarse dela.
Campo monetario
Crea un campo monetario. Se o formulario está ligado a unha base de datos, o contido do campo monetario pode tomarse dela.
Campo de patrón
Crea un campo de patrón. Os campos de patrón consisten nunha máscara de edición e nunha máscara literal. A de edición determina os datos que poden introducirse e a literal o contido do campo de patrón ao cargar o formulario.
Teña en conta que os campos de patrón non se exportan a formato HTML.
Caixa de grupo
Crea un marco para agrupar visualmente varios controis. As caixas de grupo permiten agrupar os botóns de opción nun marco.
Se insire un marco de grupo no documento, abrirase o asistente de elementos de grupo, que lle facilitará a creación de grupos de opcións.
Nota: Ao arrastrar unha caixa de grupo sobre controles xa existentes, se despois desexa escoller un control vai ter que abrir primeiro o menú de contexto da caixa de grupo e escoller Dispor - Enviar para atrás. A seguir, escolla o control tendo OrdeCtrl premido.
As caixas de grupo só se utilizan para efectos visuais. Pode agrupar os campos de opción por funcións mediante a definición do nome. Nas propiedades Nome dos campos de opción, introduza o mesmo nome para agrupalos.
Control de táboa
Crea un control de táboa para visualizar unha táboa de base de datos. Cando se crea un control de táboa, aparece o asistente de elementos de táboa.
Información especial sobre controis de táboas.
Barra de navegación
Crea unha barra de navegación.
A barra de navegación permítelle percorrer os rexistros dunha base de datos ou dun formulario de base de datos. Os controis desa barra funcionan da mesma maneira que os da barra de navegación predefinida de LibreOffice.
Foco de control automático
Se a opción Foco de control automático está activada, ao abrir o documento selecciónase o primeiro control de formulario. Se está desactivada, selecciónase o texto. A orde de tabulación especificada determina cal é o primeiro control de formulario.