Laster-teklak (LibreOffice erabilerraztasuna)

LibreOffice sagurik gabe kontrola dezakezu, teklatua soilik erabiliz.

Modulu bakoitzaren laguntza-orrialde nagusian (adibidez, LibreOffice Writer edo LibreOffice Calc-en laguntza-orri nagusian) modulu horretako laster-teklen laguntzan sartzeko esteka dago.

Horrez gain, "Erabilerraztasuna" gako-hitzean, hautatutako modulua sagurik gabe kontrolatzeko argibideak aurkituko dituzu, urratsez urrats.

LibreOffice erabiltzaile-interfazearekin sagurik gabe lan egitea

Menu-barra, tresna-barrak, leihoak eta dokumentuak aktibatzea

F6 behin eta berriro sakatzean, fokua eta zirkuluak honako objektuen artean txandakatuko dira:

• menu-barra,

• tresna-barra guztiak, goitik behera eta ezkerretik eskuinera,

• leiho libre guztiak, ezkerretik eskuinera,

• dokumentua

Sakatu Shift+F6, objektuak aurkako noranzkoan txandakatzeko.

Sakatu +F6 dokumentura joateko.

Sakatu F10 menu-barrara joan eta handik itzultzeko.

Escape teklak irekitako azpimenua, tresna-barra edo uneko leiho librea ixten du.

Menu-komandoei deitzea

Sakatu edo F6 edo F10, lehen menua hautatzeko (Fitxategia menua). Eskuinerako geziarekin, eskuineko hurrengo menua hautatuko da; ezkerrerako geziarekin, aurreko menua.

Beherako geziak hautatutako menua irekitzen du. Gorako eta beherako gezien bidez, menu-komando batetik bestera joan zaitezke. Eskuinerako geziaren bidez, azpimenuak ireki ditzakezu.

Sakatu Enter hautatutako menu-komandoa exekutatzeko.

Ikono-komandoa exekutatzeko

Sakatu F6 behin eta berriro, tresna-barrako lehenengo ikonoa hautatu arte. Erabili eskuinerako eta ezkerrerako geziak tresna-barra horizontaleko ikono bat hautatzeko. Era berean, erabili gorako eta beherako geziak tresna-barra bertikaleko ikono bat hautatzeko. Home teklak tresna-barrako lehen ikonoa hautatzen du eta End teklak azkenekoa.

Sakatu Enter, hautatutako ikonoa exekutatzeko. Hautatutako ikonoak saguaren beste ekintza bat gehiago behar badu, esaterako laukizuzen bat txertatzea, Enter sakatzea ez da aski: kasu horietan, sakatu +Enter.

• +Enter sakatuta ikono batean, marrazki-objektu bat sortzeko. Marrazki-objektua bistaren erdian kokatuko da, aurredefinitutako tamaina batekin.

• Sakatu +Enter hautapen-tresnan, dokumentuko lehen marrazki-objektua hautatzeko. Hautatutako marrazki-objektua editatu, tamainaz aldatu edo mugitu nahi baduzu, lehenego erabili +F6 fokua dokumentuan ezartzeko.

Luzeegia bada pantailan bistaratzeko, tresna-barrak ikono bat erakutsiko du eskuinean edo beheko ertzean. Hautatu tresna-barra eta sakatu PageUp edo PageDown gainerako ikonoak bistaratzeko.

Tresna-barretarako aholku bereziak

Sakatu beherako gezia edo eskuinerako gezia, hautatutako tresna-barra irekitzeko. Ekintza hori saguaren bidez klik egitearen berdina da. Tresna-barran, erabili eskuinerako eta ezkerrerako gezia. Home eta End teklek tresna-barrako lehen eta azken ikonoak hautatzen dituzte, hurrenez hurren.

Itxi tresna-barra Esc teklaren bidez. Tresna-barra ezin da mugitu sagurik gabe.

Konbinazio-koadro batean hautapenak egitea

Tauletan hautapenak egitea

Hainbat leihotan eta elkarrizketa-koadrotan, eta taula-kontrolen eremuan, datuak hautatzeko taulak daude, adibidez, Datu-iturburuaren ikuspegiko eskuineko aldean. Ondorengo teklak taula horietan hautapenak egiteko erabiltzen dira:

• Zuriune-barra: uneko errenkada hautatzea eta desautatzea txandakatzen du, baldin eta uneko gelaxka edizio moduan ez badago.

• +zuriune-barra: uneko errenkada hautatzea eta desautatzea txandakatzen du.

• +Shift+zuriune-barra: uneko zutabea hautatzea eta desautatzea txandakatzen du.

• +gorako gezia edo +beherako gezia: taularen eta inprimakiaren arteko leiho-banatzailea mugitzen du, adibidez bibliografiako datu-basean.

• Taula-kontrol batean edo datu-iturburuaren ikuspegian, 'Tab' teklak hurrengo zutabera eramaten zaitu. Hurrengo kontrolera mugitzeko, sakatu +Tab. Aurreko kontrolera mugitzeko, sakatu Shift++Tab.

Leihoen eta elkarrizketa-koadroen tamaina eta kokalekua

1. Lehenengo, sakatu +zuriune-barra.

   Sistema-menu bat irekiko da honako menu-komandoekin: Lekuz aldatu, Aldatu tamaina eta Itxi.

2. Aukeratu komando bat (beherako gezia, eta gero, Enter).

3. Orain gezi-teklak erabil ditzakezu elkarrizketa-koadroa edo leihoa lekuz edo tamainaz aldatzeko.

4. Sakatu Enter aldaketak onartzeko. Sakatu Shift aldaketak bertan behera uzteko.

Leihoak eta tresna-barrak atrakatzea eta desatrakatzea

1. Sakatu F6 leihoa edo tresna-barra hautatu arte.

2. Sakatu +Shift+F10.

Objektuak hautatzea

Sakatu Shift+F4, uneko dokumentuko aurreneko objektua hautatzeko. Objektu bat hautatu ondoren, sakatu Tab hurrengo objektua hautatzeko, edo sakatu Shift testura itzultzeko.

Objektuak editatzea

Hautatutako OLE objektuak Enter teklaren bidez aktiba daitezke.

Objektuen kokalekua eta tamaina editatzea

• Erabili gezi-teklak hautatutako objektua saretaren bereizmen-unitate bat mugitzeko.

  Ezarri sareta-bereizmena - LibreOffice Writer - Sareta aukera erabilita, Bereizmena arean. 1 baino handiagoa den zenbaki bat sartzen baduzu Azpizatiketa arean, gezi-teklak zenbaki horrek adierazten duen aldi kopuruan sakatu behar dituzu, hautatutako objektua saretaren bereizmen-unitate bat mugitzeko.

• Erabili eta gezi-teklak hautatutako objektua pixel bat mugitzeko.

• Erabili +Tab heldulekuak editatzeko moduan sartzeko. Goiko ezkerreko heldulekua helduleku aktiboa da, keinuka hasiko da. Erabili +Tab hurrengo heldulekua hautatzeko. Saatu 'Escape' heldulekuak editatzeko modutik irteteko.

• Heldulekuak editatzeko moduan, gezi-teklek hautatutako heldulekua mugitzen dute, eta horrek objektuaren tamaina aldatzen du.

Objektuen aingurak editatzea

Objektuen aingura gezi-teklen bidez mugi dezakezu. Aurrena, sartu heldulekuak editatzeko moduan, eta gero, hautatu aingura. Aingura motaren arabera, aingura norabide ezberdinetan mugi dezakezu.

1. Hautatu objektua.

2. Sartu heldulekuak editatzeko moduan honela: +Tab

3. Ezkerreko goiko heldulekua keinuka hasiko da. Sakatu +Tab zenbait aldiz, heldulekuek keinuka egiteari utzi arte. Horrek adierazten du orain objektuaren aingura aktibatuta dagoela.

4. Erabili gezi-teklak aingura lekuz aldatzeko. Objektuak aingurari jarraitzen dio.

Hautatutako objektuaren aingura alda dezakezu, adibidez, objektuaren laster-menuan.

• Objektua Paragrafoari ainguratuta badago, gezi-teklek aurreko edo hurrengo paragrafora eramango dute objektua.

• Objektua Orrialdeari ainguratuta badago, Page Up edo Page Down teklek aurreko edo hurrengo orrialdera eramango dute objektua.

• Objektua Karaktereari ainguratuta badago, gezi-teklek uneko paragrafoan mugituko dute objektua.

• Objektua Karaktere gisa ainguratuta badago, ez da aingura-ikonorik egongo. Ezin duzu objektua lekuz aldatu.

• Objektua Markora ainguratuta badago, gezi-teklek hurrengo markora eramango dute objektua, dagokion norabidean.

Lerro banatzaileak kontrolatzea

LibreOffice Calc, LibreOffice Draw eta LibreOffice Impressen dokumentuak horizontalean eta bertikalean zatitu daitezke aparteko ikuspegietan. Ikuspegi bakoitzak dokumentuaren beste zati batzuk erakuts ditzake. Saguaren bidez, lerro banatzaileak korritze-barratik dokumentura arrastatu ditzakezu.

• Shift++F6 sakatuz gero, lerro banatzaileak kokaleku lehenetsietan erakutsiko dira eta fokua dokumentuan ezarriko da.

• Gezi-teklak: uneko lerro banatzailea urrats handi bat mugitzen du geziaren norabidean.

• Shift+Gezi-teklak: uneko lerro banatzailea urrats txiki bat mugitzen du geziaren norabidean.

• Del: uneko lerro banatzailea ezabatzen du

• Shift+Del: bi lerro banatzaileak ezabatzen ditu

• Enter: lerro banatzaileen uneko kokalekua finkatzen du

• Esc: uneko lerro banatzailea kokaleku lehenetsian berrezartzen du

Datu-iturburuaren ikuspegia kontrolatzea

+ Shift + F4 konbinazioak datu-iturburuen bista irekitzen eta ixten du.

F6: dokumentua eta tresna-barrak txankadatzen ditu.

+ (plus tekla): hautatutako sarrera datu-iturburuaren arakatzailean hedatzen du.

- (minus tekla): hautatutako sarrera datu-iturburuaren arakatzailean tolesten du.

+Shift+E: datu-iturburuaren arakatzailea eta taula txandakatzen ditu.

Kontsulta-diseinuaren leihoko lasterbideak

F6: objektu-barra, taula-ikuspegia eta hautapen-area txandakatzen ditu.

+gorako gezia edo +beherako gezia: taularen bistaren eta hautapen-arearen ertza gora edo behera mugitzen du,.

'Taula-ikuspegia' (kontsulta-diseinuaren goiko area) eta 'Erlazioak' leihoko teklak

+gezi-tekla: hautatutako taula geziaren zentzuan mugitzen du.

+Shift+gezi-tekla: hautatutako taularen tamaina aldatzen du taula-ikuspegian.

Del: hautatutako taula edo konexioa kentzen du taula-ikuspegitik.

Tab: taulak eta konexioak txandakatzen ditu taula-ikuspegian.

Enter: konexio bat hautatuta dagoenean, Enter teklak konexioaren Propietateak elkarrizketa-koadroa irekitzen du.

Enter: taula bat hautatuta dagoenean, Enter teklak zerrenda-koadroko lehen datu-eremua sartzen du hautapen-arean.

Hautapen-areako teklak (kontsulta-diseinuko beheko area)

+ezkerrerako edo eskuinerako gezia: hautatutako zutabea ezkerrera edo eskuinera mugitzen du.

Taula-diseinuaren leihoko teklak

F6: tresna-barra, zutabe-ikuspegia eta propietate-area txandakatzen ditu.

Irudi-mapen editorea kontrolatzea

• Sakatu Tab ikono bat hautatzeko. Laukizuzena ikonotik Forma libreko poligonoa ikonora dagoenetako bat hautatzen baduzu eta +Enter sakatzen baduzu, hautatutako mota duen objektu bat sortuko da, tamaina lehenetsiarekin.

• 'Enter' sakatzen baduzu Hautatu ikonoa hautatuta dagoela, fokua irudi-mapen editoreko irudi-leihoan jarriko da. Sakatu 'Esc' fokua berriro ikonoetan eta sarrera-koadroetan jartzeko.

• Hautatu ikonoa hautatuta badago eta Ctrl+Enter sakatzen baduzu, irudiaren leihoko lehen objektua hautatuko da.

• Erabili Editatu puntuak ikonoa, poligonoentzako puntuak editatzeko modura joateko eta handik itzultzeko.

• Erabili Ctrl+Tab, irudi-leihoan hurrengo puntua hautatzeko. Erabili Shift+Ctrl+Tab aurreko puntua hautatzeko.

• Erabili 'Delete' tekla fokua irudi-leihoan dagoela hautatutako objektua ezabatzeko.

Laguntza kontrolatzea

Sakatu Shift+F1, une honetan hautatutako komando, ikono edo kontrolaren Aholku luzeak bistaratzeko.

Laguntzaren orrialde nagusietan nabigatzea

• Laguntzaren orrialde nagusietan, erabili Tab hurrengo hiperestekera joateko edo Shift+Tab aurreko estekara joateko.

• Sakatu 'Enter' hautatutako hiperesteka exekutatzeko.

• Sakatu 'Enter' teklaren gaineko 'Backspace' tekla, aurreko laguntza-orrialdera itzultzeko.

Testu-inportazioa elkarrizketa-koadroa kontrolatzea (CSV fitxategi-inportazioa)

Erregela

• Ezkerrerako edo eskuinerako gezia: kokaleku bat ezkerrera edo eskuinera doa

• Ctrl+ezkerrerako gezia edo Ctrl+eskuinerako gezia: aurreko edo hurrengo zatiketara doa

• Ctrl+Shift+ezkerrerako gezia edo Ctrl+Shift+eskuinerako gezia: zatiketa toki bat ezkerrera edo eskuinera mugitzen du

• Home edo End: joan lehen edo azken kokaleku posiblera

• Ctrl+Home edo Ctrl+End: joan lehen edo azken zatiketara

• Shift+Ctrl+Home edo Shift+Ctrl+End: mugitu zatiketa lehen edo azken kokalekura

• Zuriune-barra: txertatu edo kendu zatiketa bat

• 'Insert' (Txertatu) tekla: zatiketa txertatzen du (lehendik dauden zatiketak ez ditu aldatzen)

• 'Delete' (Ezabatu) tekla: zatiketa ezabatzen du

• Shit+Delete: zatiketa guztiak ezabatzen ditu

• Gorako gezia edo beherako gezia: taula errenkada bat gora edo behera korritzen du

• Page Up edo Page Down: korritu taula orrialde bat gora edo behera

• Escape tekla (sagua arrastatzean): utzi arrastatzea bertan behera, mugitu zatiketa lehen kokalekura

Aurrebista

• Ezkerrerako gezia edo eskuinerako gezia: ezkerreko edo eskuineko zutabea hautatzen du eta gainerako hautapenak garbitzen ditu

• Ctrl+ezkerrerako gezia edo Ctrl+eskuinerako gezia: fokua ezkerreko edo eskuineko zutabera eramaten du (ez du hautapena aldatzen)

• Shift+ezkerrerako gezia edo Shift+eskuinerako gezia: hautatutako barrutia hedatu edo txikiagotzen du

• Ctrl+Shift+ezkerrerako gezia edo Ctrl+Shift+eskuinerako gezia: hautatutako barrutia hedatu edo txikiagotzen du (ez ditu gainerako hautapenak aldatzen)

• Home edo End: hautatu lehen edo azken zutabea (erabili Shift edo Ctrl, kurtsore-teklekin bezala)

• Shift+zuriune-barra: hautatu azken hautatutako zutabetik uneko zutaberainoko barrutia

• Ctrl+Shift+zuriune-barra: hautatu azkena hautatutako zutabetik uneko zutaberainoko barrutia (ez ditu beste hautapenak aldatzen)

• Ctrl+A: hautatu zutabe guztiak

• Shift+F10: ireki laster-menu bat

• Ctrl+1 ... Ctrl+7: ezarri 1. ... 7. zutabe mota hautatutako zutabeentzat

• Gorako gezia edo beherako gezia: taula errenkada bat gora edo behera korritzen du

• Page Up edo Page Down: korritu taula orrialde bat gora edo behera

• Ctrl+Home edo Ctrl+End: korritu taularen goraino edo beheraino

'Txertatu - Karaktere berezia' elkarrizketa-koadroa kontrolatzea

• Tab teklak elkarrizketa-koadroko kontrol guztiak txandakatzen ditu.

• +beherako geziak konbinazio-koadro bat irekitzen du. 'Enter' teklak konbinazio-koadroko uneko sarrera hautatzen du.

• Gezi-botoien bidez, hautapen-area nagusian mugi daiteke. Zuriune-barrak uneko karakterea gehitzen dio txertatu beharreko karaktere-zerrendari.