Hizkuntzak
Dokumentuetarako hizkuntza lehenetsiak eta beste ezarpen lokal batzuk definitzen ditu.
Hizkuntza
Erabiltzaile-interfazea
Hautatu zein hizkuntza erabiliko den erabiltzaile-interfazean, adibidez menuetan, elkarrizketa-koadroetan eta laguntza-fitxategietan. Gutxienez hizkuntza-pakete bat gehiago instalatuta izan behar da, edo LibreOffice aplikazioaren hizkuntza anitzeko bertsio bat.
"Lehenetsia" sarrerak sistema eragilearen erabiltzaile-interfazeko hizkuntza hautatzen du. Hizkuntza hori ez badago erabilgarri LibreOffice instalazioan, LibreOffice instalatzean erabilitako hizkuntza izango da lehenetsia.
Ezarpen lokala
Zure herrialdeari dagokion eskualde-ezarpena zehazten du. Numerazioaren, monetaren eta neurri-unitateen ezarpenetan izango du eragina.
"Lehenetsia" sarrerak sistema eragilerako hautatuta dagoen eskualde-ezarpena hautatzen du.
Eremu honetako aldaketak berehala aplikatzen dira. Dena den, dokumentua berriro kargatzean bakarrik aldatuko dira lehenespenez formateatutako zenbait formatu.
Dezimal-bereizlearen tekla - Ezarpen lokalaren berdina
Zenbakizko teklatuari dagokion tekla sakatzean zure sisteman ezarritako dezimal-bereizlearen tekla erabiliko dela zehazten du.
Kontrol-laukia aktibatuta badago, "Ezarpen lokala bezalakoa" eremuaren ondoren agertzen den karakterea zenbakizko teklatuan tekla sakatzen duzunean txertatuko da. Kontrol-lauki hau ez badago aktibatuta, zure softwareko teklatu-kontrolatzaileak eskaintzen duen karakterea txertatuko da.
Moneta lehenetsia
Moneta-formatuan eta moneta-eremuetan erabiltzen diren moneta lehenetsiak zehazten ditu. Eskualde-ezarpena aldatzen baduzu, moneta lehenetsia automatikoki aldatuko da.
Sarrera lehenetsia hautatutako ezarpen lokalari esleitutako moneta-formatuari aplikatzen zaio.
Moneta lehenetsia eremuan egindako aldaketak irekitako dokumentu guztietan aplikatuko dira eta dokumentu horietan moneta-formatua kontrolatzen duten elkarrizketa-koadro eta ikonoetan ere dagozkien aldaketak egingo dira.
Data onartzeko ereduak
Uneko eskualde-ezarpenak data onartzeko dituen ereduak zehazten ditu. Calc kalkulu-orriek eta Writer taula-gelaxken sarrerek eskualde-ezarpenaren araberako data onartzeko ereduekin bat etorri behar dute, datak baliozko data gisa hartuak izan daitezen. Eskualde-ezarpen lehenetsiaren araberako data onartzeko ereduak konpilazioaren unean sortzen dira, baina koadro honetan gehiago sartu daitezke edo horiek aldatu daitezke.
Hemen definitu diren data onartzeko ereduez gain, eskualde-ezarpen guztiek onartzen dute ISO 8601 U-H-E eredua, eta LibreOffice 3.5 bertsiotik aurrera, UUUU-HH-EE formatua ere aplikatzen da.
Sinatxia: U urtea da, H hilabetea da, eta E eguna da, berdin dio zein den eskualde-ezarpena.
Dokumentuen hizkuntza lehenetsiak
Ortografia-egiaztatze, sinonimoen hiztegi eta hitz-zatiketaren hizkuntzak zehazten ditu.
Mendebaldekoa
Mendebaldeko alfabetoetan ortografia egiaztatzeko erabilitako hizkuntza zehazten du.
Asiarra
Asier alfabetoetan ortografia egiaztatzeko erabilitako hizkuntza zehazten du.
CTL
Testu-diseinu konplexuko hizkuntzetan ortografia egiaztatzeko erabilitako hizkuntza zehazten du.
Uneko dokumentuarentzat soilik
Hizkuntza lehenetsien ezarpenek uneko dokumenturako soilik balio dutela zehazten du.
Hizkuntzen euskarri hobetua
Erakutsi Asia ekialdeko idazkeren interfaze-elementuak
Asiako hizkuntzen euskarria aktibatzen du. Orain Asiako hizkuntzen ezarpenak alda daitezke LibreOffice(e)n.
Txineraz, japonieraz edo koreeraz idatzi nahi baduzu, erabiltzailearen interfazean hizkuntza hauen euskarria aktiba dezakezu.
Erakutsi bi noranzko idazkerarako interfaze-elementuak
Testu-diseinu konplexuen euskarria aktibatzen du. Horri esker, testu-diseinu konplexuari dagozkien ezarpenak aldatu daitezke LibreOffice(e)n.
Ezikusi sistemaren sarrera-hizkuntza
Sistemaren sarrerako hizkuntza/teklatuan egindako aldaketak ez ikusiko diren adierazten du. Ez ikusten badira, testu berria idazten denean, testu horrek dokumentuaren edo uneko paragrafoaren hizkuntzaren arauak jarraituko ditu, ez sistemaren uneko hizkuntzarenak.