Orrialde-estiloak sortzea eta aplikatzea

LibreOffice aplikazioak orrialde-estiloak erabiltzen ditu orrialde-diseinua zehazteko, eta hor sartzen dira orrialdearen orientazioa, atzeko planoa, marjinak, goiburukoak, orri-oinak eta testu-zutabeak. Dokumentuko orrialde bakarraren diseinua aldatzeko, orrialde-estilo pertsonalizatua sortu eta orrialdeari aplikatu behar diozu.

Orrialde-orientazioa aldatzea

Orrialdearen atzeko planoa aldatzea

Orrialde-estilo berria definitzeko

1. Aukeratu Ikusi - Estiloak.

2. Egin klik Orrialde-estiloak ikonoan.

3. Orrialde-estiloen zerrendan, egin klik eskuineko botoiaz elementuan eta aukeratu Berria.

4. Antolatzailea fitxan, idatzi izena Izena koadroan.

5. Egin ekintza hauetako bat:

• Orrialde-estilo pertsonalizatua orrialde bakar bati aplikatzeko, hautatu, Hurrengo estiloa koadroan, zure dokumentuak darabilen orrialde-estilo lehenetsia.

• Orrialde-estilo pertsonalizatua orrialde bati baino gehiagori aplikatzeko, hautatu bere izena Hurrengo estiloa koadroan. Estiloa erabiltzeari uzteko, txertatu eskuzko orrialde-jauzi bat eta esleitu horri beste orrialde-estilo bat.

6. Erabili elkarrizketa-koadroko fitxak orrialde-estiloaren diseinu-aukerak ezartzeko, eta egin klik Ados botoian.

Orrialde-estilo bat aplikatzeko

1. Egin klik orrialde-estiloa aplikatu nahi diozun orrialdean.

2. Aukeratu Ikusi - Estiloak, eta ondoren egin klik Orrialde-estiloa ikonoan.

3. Egin klik bikoitza zerrendako izen batean.

Orrialde berriari orrialde-estilo bat aplikatzeko

1. Egin klik dokumentuan, orrialde berria hastea nahi duzun lekuan.

2. Aukeratu Txertatu - Eskuzko jauzia.

3. Hautatu Orrialde-jauzia.

4. Estiloa koadroan, hautatu eskuzko jauziaren ondoren datorren orrialdeari aplikatu nahi diozun orrialde-estiloa.

5. Sakatu Ados.