HTML bateragarritasuna
HTML orrien ezarpenak definitzen ditu.
Letra-tamainak
Erabili 1. tamaina eta 7. tamaina arteko biratze-botoiak, letra-tipoek <font size=1> eta <font size=7> HTML etiketen bitartez izango duten tamaina definitzeko.
Inportatu
HTML dokumentuak inportatzeko ezarpenak definitzen ditu.
Erabili 'Ingelesa (AEB)' zenbaki lokaletan
HTML orri batetik zenbakiak inportatzean, beharbada dezimalen bereizlea eta milakoen bereizlea ez dira bat etorriko HTML orriaren ezarpen lokalekin. Nolanahi ere, arbelak ez du ezarpen lokalari buruzko informaziorik edukitzen. Adibidez, "1.000" karakterek kopiatzen badituzu euskal web orri batetik, seguru asko "mila" esan nahiko dute, puntua milakoen bereizlea izan ohi baita euskararen ezarpen lokaletan. Web orri ingeles batetik kopiatzen badituzu karaktereak, aldiz, 1 zenbakia adieraziko dute, "bat koma zero zero zero", hain zuzen ere.
Markatuta ez badago, 'Aukerak' elkarrizketa-koadroan ezarritako Hizkuntza-ezarpenak - Hizkuntza - Ezarpen lokala aukeraren arabera interpretatuko dira zenbakiak. Markatuta badago, 'English (USA)' hizkuntzaren arabera interpretatuko dira.
Inportatu HTML etiketa ezezagunak eremu gisa
Hautatu kontrol-lauki hau LibreOffice(e)k ezagutzen ez dituen etiketak eremu gisa inportatzeko. Irekitze-etiketa baterako, HTML_ON eremu bat sortuko da etiketa-izenaren balioarekin. Itxiera-etiketentzat berriz, HTML_OFF eremu bat sortuko da. Eremu horiek etiketa bihurtuko dira HTML esportazioan.
Ez ikusi egin letra-tipoen ezarpenei
Inportatzean letra-tipoen ezarpen guztiei ez ikusi egiteko, markatu kontrol-lauki hau. HTML orri-estiloan definitutako letra-tipoak erabiliko dira.
LibreOffice Basic
HTML formatuan esportatzean, LibreOffice Basic-en argibideak kontuan hartzeko, markatu kontrol-lauki hau.
Aukera hau aktibatu behar duzu LibreOffice Basic scripta sortu aurretik, bestela ez baita txertatuko. LibreOffice Basic scriptak HTML dokumentuen goiburukoan kokatu behar dira. LibreOffice Basic IDEn makroa sortutakoan, HTML dokumentuaren iturburu-testuaren goiburukoan agertzen da.
Erakutsi abisua
Eremu hau markatuta badago, HTMLra esportatzean abisu bat bistaratuko da, lehendik dauden LibreOffice Basic makroak galdu egingo dituzula adierazteko.
Orrialde-diseinua
Eremu hau markatzen baduzu, uneko dokumentuaren inprimatze-diseinua ere esportatuko da (esaterako, orrialde-zenbakiak eta puntudun marra justifikatuak dituzten aurkibideak). LibreOffice, Mozilla Firefox eta MS Internet Explorer aplikazioek irakur ditzakete horrelako edukiak.
HTML iragazkiak CSS2 (Cascading Style Sheets Level 2) onartzen du dokumentuak inprimatzeko. Gaitasun horiek erabilgarriak izan daitezen ezinbestekoa da orrialde-diseinuaren esportazioa aktibatuta egotea.
Irudi lokalak Internetera kopiatzea
Dokumentua Interneteko zerbitzarian FTP bidez kargatzean, dokumentuko irudiak ere kopiatzeko, hautatu kontrol-lauki hau. Dokumentua gordetzeko, erabili Gorde honela elkarrizketa-koadroa eta sartu URL osoa Interneteko fitxategi-izen gisa.
Karaktere-jokoa
Hautatu esportaziorako karaktere-joko egokia.
