Oin-oharrak
Oin-oharren eta amaiera-oharren formatua zehazten du.
Oin-ohar eta amaiera-oharrentzako aukera osagarriak ezartzeko, aukeratu Formatua - Orrialdea, eta egin klik Oin-oharra fitxan.
Numerazio automatikoa
Numerazioa
Hautatu oin-oharretan eta amaiera-oharretan erabili nahi duzun numerazio-estiloa.
Hautapena |
Azalpena |
A, B, C |
Maiuskula |
a, b, c |
Minuskula |
I, II, III |
Zenbaki erromatarrak (maiuskula) |
i, ii, iii |
Zenbaki erromatarrak (minuskula) |
1, 2, 3 |
Zenbaki arabiarrak |
A,... AA,... AAA,... |
Alfabetoaren araberako numerazioa, letra maiuskulaz. Lehen 26 sarreren ondoren, numerazioa hemen hasten da: "AA". |
a,... aa,... aaa,... |
Alfabetoaren araberako numerazioa, letra minuskulaz. Lehen 26 sarreren ondoren, numerazioa hemen hasten da: "aa". |
Zenbaketa
Hautatu oin-oharren numerazio-aukera.
Aukera |
Esanahia |
Orrialdeko |
Oin-oharren numerazioa orrialde bakoitzaren goian berrabiarazten du. Aukera hori erabilgarri egongo da Kokalekua areako Orrialde-amaiera kontrol-laukia hautatuta badago. |
Kapituluko |
Oin-oharren numerazioa kapitulu bakoitzaren hasieran berrabiarazten du. |
Dokumentuko |
Dokumentuko oin-oharrak segidan zenbakitzen ditu. |
Hasi:
Sartu dokumentuko lehen oin-oharrarentzako zenbakia. Aukera hori erabilgarri egongo da "Dokumentuko" hautatu baduzu Zenbaketa koadroan.
Aurretik
Sartu oin-oharraren zenbakiaren aurretik bistaratzea nahi duzun testua ohar-testuan. Adibidez, idatzi "To " "To 1" bistaratzeko.
Ondoren
Sartu oin-oharraren zenbakiaren ondoren bistaratzea nahi duzun testua ohar-testuan. Adibidez, idatzi ")" "1)" bistaratzeko.
Oin-oharren zenbakiak oin-oharren arearen ezkerrean lerrokatzen dira modu lehenetsian. Eskuinean lerrokatutako zenbakiak nahi izanez gero, editatu Oin-oharra paragrafo-estiloa. Sakatu F11, Estiloak elkarrizketa-koadroa irekitzeko, eta hautatu Oin-oharra paragrafo-estiloen zerrendan. Ireki menu lokala eskuineko klik eginda, eta aukeratu Aldatu. Joan Koskak eta tartea fitxara eta ezarri koskari 0 balioa paragrafoaren aurretik eta ondoren, baita lehen lerroari ere. Tabuladoreak fitxan, sortu eskuineko tabuladore bat 12pt-tan eta ezkerreko tabuladore bat 14pt-tan. Ondoren, Oin-oharren/amaiera-oharren ezarpenak elkarrizketa-koadroan, sartu \t Aurretik and Ondoren edizio-koadroetan.
Kokalekua
Orrialdearen amaiera
Oin-oharrak orrialdearen behealdean bistaratzen ditu.
Dokumentuaren amaiera
Oin-oharrak dokumentuaren amaieran bistaratzen ditu, amaiera-ohar gisa.
Estiloak
Oin-oharrek dokumentuan itxura uniformea dutela ziurtatzeko, esleitu paragrafo-estilo bat oin-oharrei.
Paragrafoa
Hautatu amaiera-oharretako testuaren paragrafo-estiloa.
Orrialdea
Hautatu amaiera-oharretan erabili nahi duzun orrialde-estiloa.
Aukera hori erabilgarri egongo da Kokalekua areako Dokumentuaren amaiera kontrol-laukia hautatuta badago.
Karaktere-estiloak
Oin-oharren aingurei eta testuari estiloak eslei diezazkiekezu. Aurrez definitutako oin-oharren estiloak edo beste estilo batzuk erabil ditzakezu.
Testu-area
Hautatu zein karaktere-estilo erabili nahi duzun oin-oharren aingura gisa zure dokumentuaren testu-arean.
Oin-oharraren area
Hautatu zein karaktere-estilo erabili nahi duzun oin-oharren zenbaki gisa oin-oharren arean.
Jarraipen-adierazlea
Oin-oharraren amaiera
Oin-oharrak hurrengo orrialdean jarraitzen duenean bistaratzea nahi duzun testua sartu, adibidez, "Jarraipena . orrialdean". LibreOffice Writerrek automatikoki txertatzen du hurrengo orrialdearen zenbakia.
Hurrengo orrialdean
Oin-oharrak jarraitzen duen orrialdean bistaratzea nahi duzun testua sartu, adibidez, " . orrialdeko jarraipena". LibreOffice Writerrek automatikoki txertatzen du aurreko orrialdearen zenbakia.