Hautatu datu-basea
Datu-base berria sortu, datu-basearen fitxategia ireki edo lehendik dagoen datu-basera konektatzen da.
Sortu datu-base berria
Datu-base berria sortzeko hautatu. Aukera honek HSQL datu-baseetako bilatzailea ezarpen lehenetsiekin erabiltzen du. Ondoren, morroiaren azken orrialdea agertuko da.
HSQL datu-baseei buruzko kanpoko webgunea.
Ireki lehendik dagoen datu-base bat
Datu-basearen fitxategia azkena erabilitako fitxategien zerrendatik edo fitxategiak hautatzeko elkarrizketa-koadrotik irekitzeko hautatu aukera hau.
Azkena erabilia
Hautatu datu-basearen fitxategi bat azken erabilitako fitxategien zerrendatik irekitzeko. Sakatu amaitu fitxategia berehala irekitzeko eta morroitik irteteko.
Ireki
Fitxategiak hautatzeko elkarrizketa-koadroa irekitzen du, eta hor datu-basearen fitxategi bat hauta dezakezu. Sakatu Ireki edo Ados elkarrizketa-koadroan fitxategia berehala ireki eta morroitik irteteko.
Lehendik dagoen datu-basera konektatzea
Hautatu aukera hau lehendik dagoen datu-basearen konexioarentzat datu-basearen dokumentua sortzeko.
Datu-basearen mota
Hautatu lehendik dagoen datu-basearen konexioarentzako datu-base mota.
Outlook, Evolution, KDE Address Book eta Mozilla datu-base motek ez dute informazio osagarririk behar. Beste datu-base mota batzuentzat, morroiak orrialde osagarriak ditu beharrezko informazioa zehazteko.
Morroiaren hurrengo orrialdea hauetako bat izango da:
Konfiguratu testu-fitxategiaren konexioa
Konfiguratu Microsoft Access edo Microsoft Access 2007 konexioa