Estiloak

Alboko barrako 'Estiloak' panela zabaltzen du, dokumentuan aplika eta edita daitezkeen grafikoak eta aurkezpen-estiloak zerrendatzeko.

LibreOffice Impress aplikazioko 'Estiloak' leihoak ez du beste LibreOffice aplikazioen portaera bera. Adibidez, grafikoen estiloak sortu, editatu eta aplika ditzakezu, baina aurkezpen-estiloak editatu besterik ezin dituzu egin.

Estilo bat editatzean, aldaketak automatikoki aplikatzen dira estilo horrekin formatua eman zaien elementu guztietan. Diapositiba bateko estiloak eguneratuta ez daudela ziurtatu nahi baduzu, sortu diapositibarentzako diapositiba maisu berria.

Aurkezpen-estiloak

LibreOffice Impress diseinu automatikoetan erabiltzen diren estiloak. Aurkezpen-estiloak alda ditzakezu.

Grafikoen estiloak

Elementu grafikoei formatua emateko estiloak, testu-objektuak barne.

Formatu interaktiboaren modua

Hautatutako estiloa diapositibako objektu bati aplikatzen dio. Egin klik pintura-potearen ikonoan, eta ondoren, egin klik diapositibako objektuan estiloa aplikatzeko. Egin klik pintura-potean berriro, modu horretatik irteteko.

Estilo berria hautapenetik

Estilo berria sortzen du hautatutako objektuaren formatu-atributuak erabiliz.

Eguneratu estiloa

'Estiloak' leihoan hautatutako estiloa eguneratzen du hautatutako objektuaren uneko formatua erabilita.

Estilo-zerrenda / Estilo taldeak / Laster-menua : Berria /Aldatu /Ezabatu

Estiloak sortzea, editatzea, aplikatzea eta kudeatzea.