Kapituluak nabigatzailean antolatzea
Izenburuak eta azpiko testua dokumentuan gora eta behera eraman ditzakezu nabigatzailearen bidez. Izenburu-mailak igo eta jaitsi ere egin ditzakezu. Eginbide hori erabiltzeko, aurrez definitutako izenburuen paragrafo-estilo bat eman dokumentuko izenburuei. Izenburuentzako paragrafo-estilo pertsonalizatua erabiltzeko, aukeratu Tresnak - Kapitulu-numerazioa, hautatu estilo bat Paragrafo-estiloak koadroan eta egin klik bikoitza Mailak zerrendako zenbaki batean.
Testu-kurtsorea dokumentuko izenburu batera azkar eramateko, egin klik bikoitza Nabigatzailea zerrendako izenburuan.
Nabigatzailea atrakatzeko, arrastatu izenburu-barra laneko arearen ertzera. Nabigatzailea desatrakatzeko, egin klik bikoitza bere markoan ⌘Ctrl tekla sakatu bitartean.
Izenburuak dokumentuan gora edo behera eramateko
Ziurtatu izenburu-maila guztiak erakusten direla nabigatzailean. Lehenespenez, maila guztiak erakusten dira. Ikus beheko urratsak erakusten diren izenburu-mailak aldatzeko.
-
Estandarra barran, sakatu Nabigatzailea ikonoa nabigatzailea irekitzeko.
-
Nabigatzailean, sakatu Edukien ikuspegia ikonoa .
-
Egin ekintza hauetako bat:
-
Arrastatu izenburu bat Nabigatzailea zerrendako kokaleku berrira.
-
Egin klik izenburu batean Nabigatzailea zerrendan, eta ondoren sakatu Jaso kapituluaren maila edo Jaitsi kapituluaren maila ikonoa .
Izenburua bere mendeko testua mugitu gabe mugitzeko, eutsi sakatuta ⌘Ctrl,Jaso kapituluaren maila edo Jaitsi kapituluaren maila ikonoak arrastatzen edo sakatzen duzun bitartean.
Izenburuaren maila igotzeko edo jaisteko
-
Hautatu Nabigatzailea zerrendako izenburua.
-
Sakatu Jaso kapituluaren maila edo Jaitsi kapituluaren maila ikonoa .
Bistaratutako izenburu-mailen zenbakia aldatzeko
Sakatu Erakutsitako izenburu-mailak ikonoa , eta ondoren hautatu zenbaki bat zerrendatik.