Bordos de cela definidos polo usuario

Pódenselle aplicar varios estilos de liña diferentes ás celas seleccionadas.

1. Seleccione a cela ou bloque de celas.

2. Escolla Formato - Celas.

3. Prema na lapela Bordos da caixa de diálogo.

4. Escolla as opcións de bordo que desexa aplicar e prema en Aceptar.

As opcións da área Disposición de liña serven para aplicar diversos estilos de bordo.

Selección de celas

Dependendo da selección de celas, a área terá unha aparencia ou outra.

Selección	Área Disposición de liñas
Unha cela
Celas dunha columna
Celas dunha fila
Celas nun bloque de 2x2 ou máis

Configuración predeterminada

Prema nunha das iconas Predefinido para definir ou restabelecer bordos múltiplos.

• A liña fina de cor gris de dentro das iconas mostra os bordos que serán restabelecidos ou limpados.

• As liñas escuras de dentro das iconas mostran as liñas que serán definidas utilizando a cor e estilo de liña seleccionado.

• As liñas grosas de cor gris de dentro das iconas mostran as liñas que non serán modificadas.

Exemplos

Seleccione un bloque de, por exemplo, 8x8 celas e escolla Formato - Celas - Bordos

• Para limpar todas as liñas prema na icona da esquerda. Así elimínanse todos os bordos externos, liñas internas e diagonais.

• Para definir un bordo externo e eliminar todas as liñas restantes prema na segunda icona da esquerda.

• Para definir un bordo externo prema na icona situada máis á dereita. Non se modificarán as liñas internas, salvo as diagonais, que serán eliminadas.

Agora pode continuar a ver que liñas serán definidas ou eliminadas mediante o resto das iconas.

Configuración definida polo usuario

Pode definir ou eliminar liñas individuais na área Definido polo usuario. A visualización mostra as liñas en tres estados diferentes.

Para alternar entre os tres estados prema repetidamente nun bordo ou nun canto.

Tipos de liña	Imaxe	Significado
Unha liña negra		A liña correspondente das celas seleccionadas defínea unha liña negra. Cando se escolle o estilo de 0.05 pt móstrase unha liña punteada e cando se selecciona o estilo de liña dupla móstranse liñas duplas.
Unha liña gris		Móstrase unha liña gris se non se modifica a liña correspondente das celas seleccionadas. Non se define ou elimina ningunha liña nesta posición.
Unha liña branca		Cando se elimina a liña correspondente das celas seleccionadas móstrase unha liña branca.

Exemplos

Seleccione unha única cela e escolla Formato - Celas - Bordos.

Para definir unha liña moi fina prema no bordo inferior. Todas as demais liñas serán eliminadas.

Escolla un estilo de liña groso e prema no bordo inferior. Isto define unha liña grosa como bordo.

Para definir os catro bordos prema na segunda icona predefinida da esquerda. Despois, para eliminar o bordo inferior, prema nela repetidamente ata que se mostre unha liña branca.

Pode combinar varios tipos e estilos de liña. A última imaxe mostra como definir bordos externos grosos (as liñas negras grosas), sen modificar ningunha liña diagonal dentro da cela (liñas grises).