JDBC konexioa
JDBC datu-basean sartzeko aukerak zehazten ditu.
JDBC adibideak
JDBC kontrolatzaile klasea erabil dezakezu LibreOffice aplikaziotik JDBC datu-base batera konektatzeko. Kontrolatzaile klasea datu-basearen fabrikatzaileak ematen du. JDBC datu-baseen bi adibide Oracle eta MySQL dira.
Kontrolagailu-klaseak LibreOffice aplikazioari gehitzeko, egin hemen: LibreOffice - HobespenakTresnak - Aukerak - LibreOffice - Aurreratua.
Oracle datu-basea
JDBC kontrolatzailea erabil dezakezu Solaris edo Linuxetik Oracle datu-basean sartzeko. Datu-base batean Windowsetik sartzeko, ODBC kontrolatzailea behar duzu.
UNIXen, ziurtatu Oracle datu-basearen bezeroak JDBC onartzen duela. Solaris Oracle bezeroaren 8.x bertsioarentzako JDBC kontrolatzaile klasea direktorio honetan dago: <Oracle client>/product/jdbc/lib/classes111.zip. Azken bertsioa ere deskargatu dezakezu Oracle-ren webgune honetatik:
Datu-iturburuaren URLa koadroan, sartu Oracle datu-basearen zerbitzariaren kokalekua. URLaren sintaxia datu-base motaren arabera dago. Informazio gehiago lortzeko, ikusi JDBC kontrolatzailearekin batera etorritako dokumentazioa.
Oracle datu-baseetan, URLaren sintaxia hau da:
oracle:thin:@hostname:port:database_name
-
hostname (ostalari-izena) Oracle datu-basea exekutatzen duen ordenagailuaren izena da. Ostalari-izena zerbitzariaren IP helbidearekin ere ordeztu dezakezu.
-
port Oracle datu-baseak entzuten duen ataka da. Galdetu datu-basearen administratzaileari zein den ataka-helbide zuzena.
-
database_name Oracle datu-basearen izena da. Galdetu datu-basearen administratzaileari zein den izen zuzena.
MySQL datu-basea
MySQL datu-basearen kontrolatzaile-artxiboa MySQL-ren web gunean dago erabilgarri.
MySQL datu-basearen sintaxia hau da:
mysql://hostname:port/database_name
-
hostname MySQL datu-basea exekutatzen duen ordenagailuaren izena da. Ostalari-izena IP helbidearekin ere ordeztu dezakezu.
-
port MySQL datu-basearen ataka lehenetsia da, adibidez, 3306.
-
database_name datu-basearen izena da.
Datu-iturburuaren URLa
Idatzi datu-basearen URLa. Adibidez, MySQL JDBC kontrolatzailearentzat, sartu "jdbc:mysql://<Servername>/<name of the database>". JDBC kontrolatzaileari buruz informazio gehiago lortzeko, kontsultatu kontrolatzailearen dokumentazioa.
JDBC kontrolatzaile klasea
Sartu JDBC kontrolatzailearen izena.
JDBC kontrolagailu bat erabili ahal izateko, bere klase-bidea gehitu behar duzu. Aukeratu LibreOffice - HobespenakTresnak - Aukerak - LibreOffice - Aurreratua, eta egin klik Klase-bidea botoian. Bide informazioa gehitu eta gero, berrabiarazi LibreOffice.
Probatu klasea
Konexioa uneko ezarpenekin probatzen du.