Konfigurazio aurreratua
Aukeratu Tresnak – Aukerak – LibreOffice – Aurreratua – Konfigurazio aurreratua
'Konfigurazio aurreratua' elkarrizketa-koadroa irekitzen du, LibreOffice modu aurreratuan konfiguratzeko.'Konfigurazio aurreratua' koadroak LibreOffice aplikazioaren ehunka konfigurazio-hobespen aldatzea ahalbidetzen dio erabiltzaileari, eta horietako gehienak ez daude eskuragarri erabiltzaile-interfazean edo aukeren elkarrizketa-koadroetan.
'Konfigurazio aurreratua' leihoak zure LibreOffice erabiltzaile-profilean kalteak egin ditzaketen konfigurazio-hobespenak atzitzea, editatzea eta gordetzea ahalbidetzen du. Zure LibreOffice erabiltzaile-profila desegonkortu dezake edo erabiliezin bihur dezake. Erabili ezazu, zertan ari zaren badakizu soilik.
Konfigurazio aurreratuak ez du aldatzen LibreOffice aplikazioaren sistema-instalazioa zure ordenagailuan.
Testu-bilaketarako sarrera-area
Idatzi testu-arean bistaratu nahi duzun hobespena. Ondoren, sakatu 'Bilatu' botoia.
'Bilatu' botoia
Sakatu zure hobespen-testua 'Hobespenak' zuhaitzean bilatzeko.
'Hobespenak' zuhaitza
Hobespenak ordena hierarkikoa jarraituz zerrrendatzen du, zuhaitz-diseinua erabilita. Adarrak irekitzeko, egin klik bikoitza (+) ikurrean. Hobespena zuhaitzean ikusten denean, hura editatu ahal izango duzu.
Hobespen-izena
Hobespenaren izena
Propietatea
Hobespenaren propietatearen izena erakusten du.
Mota
Propietate mota definitzen du. Baliozko motak honakoak dira:
-
string: Balio alfanumerikoak;
-
long: osoko zenbakiak;
-
boolean: egia edo gezurra;
-
void: void motako propietateak ezin dira aldatu.
Balioa
Propietatearen uneko balioa.
Editatu
Elkarrizketa-koadro bat irekitzen du hobespena editatzeko.
Klik bikoitza egin daiteke hobespen-lerroan, propietatearen uneko balioa editatzeko.
Berrezarri
Desegin orain arte elkarrizketa-koadro honetan egindako aldaketak.