Testu-markoak txertatzea, editatzea eta estekatzea

Testu-markoa testu eta grafikoentzako edukiontzia da, eta orrialdean nahi duzun lekuan koka dezakezu. Markoa testuari zutabe-diseinua aplikatzeko ere erabil dezakezu.

Testu-marko bat txertatzeko

1. Hautatu markoan sartu nahi duzun testua.

2. Aukeratu Txertatu - Markoa, eta egin klik Ados botoian.

Testu-marko bat editatzeko

• Testu-markoaren edukia editatzeko, egin klik markoan, eta egin nahi dituzun aldaketak.

• Markoa editatzeko, hautatu markoa, egin klik eskuineko botoiaz eta aukeratu formatu-aukera bat. Bestela, egin klik eskuineko botoiaz hautatutako markoan eta aukeratu Markoa.

• Testu-markoari tamaina aldatzeko, egin klik markoaren ertz batean eta arrastatu markoaren ertz edo izkina bat. Arrastatzen duzun bitartean, eduki Maius tekla sakatuta markoaren proportzioa mantentzeko.

Testua inprimatzetik ezkutatzeko

Writer testu-marko guztiek testua pantailan ikusteko baina inprimatzetik ezkutatzeko aukera ematen dute.

1. Hautatu testu-markoa (zortzi helduleku ikusiko dituzu).

2. Aukeratu Formatua - Markoa eta objektua - Propietateak - Aukerak.

3. Propietateak arean, desautatu Inprimatu kontrol-laukia eta egin klik Ados botoian.

Testu-markoak estekatzeko

Writer testu-markoak estekatu ditzakezu, haien edukia marko batetik bestera automatikoki korritzeko.

1. Egin klik estekatu nahi duzun markoaren ertzean. Hautapen-heldulekuak agertuko dira markoaren ertzetan.

2. Markoa barran, sakatu Estekatu markoak ikonoa .

3. Egin klik estekatu nahi duzun beste markoan.

Markoak estekatzeko baldintza hauek bete behar dira:

• Helburu-markoa hutsik dago.

• Helburu-markoa ez dago estekatuta beste marko batekin.

• Iturburu- eta helburu-markoak sekzio berean daude. Adibidez, goiburukoaren markoa ezin duzu orri-oineko markoarekin estekatu.

• Iturburu-markoak ez du hurrrengo estekarik.

• Helburu- edo iturburu-markoa ez daude bata bestearen barruan.

Estekadun marko bat hautatzean, estekatutako markoak lotzen dituen marra agertzen da.