Estiloak
Erabili alboko barrako 'Estiloak' panela formatu-estiloak aplikatu, sortu, editatu, gehitu eta kentzeko. Estilo bat aplikatzeko, egin klik bikoitza sarrera batean.
'Estiloak' leihoa atrakatzeko, arrastatu titulu-barra laneko arearen ezkerrera edo eskuinera. Leihoa desatrakatzeko, egin klik bikoitza tresna-barrako leku libre batean.
Modu lehenetsian, 'Estiloak' panelak erabilgarri dauden estiloen aurrebista bistaratzen du. Aurrebista desgaitu egin daiteke Konfigurazio aurreratua aukeran, /org.openoffice.Office.Common/StylesAndFormatting Preview propietatean false (faltsua) ezarrita.
Nola aplikatu estiloak:
-
Hautatu testua. Karaktere-estiloa hitz bati aplikatzeko, egin klik hitzean. Paragrafo-estiloa aplikatzeko, egin klik paragrafoan.
-
Egin klik bikoitza 'Estiloak' leihoko estiloan.
Estiloei laster-teklak eslei diezazkiekezu
fitxaren bidez.'Estiloak' tresna-barrak dokumentuei formatua emateko ikonoak ditu:
Estilo-kategoria
Paragrafo-estiloak
Paragrafoen formatu-estiloak bistaratzen ditu. Erabili paragrafo-estiloak dokumentuko paragrafoei formatu bera aplikatzeko, esaterako, letra-tipoa, numerazioa eta diseinua.
Karaktere-estiloak
Karaktereen formatu-estiloak bistaratzen ditu. Erabili karaktere-estiloak letra-estiloak paragrafoan hautatutako testuari aplikatzeko.
Marko-estiloak
Markoen formatu-estiloak bistaratzen ditu. Erabili marko-estiloak markoen diseinuei eta kokalekuari formatua emateko.
Orrialde-estiloak
Orrialdeen formatu-estiloak bistaratzen ditu. Erabili orrialde-estiloak orrialde-diseinuak zehazteko, goiburukoen eta orri-oinen itxura barne.
Zerrenda-estiloak
Zenbaki eta buletdun zerrenden formatu-estiloak bistaratzen ditu. Erabili zerrenda-estiloak zenbaki- eta bulet-karaktereei formatua emateko eta koskak zehazteko.
Formatu interaktiboaren modua
Hautatutako estiloa, dokumentuan hautatutako objektuari edo testuari aplikatzen dio. Egin klik ikono horretan, eta arrastatu hautapena dokumentuan, estiloa aplikatzeko. Modu horretatik irteteko, egin klik berriro ikonoan edo sakatu Esc.
Estilo berria hautapenetik
Komando gehiago dituen azpimenua irekitzen du.
Estilo berria hautapenetik
Uneko paragrafo, orrialde edo hautapenaren formatuan oinarritutako estiloa sortzen du.
Eguneratu estiloa
Dokumentuaren barruan kurtsorea kokatuta dagoen testuari eskuz emandako formatu-atributuak, 'Estiloak' leihoan hautatuta dagoen estiloari gehituko zaizkio.
Kargatu estiloa
Kargatu estiloak elkarrizketa-koadroa irekitzen du beste dokumentu bateko estiloak inportatzeko.
Estiloei buruzko informazio gehiago.