Menuak

Atal honetan menu eta elkarrizketa-koadroentzako laguntza-gai erabilgarriak zerrendatzen dira.

Ohar-ikonoa

Landu nahi duzun dokumentuaren leihoak hautatuta egon behar du menu-komandoak erabiltzeko. Era berean, dokumentuko objektu bat hautatu behar duzu, objektuarekin asoziatutako menu-komandoak erabiltzeko.


Abisu-ikonoa

Menuak testuinguruaren araberakoak dira. Alegia, unean egiten ari zaren lanari dagozkion menu-komandoak bakarrik egongo dira erabilgarri. Kurtsorea testuan badago, testua editatzeko behar diren menu-komando guztiak egongo dira erabilgarri. Baina, esate baterako, dokumentu batean irudiak hautatu badituzu, irudiak editatzeko behar dituzun menu-komandoak jarriko zaizkizu eskura.


Fitxategia

Komando hauek uneko dokumentuari aplikatu, dokumentu berri bat ireki edo aplikazioa ixten dute.

Editatu

Menu horrek dokumentuaren edukia editatzeko komandoak ditu.

Ikusi

Menu horretan dokumentuaren pantailako bistaratzea kontrolatzeko komandoak daude.

Txertatu

'Txertatu' menuak zure dokumentuan elementu berriak txertatzeko komandoak ditu. Irudiak, multimedia, diagramak, beste aplikazioetako objektuak, hiperestekak, iruzkinak, ikurrak, oin-orriak eta sekzioak txerta daitezke.

Formatua

Dokumentuaren diseinua eta edukia formateatzeko komandoak ditu.

Estiloak

Testu-dokumentu batean estiloak aplikatu, sortu, editatu, eguneratu, kargatu eta kudeatzeko komandoak ditu.

Inprimakia

Testu-dokumentuan inprimakien diseinurako modua aktibatzeko, kontrol-morroiak irekitzeko eta inprimaki-kontrolak txertatzeko komandoak ditu.

Taula

Testu-dokumentuetan taulak txertatzeko, editatzeko eta ezabatzeko komando guztiak ditu.

Tresnak

Ortografia-tresnak, dokumentuan gehi dezakezun objektuen galeria eta menuak konfiguratzeko eta programa-hobespenak ezartzeko tresnak ditu.

Leihoa

Dokumentu-leihoak manipulatzeko eta bistaratzeko komandoak ditu.

Laguntza

LibreOffice laguntza-sistema abiarazteko eta kontrolatzeko erabil dezakezu Laguntza menua.