GIF irudi animatuak sortzea
Aurkezpena interesgarriago izan dadin, diapositibako marrazki-objektuak, testu-objektuak eta grafiko-objektuak (irudiak) anima ditzakezu. LibreOffice Impressek animazio-editore erraza eskaintzen dizu, eta horren bidez, animazio-irudiak sor ditzakezu diapositibako objektuak bilduz. Animazio-efektua lortzeko, zuk sortutako marko estatikoak biratzen dira.
Bit-mapako animazioa sortzen baduzu (GIF animatua), atzerapena eslei diezaiokezu marko bakoitzari, eta animazioa zenbat aldiz erreproduzitu behar den zehaztu dezakezu.
GIF animatua sortzeko:
-
Hautatu animazioan sartu nahi duzun objektu bat edo objektu talde bat eta aukeratu Txertatu - Irudi animatua.
-
Egin ekintza hauetako bat:
-
Egin klik Aplikatu objektua botoian objektu bakarra edo objektu taldea gehitzeko uneko animazio-markoari.
-
Egin klik Aplikatu objektuak banaka botoian aparteko animazio-markoa sortzeko hautatutako objektu bakoitzarentzat.
-
Animazio taldea arean, hautatu Bit-maparen objektua.
Erabili animazioaren denbora-muga markoa zenbat denbora bistaratu behar den zehazteko eta animazio-sekuentzia zenbat aldiz agertu behar den zehazteko.
-
Sartu marko-zenbakia Irudi-zenbakia koadroan (ezkerreko koadroa).
-
Sartu markoa zenbat segundoz bistaratu behar den Iraupena koadroan (erdiko koadroa).
-
Errepikatu azken bi urratsak animazioko marko bakoitzarekin.
Animazioaren aurrebista ikusteko, erabili Irudi-zenbakia koadroaren ezkerreko kontrolak.
-
Hautatu animazio-sekuentzia zenbat aldiz errepikatzea nahi duzun Begizta kopurua koadroan (eskuineko koadroa).
-
Hautatu objektuak lerrokatzeko aukera Lerrokatu koadroan.
-
Sakatu Sortu.