Diapositiben ordena aldatzea
Egin ekintza hauetako bat:
-
Aukeratu Ikusi - Diapositiba-sailkatzailea, hautatu diapositiba bat edo gehiago eta arrastatu diapositibak beste kokaleku batera. Hainbat diapositiba hautatzeko, sakatu Maius eta egin klik diapositibetan. Hautatutako diapositiba baten kopia sortzeko, sakatu Ctrl arrastatzen duzun bitartean. Saguaren erakuslea plus ikur bihurtzen da. Diapositiben kopiak irekitako beste LibreOffice Impress dokumentu batzuetara ere arrastatu ditzakezu.
-
Aukeratu Ikusi - Eskema, hautatu diapositiba bat eta arrastatu beste kokaleku batera.
-
Aukeratu Ikusi - Normala edo Oharrak, hautatu diapositiba-aurrebista Diapositiben panelean eta arrastatu beste kokaleku batera.
Diapositiba bat aurkezpenetik aldi baterako kentzeko, joan Diapositiba-sailkatzailera, egin klik eskuineko botoiaz diapositiban eta aukeratu Erakutsi/ezkutatu diapositiba. Ezkutatutako diapositibaren izena gris bihurtzen da. Diapositiba erakusteko, egin klik eskuineko botoiaz diapositiban eta aukeratu Erakutsi/ezkutatu diapositiba.