Elkartzeko propietateak
Kontsulta-diseinuan estekatutako bi eremuren arteko lotura-marran klik bikoitza egiten baduzu, edo Txertatu – Erlazio berria aukeratzen baduzu, Elkartzeko propietateak elkarrizketa-koadroa agertuko da. Propietate horiek aurrerantzean sortutako kontsulta guztietan erabiliko dira.
Hartzen diren taulak
Elkartu nahi dituzun bi taulak zehazten ditu.
Hartzen diren eremuak
Erlazio baten bidez elkartuko diren bi datu-eremu zehazten ditu.
Aukerak
Mota
Hautatutako estekaren mota zehazten du. Datu-base batzuk mota posibleeb azpimultzo bat soilik onartzen dute.
Barnekoa
Barneko loturarekin, eduki bera duten estekatutako eremuen erregistroak bakarrik edukitzen ditu emaitzen taulak. LibreOffice SQLn, WHERE klausularen bidez sortzen da esteka mota hori.
Ezkerrekoa
Ezkerreko loturarekin, emaitzen taulak ezkerreko taulako eremu guztiak edukitzen ditu, eta eskuineko taulatik, eduki bera duten estekatutako eremuen edukia bakarrik hartzen du. LibreOffice SQLn, LEFT OUTER JOIN komandoari dagokio esteka mota hori.
Eskuinekoa
Eskuineko estekarekin, emaitzen taulak eskuineko taulako eremu guztiak edukitzen ditu, eta ezkerreko taulatik, eduki bera duten estekatutako eremuen edukia bakarrik hartzen du. LibreOffice SQLn, RIGHT OUTER JOIN komandoari dagokio esteka mota hori.
Osoa
Lotura osoa dagoenean, emaitzen taulak ezkerreko eta eskuineko tauletako eremu guztiak edukitzen ditu. LibreOffice SQLn, esteka mota hori FULL OUTER JOIN komandoari dagokio.
Naturala
NATURAL gako-hitza txertatzen du erlazioa definitzen duen SQL instrukzioan. Erlazioak bi tauletan zutabe-izen bera duten zutabe guztiak elkartzen ditu. Elkartutako taulak zutabe bakarra izango du izen bera duten zutabe-bikote bakoitzeko.