Kapitulu-numerazioa

Izenburu-hierarkia aldatu edo paragrafo-estilo pertsonalizatu bati hierarkian beste maila bat eslei diezaiokezu. Izenburuen paragrafo-estiloei kapitulu- eta sekzio-numerazioa ere eslei diezaiekezu. Modu lehenetsian, "1. izenburua" paragrafo-estiloa kapitulu-hierarkiaren goian dago.

Izenburu-estilo bati zenbakitze automatikoa gehitzea

1. Aukeratu Tresnak - Kapitulu-numerazioa, eta ondoren sakatu Numerazioa fitxa.

2. Paragrafo-estiloa kutxan, hautatu zein izenburu-estilori gehitu nahi dizkiozun kapitulu-zenbakiak.

3. Zenbakiak kutxan, hautatu erabili nahi duzun numerazio-estiloa, eta sakatu Ados.

Kapitulu-numerazio automatikoa izenburu-paragrafotik kentzeko

1. Egin klik izenburu-paragrafoko testuaren hasieran, zenbakiaren ondoren.

2. Sakatu 'Backspace' tekla (atzerako tekla) zenbakia ezabatzeko.

Paragrafo-estilo pertsonalizatua izenburu gisa erabiltzeko

1. Aukeratu Tresnak - Kapitulu-numerazioa, eta ondoren sakatu Numerazioa fitxa.

2. Hautatu estilo pertsonalizatua Paragrafo-estiloa koadroan.

3. Sakatu parafrafo-estilo pertsonalizatuari esleitu nahi diozun izenburu-mailan, Maila zerrendan.

4. Sakatu Ados.