Funtzioak
Hautatzen duzun eremu motaren arabera, funtzio batzuentzako baldintzak eslei ditzakezu. Adibidez, klik egitean makro bat exekutatzen duen eremua defini dezakezu, edo baldintza bat betetzean ezkutatzen den eremua. Beharrezkoa denean, dokumentuan grafikoak, taulak, markoak edo beste objektu batzuk txertatzen dituzten leku-marken eremuak defini ditzakezu.
Mota |
Esanahia |
Baldintzapeko testua |
Testua txertatzen du baldintza jakin bat betetzean. Adibidez, sartu "sun eq 1" Baldintza kodroan. Ondoren, sartu "sun" aldagaia "1" denean txertatzea nahi duzun testua Orduan koadroan. Nahi izanez gero, baldintza hori betetzen ez denean bistaratzea nahi duzun testua ere sar dezakezu Bestela koadroan. "sun" aldagaia definitzeko, egin klik Aldagaiak fitxan, hautatu "Ezarri aldagaia", idatzi "sun" Izena koadroan eta haren balioa Balioa koadroan. |
Sarrera-zerrenda |
Zerrenda bateko elementu bat bistaratzen duen testu-eremua txertatzen du. Zerrendan elementuak gehitu, editatu edo ken ditzakezu eta haien ordena alda dezakezu. Egin klik dokumentuko Sarrera-zerrenda eremuan edo sakatu Ctrl+Shift+F9 Aukeratu elementua elkarrizketa-koadroa irekitzeko. |
Sarrera-eremua |
Testu-eremua txertatzen du, eta hori irekitzeko bertan klik egin besterik ez duzu. Bistaratutako testua alda dezakezu. |
Exekutatu makroa |
Klik egitean makroa exekutatzen duen testu-eremua txerta dezakezu. Eremuari makro bat esleitzeko, egin klik Makroa botoian. |
Leku-marka |
Leku-markaren eremua txertatzen du dokumentuan, adibidez, grafikoentzat. Dokumentuko leku-markaren eremu batean klik egitean, falta den elementua txertatzeko eskatuko zaizu. |
Ezkutuko testua |
Zehaztutako baldintza betetzean ezkutatu egingo den testu-eremu bat txertatzen du. Funtzio hori erabiltzeko, aukeratu LibreOffice - HobespenakTresnak - Aukerak - LibreOffice Writer - Formateatzeko laguntza eta garbitu Eremuak: Ezkutuko testua kontrol-laukia. |
Ezkutuko paragrafoa |
Paragrafo bat ezkutatzen du zehaztutako baldintza betetzean. Funtzio hori erabiltzeko, aukeratu LibreOffice - HobespenakTresnak - Aukerak - LibreOffice Writer - Formateatzeko laguntza eta garbitu Eremuak: Ezkutuko paragrafoa kontrol-laukia. |
Konbinatu karaktereak |
Gehienez 6 karaktere konbinatzen ditu, eta karaktere bakar gisa aritzen dira. Eginbide hori erabilgarri egoten da letra-tipo asiarrak onartzen direnean. |
Funtzio-eremuetan, formatu-eremua motaren leku-markaren eremuetan bakarrik erabiltzen da. Hemen, formatuak leku-markak ordezten duen objektua zehazten du.
Baldintza
Baldintza bati estekatutako eremuentzat, sartu hemen irizpidea.
Orduan, Bestela
Sartu baldintza betetzean bistaratuko den testua Orduan koadroan, eta baldintza betetzen ez denean bistaratu beharrekoa Bestela koadroan.
Datu-baseko eremuak ere txerta ditzakezu Orduan eta Bestela koadroetan. Horretarako, erabili "databasename.tablename.fieldname" formatua.
Taula edo eremu-izena ez badago datu-base batean, ez da ezer txertatzen.
"databasename.tablename.fieldname" adierazpenean komatxoak gehitzen badituzu, adierazpena testu gisa txertatuko da.
Erreferentzia
Idatzi eremuan bistaratzea nahi duzun testua. Leku-markaren eremua txertatzen ari bazara, idatzi saguaren erakuslea eremu horretan kokatzean laguntza-iradokizun gisa bistaratzea nahi duzun testua.
Formatua
Hautatu eremuan klik egitean exekutatzea nahi duzun makroa.
Makro-izena
Hautatutako makroaren izena bistaratzen du.
Leku-marka
Idatzi leku-markaren eremuan agertzea nahi duzun testua.
Ezkutuko testua
Idatzi baldintza bat betetzean ezkutatzea nahi duzun testua.
Karaktereak
Sartu konbinatu nahi dituzun karaktereak. Gehienez 6 karaktere konbina ditzakezu. Aukera hori Konbinatu karaktereak eremu motarentzat bakarrik dago erabilgarri.
Balioa
Sartu hautatutako eremuarentzako balio bat.
Makroa
Makro-hautatzailea irekitzen du. Hor dokumentuan hautatutako eremuan klik egitean exekutatuko den makroa hauta dezakezu. Botoi hori "Exekutatu makroa" funtzio-eremuarentzat bakarrik dago erabilgarri.
Ondorengo kontrolak Sarrera-zerrenda eremuentzat bistaratzen dira:
Elementua
Sartu elementu berria.
Gehitu
Elementua zerrendari gehitzen dio.
Zerrendako elementuak
Elementuak zerrendatzen ditu. Goi-goiko elementua erakusten da dokumentuan.
Kendu
Hautatutako elementua zerrendatik kentzen du.
Eraman gora
Hautatutako elementua gora eramaten du zerrendan.
Eraman behera
Hautatutako elementua behera eramaten du zerrendan.
Izena
Sartu izen esklusiboa Sarrera-zerrendarentzat.
Aukeratu elementua
Elkarrizketa-koadro hori Sarrera-zerrenda eremuan klik egitean irekitzen da.
Aukeratu dokumentuan bistaratzea nahi duzun elementua, eta sakatu Ados.
Editatu
Editatu eremuak: funtzioak elkarrizketa-koadroa bistaratzen da, eta hor Sarrera-zerrenda edita dezakezu.
Hurrengoa
Uneko Sarrera-zerrenda ixten du eta hurrengoa bistaratzen du, baldin badago. Botoi hori Aukeratu elementua elkarrizketa-koadroa Ctrl+Shift+F9 teklen bidez irekitzean ikusiko duzu.