HTML esportazioa - 2. orrialdea
Argitalpen mota zehazten du.
Markoak sartu, titulua sortu edo aurkezpenaren oharrak bistaratu nahi dituzun zehatz daiteke.
Argitalpen mota
Aurreikusitako esportaziorako oinarrizko ezarpenak zehazten ditu.
HTML formatu estandarra
Esportazio-orrialdeetatik HTML orrialdeak sortzen ditu.
HTML estandarra markoekin
Markoak dituzten HTML orrialde estandarrak sortzen ditu. Esportatutako orrialdea marko nagusian jarriko da, eta ezkerreko markoan edukien taula bat agertuko da hiperesteka formarekin.
Sortu titulu-orrialdea
Zure dokumenturako titulu-orrialdea sortzen du.
Erakutsi oharrak
Zure oharrak ere bistaratu direla zehazten du.
Automatikoa
Lehenetsitako HTML aurkezpenak kiosko esportazio gisa sortzen ditu, diapositibak automatikoki aldatzen dira zehaztutako denbora igaro ondoren.
Dokumentuan adierazi bezala
Diapositiba-trantsizioa diapositiba bakoitzarentzat aurkezpenenean ezarri duzun denboraren arabera dago. Eskuzko orrialde-trantsizioa ezarri baduzu, HTML aurkezpenak orrialde berri bat erakutsiko du teklatuko edozein tekla sakatzean.
Automatikoa
Orrialde-trantsizioa automatikoki egingo da definitutako denbora igaro ondoren, eta ez ditu aurkezpenaren edukiak kontuan hartzen.
Diapositiba-ikuspegiaren iraupena
Diapositiben bistaratze-denbora definitzen du.
Amaigabea
HTML aurkezpena automatikoki berrabiarazten du azken diapositiba bistaratu ondoren.
WebCast
WebCast esportazio batean, Perl edo ASP laguntzadun script automatikoak sortuko dira. Hala, hizlariak (adibidez, hitzaldia telefonoz ematen ari dena Internet bidezko diapositiba-aurkezpen bat erabiliz) orrialdeak alda ditzake entzuleen web nabigatzailea erabiliz. WebCast atalean informazio gehiago dago.
Zerbitzariko orri aktiboak (ASP)
ASP aukera hautatzean, WebCast esportazioak ASP orrialdeak sortzen ditu. Kontuan izan HTML aurkezpen hori ASP onartzen duen web zerbitzari baten bidez bakarrik eman daitekeela.
Perl
WebCast-ek HTML orrialdeak eta Perl scriptak sortzen ditu.
Entzuleentzako URLa
Zehaztu aurkezpenaren erakusleak aurkezpena ikusteko Web arakatzailean sartu behar duen URLa (absolutua edo erlatiboa).
Aurkezpenerako URLa
Zein URLrekin (absolutua edo erlatiboa) sartu duzun sortutako HTML aurkezpena web zerbitzarian zehazten du.
Perl scriptentzako URLa
Sortutako Perl scriptentzako URLa (absolutua edo erlatiboa) zehazten du.
WebCast esportazioari buruzko informazio gehiago
Bi aukera daude LibreOffice Impresseko aurkezpenak WebCast teknologia erabiliz esportatzeko. Zerbitzariko orri aktiboak (ASP) eta Perl.
Edonola ere, WebCast-ek scripting gisa Perl edo ASP eskainiko duen HTTP zerbitzaria behar du. Beraz, esportazio-aukera, batez ere, erabiltzen den HTTP zerbitzariaren araberakoa izango da.
WebCast ASP-n
Esportatzen
-
LibreOffice Impress dokumentu bat ASP formatura esportatzeko, aukeratu Fitxategia - Esportatu. Horren ondoren, Esportatu elkarrizketa-koadroa ikusiko duzu; bertan, hautatu HTML dokumentua fitxategi motatzat. Direktorio bat hautatu eta fitxategi-izen bat sartu ondoren, sakatu Esportatu. ASP gisa esportatzeko, HTML fitxategirako izen "sekretu" bat hautatzea aholkatzen dugu (ikusi behean xehetasun gehiagorako). Ondoren, HTML esportazioa elkarrizketa-koadroa ikusiko duzu. Hainbat fitxategi idatziko dira hautatu berri duzun direktorioan.
-
Sartutako fitxategi-izena erabiliko du aurkezleak, entzuleek ikusten dituzten orrialdeak aldatzeko. WebCast fitxategiak lokalean gorde daitezke edo HTTP zerbitzari batean zuzenean gorde daitezke. Ondoren, lokalean gordetako fitxategiak HTTP zerbitzari batera transferitu daitezke FTP bidez. Kontuan izan WebCast erabiltzeko fitxategiak HTTP zerbitzariaren bidez eskatu behar direla.
Ez erabili direktorio berdina bi HTML esportaziotarako.
-
Hautatu WebCast argitalpen mota gisa, HTML esportazioa morroiaren bigarren orrialdean.
-
WebCast-en aukera-arean, hautatu Active Server Pages (ASP) aukera. Beste ezarpen batzuk definitzen jarrai dezakezu edo esportazioa has dezakezuSortu botoian klik eginez.
ASP WebCast-en erabilera
WebCast erabil dezakezu esportatutako fitxategietara HTTP zerbitzari baten bidez sar zaitezkeen unetik aurrera.
Adibidea:
Demagun Microsoft Internet Information zerbitzaria instalatu duzula ordenagailuan. "c:\Inet\wwwroot\presentation" direktorioa sartu duzu HTML irteera-direktorio gisa IIS instalatzean. Zure ordenagailuko URLa honakoa da: "http://myserver.com".
-
Esportazio-prozesuan sortu diren fitxategiak c:\Inet\wwwroot\presentation\ direktorioan gorde dituzu. Direktorio horretan, esportazioak HTML fitxategi bat sortzen du, eta, adibidez, "sekretua.htm" izena jar diezaiokezu. Izen hori 'Gorde' elkarrizketa-koadroan sartu duzu lehenago (ikusi gorago). Aurkezleak orain HTML esportazio-fitxategiak araka ditzake http://myserver.com/presentation/secret.htm URLa sartuz JavaScript onartzen duen edozein HTTP nabigatzailetan. Aurkezleak orain orrialdea alda dezake inprimaki-kontrol batzuk erabiliz.
Entzuleek ikus dezakete aurkezleak hautatu duen diapositiba http://myserver.com/presentation/webcast.asp URLaren bidez. Ezin dira mugitu URL honetan dauden beste diapositiba batzuetara, fitxategi-izenak ezagutzen ez badira. Egiaztatu HTTP zerbitzariak ez duela direktorio-zerrenda erakusten.
WebCast Perl-en bidez
Esportatzen
-
Esportatzeko, aukeratu, LibreOffice Impress dokumentu batean, Fitxategia - Esportatu. Esportatu elkarrizketa-koadroa ikusiko duzu eta han HTML dokumentua hauta dezakezu fitxategi mota gisa. Karpeta bat hautatu eta fitxategi-izen bat sartu ondoren, egin klik Gordekomandoan. HTML esportazio-morroiairekiko da. Horrek hainbat fitxategi idatziko ditu hautatu berri duzun karpetan.
-
Aurkezleak, diapositibak aldatzeko, sartutako fitxategi-izena erabiliko du. Hautatu direktorio huts bat.
-
HTML esportazioaren bigarren orrialdean, hautatu WebCast argitalpen mota gisa.
-
WebCast-erako aukera-eremuan, hautatu Perl.
-
Entzuleentzako URLa testu-eremuan, sartu entzuleek erabiliko duten HTML dokumentuaren fitxategi-izena. Aurkezpenerako URLan, sartu aurkezpenerako erabiliko den direktorioaren URLa eta, Perl script-entzako URLan , sartu CGI script direktorioaren URLa. Orain, ezarpen gehiago defini ditzakezu morroiaren hurrengo orrialdeetan, edo esportazio-prozesua abiaraz dezakezu Sortu botoian klik eginez.
Perl WebCast-en erabilera
Esportazio-prozesuan sortutako fitxategiak orain Perl onartzen duen HTTP zerbitzarian ezarri behar dira. Hori ezin da automatikoki egin, Perl onartzen duten HTTP zerbitzariak mota askotakoak direlako. Ondoren azalduko dira jarraitu beharreko urratsak. Jo zerbitzariaren gidara edo sareko administratzailearengana urrats horiek zure zerbitzarian nola aplikatu jakiteko.
-
Lehenbizi esportazioan sortutako fitxategiak HTTP zerbitzarian dagokien direktoriora eraman behar dituzu.
-
Eraman htm, jpg eta gif luzapeneko fitxategi guztiak zure HTTP zerbitzariko direktoriora; hain zuzen, aurkezpenerako URLa testu-koadroan aipatu den direktoriora.
-
pl eta txt luzapeneko fitxategi guztiak HTTP zerbitzariko direktoriora eraman behar dira; zehazki, Perl scriptentzako URLa testu-koadroan aipatzen den direktoriora. Direktorio hori HTTP eskaera bat egitean hango Perl scriptak ere exekutatuko dituen moduan konfiguratu behar da.
-
Unix sistematan, pl luzapeneko fitxategiei HTTP zerbitzariak exekutatzeko baimena ematen die. Hori, gehienetan, 'chmod' komandoaren bidez egiten da. "currpic.txt" fitxategiaren eskubideak konfiguratu egin behar dira HTTP zerbitzaria fitxategi horretan idazteko gai izan dadin.
Orain WebCast erabiltzeko moduan egon beharko zenuke.
Adibidea:
Adibide honetan, HTTP zerbitzaria duen Linux ordenagailu bat duzu. Zure HTTP zerbitzariaren URLa http://myserver.com da eta zure HTML dokumentuaren irteera-direktorioa //user/local/http/ direktorioa da. Zure Perl scriptak //user/local/http/cgi-bin/ direktorioan daude. Idatzi secret.htm esportazio-fitxategiaren izen gisa eta presentation.htm entzuleentzako URL gisa. Aurkezpenerako URLa testu-koadroan, idatzi http://myserver.com/presentation/ eta Perl script-entzako URLan, idatzi http://myserver.com/cgi-bin/.
-
Orain, kopiatu *.htm, *.jpg eta *.gif fitxategi guztiak esportazio-prozesuan zehaztutako direktorioetatik zure HTTP zerbitzariko //user/local/http/presentation/ direktoriora, eta kopiatu *.pl eta *.txt luzapeneko fitxategi guztiak //user/local/http/cgi-bin/ direktoriora.
-
Hasi saioa zure zerbitzarian 'root' gisa, eta aldatu //user/local/http/cgi-bin/ direktoriora. 'chmod' komandoa erabiliz defini ditzakezu eskubideak.
Perl fitxategiak instalatzen amaitzean, aurkezlea aurkezpena ematen hasi ahalko da. Entzuleek aurkezpena honako URLan ikusi ahal izango dute: http://myserver.com/presentation/presentation.htm.