Testu-objektua barra

Letra-tipoaren izena

Zerrendatik letra-tipoaren izena hauta daiteke edo zuzenean letra-tipoaren izena sar daiteke.

Letra-tipo bat baino gehiago sar ditzakezu puntu eta komaz bereizita. LibreOffice(e)k aurreko letra-tipoak erabilgarri ez dauden kasuetan, izendatutako ondorengo letra-tipoa erabiliko du programak.

Letra-tamaina

Zerrendatik letra-tamaina desberdinak aukera daitezke, edo eskuz tamaina sar daiteke.

Lodia

Hautatutako testua lodi bihurtzen du. Kurtsorea hitz baten gainean badago, hitz osoa lodi bihurtzen da. Hautapen edo hitz bat oraindik lodi badago, formatua kentzen da.

Etzana

Hautatutako testuak letra etzana izango du. Kurtsorea hitz baten gainean badago, hitz osoak letra etzana izango du. Hautapenak edo hitzak oraindik letra etzana badu, formatua kentzen da.

Azpimarra

Hautatutako testua azpimarratzen du edo azpimarra kentzen du.

Hautatutako testuaren tamaina txikitzen du eta testua oinarri-lerroaren gainetik altxatzen du.

Hautatutako testuaren tamaina txikitzen du eta testua oinarri-lerroaren azpitik jaisten du.

Ezkerrean

Hautatutako paragrafoa ezkerreko orrialde-marjinan lerrokatzen da.

Zentroan

Hautatutako paragrafoa orrialdearen erdian zentratzen du.

Eskuinera

Hautatutako paragrafoa eskuineko orrialde-marjinan lerrokatzen da.

Justifikatu

Hautatutako paragrafoak orrialdearen ezkerreko eta eskuineko marjinekin lerrokatzen ditu. Nahi baduzu, paragrafo baten azken lerrorako lerrokatze-aukerak ere zehaztu ditzakezu Formatua - Paragrafoa - Lerrokatzea aukeraren bidez.

Asiako hizkuntzen euskarria

Komando horiek atzitzeko, lehenago asiar hizkuntzen euskarria gaitu behar duzu - Hizkuntza-ezarpenak - Hizkuntzak aukeran.

Testuaren noranzkoa ezkerretik eskuinera

Testuaren noranzko horizontala zehazten du.

Testuaren noranzkoa goitik behera

Testuaren noranzko bertikala zehazten du.

Uneko fitxategi, marko edo testu-objektuaren eduki osoa hautatzen du.

Hautatutako karaktereen letra-tipoa eta letra-tipoaren formatua aldatzen ditu.