Oin-oharra/Amaiera-oharra
Oin-oharra edo amaiera-oharra txertatzen du dokumentuan. Oharraren aingura kurtsorearen uneko kokalekuan txertatuko da. Numerazio automatikoaren eta ikur pertsonalizatuaren artean aukera dezakezu.
Ondoren azaltzen dena oin-oharrei eta amaiera-oharrei dagokie.
Oin-oharrak orrialdearen amaieran txertatzen dira, eta amaiera-oharrak dokumentuaren amaieran.
Numerazioa
Hautatu oin-ohar eta amaiera-oharrentzat erabili nahi duzun numerazio mota.
Automatikoa
Elkarren ondoko zenbakiak esleitzen dizkie, automatikoki, txertatzen diren oin-ohar edo amaiera-oharrei.Numerazio automatikoaren ezarpenak aldatzeko, aukeratu Tresnak - Oin-oharrak eta amaiera-oharrak.
Karakterea
Hautatu aukera hau uneko oin-oharrerako karakterea edo ikurra definitzeko. Karakterea letra bat edo zenbaki bat izan daiteke. Karaktere berezia esleitzeko, egin klik beheko botoian.
Aukeratu
Karaktere berezia txertatzen du oin-oharraren edo amaiera-oharraren aingura gisa.
Mota
Hautatu oin-oharra edo amaiera-oharra txertatzea nahi duzun. Amaiera-oharren numerazioa eta oin-oharrena bereizita egiten da.
Oin-oharra
Kurtsorea dokumentuan dagoen lekuan oin-oharraren aingura txertatzen du, eta orrialdearen behean oin-oharra jartzen du.
Amaiera-oharra
Kurtsorea dokumentuan dagoen lekuan amaiera-oharraren aingura txertatzen du, eta dokumentuaren amaieran amaiera-oharra gehitzen du.