Kontrolaren propietateak
Hautatutako kontrol baten propietateak editatzeko elkarrizketa-koadroa irekitzen du.
Propietateen elkarrizketa-koadroan datuak sartzen badituzu, kontuan izan hainbat lerrotako sarrerak erabil daitezkeela goitik behera irekitzen diren konbinazio-koadro batzuetan. SQL instrukzioak sar daitezkeen eremuei dagokie, baita testu-koadroen propietateei edo etiketa-eremuei ere. Eremu hauek ireki daitezke eta irekitako zerrendan testua sar daiteke. Ondorengo laster-teklak erabiltzen dira:
Teklak |
Efektuak |
⌥Alt+beherako gezia |
Konbinazio-koadroa irekitzen du |
⌥Alt+gorako gezia |
Konbinazio-koadroa ixten du |
Shift+Enter |
Lerro berria txertatzen du. |
Gorako gezia |
Kurtsorea aurreko lerroan kokatzen du. |
Beherako gezia |
Kurtsorea hurrengo lerroan kokatzen du. |
Sartu |
Eremuko sarrera osatu eta kurtsorea hurrengo eremuan kokatzen du. |
Zerrenda- edo konbinazio-koadroetan bezalaxe, eskuinaldeko eremuaren amaierako gezian klik eginez ireki edo itxi dezakezu zerrenda. Dena den, bai zerrenda irekian eta bai goiko testu-eremuan sar daitezke datuak. Zerrenda-aurkezpena erabiltzen duten propietateak salbuespen dira, adibidez:Zerrenda-sarrerak propietatea, Zerrenda-koadroa eta kontrol-eremuentzat ezartzen den Konbinazio-koadroa. Eremua irekita dagoenean bakarrik edita daitezke sarrerak hemen.