Inprimaki-kontrolak
'Inprimakiko kontrolak' tresna-barrak inprimaki interaktiboak sortzeko behar diren tresnak ditu. Tresna-barra hori erabil daiteke inprimaki bati kontrolak gehitzeko, bai testu-dokumentu batean zein kalkulu-orri batean, aurkezpen batean edo HTML dokumentu batean. Esaterako, makro bat exekutatzen duen botoi bat sortu daiteke.
XML inprimaki-dokumentuek (XForms) kontrol berdinak erabiltzen dituzte.
Inprimaki bat sortzeko, ireki dokumentu bat eta inprimaki-kontrolak gehitzeko eta definitzeko erabili inprimaki-kontrolak tresna-barra. Inprimakia datu-basearekin ere esteka daiteke. Horrela, datu-basea manipulatzeko kontrolak erabil daitezke.
HTML dokumentu batean inprimaki bat sortzen duzunean, Interneten bidez datuak bidaltzeko erabil dezakezu.
LibreOffice aplikazioak esportaziorako erabiliko duzun HTML bertsioak onartzen dituen inprimaki-propietateak soilik esportatuko ditu. HTML bertsioa zehazteko, aukeratu LibreOffice - HobespenakTresnak - Aukerak - Kargatu/gorde - HTML bateragarritasuna.
Dokumentu batean kontrol bat gehitzeko
-
Inprimaki-kontrolak tresna-barran, gehitu nahi duzun kontrolaren ikonoan egin klik.
-
Kontrola sortzeko arrastatu dokumentuan.
Kontrol-eremu karratua sortzeko, eduki sakatuta Maius tekla arrastatzen duzun bitartean.
Taula edo kontsulta bateko eremu-zerrendako eremu bat inprimaki bati gehitzeko, arrastatu gelaxka inprimakira. Testu-dokumentu batean, zutabe-goiburuko bat ere arrastatu dezakezu inprimakiari eremua gehitzeko. Eremurako etiketa bat sartzeko, eutsi sakatuta ⌘Ctrl+Shift teklak zutabe-goiburukoa arrastatzen ari zaren bitartean.
Kontrol bat aldatzea
-
Saguaren eskuineko botoiaz egin klik kontrolaren gainean eta aukeratu Kontrola. Elkarrizketa-koadro bat irekiko da eta kontrolaren propietateak definitu ahal izango dituzu.
-
Kontrol baten tekla bizkortzailea zehazteko, tilet bat (~) gehitu karakterearen aurrean, kontrolaren etiketan.
-
Kontrolak dokumentu batetik bestera arrastatu eta jaregin ditzakezu. Kontrolak kopiatu eta itsats ditzakezu dokumentuen artean. Beste dokumentu bateko kontrol bat txertatzen denean, LibreOffice(e)k aztertzen ditu: datu-iturburuak, eduki mota, eta kontrolaren propietate-edukia. Beraz, kontrolak egitura-logikoa doitzen du helburuko dokumentuan. Adibidez, helbide-liburu batetik edukia bistaratzen duen kontrolak eduki berdina bistaratzen jarraituko du beste dokumentu batean kopiatu ondoren. Inprimaki-propietateen elkarrizketa-koadroanDatuak fitxa-orrian ikus ditzakezu propietate hauek.
Hautatu
Ikono honek saguaren erakuslea hautatze moduan jartzen du, edo modu hori desaktibatzen du. Uneko inprimakiko kontrolak hautatzeko erabiltzen da hautatze modu hau.
Kontrol-laukia
Kontrol-laukia sortzen du. Inprimakietan funtzio bat aktibatu edo desaktibatzeko aukera emango dizu kontrol-laukiak.
Testu-koadroa
Testu-koadro bat sortzen du. Testu-koadroak erabiltzaileak testuak sartzeko eremuak dira. Inprimakietan, testu-koadroek datuak bistaratzen dituzte edo datu berriak sartzeko aukera eskaintzen dute.
Eremu formatuduna
Eremu formatuduna sortzen du. Eremu formatuduna da: sarrerak eta irteerak nola formateatuko diren eta zein balio murriztaile aplikatuko diren definitzeko aukera ematen duen testu-koadroa.
Kontrol-propietate bereziak izaten dituzte eremu formatudunek (hautatu Formatua - Kontrola).
Sakatzeko botoia
Sakatzeko botoia sortzen du. Funtzio hau zehaztutako gertaera bati, adibidez sagu-klikari, dagokion komandoa exekutatzeko erabil daiteke.
Posible da testua eta grafikoak aplikatzea botoi hauei.
Aukera-botoia
Aukera-botoia sortzen du. Aukera-botoiaren bidez, erabiltzaileak hainbat aukeraren artean bat aukera dezake. Funtzionalitate bereko aukera-botoiei izen bera ematen zaie (Izenapropietatea). Normaleantalde-laukia esleitzen zaie.
Zerrenda-koadroa
Zerrenda-koadro bat sortzen du. Erabiltzaileak zerrenda bateko sarrera bat hauta dezake zerrenda-koadro baten bidez. Inprimakia datu-base bati estekatua badago eta datu-basearekiko konexioa aktibo badagoZerrenda-koadroen morroia automatikoki agertuko da, dokumentuan zerrenda-koadroa txertatu ondoren. Zerrenda-koadroa sortzen lagunduko dizu morroi honek.
Konbinazio-koadroa
Konbinazio-koadroa sortzen du. Goitik behera jaisten den zerrenda duen lerro bakarreko zerrenda-koadroa da konbinazio-koadroa, eta erabiltzaileak aukera bat hautatu behar du bertan. Erabiltzaileak beste sarrerarik ez sartzeko zerrendan, "irakurtzeko soilik" propietatea eslei dakioke konbinazio-koadroari. Inprimakia datu-base bati lotua badago eta datu-basearekiko konexioa aktibo badago Konbinazio-koadroen morroia automatikoki agertuko da, dokumentuan konbinazio-koadroa sartu ondoren.
Etiketa-eremua
Testua bistaratzeko eremua sortzen du. Aurrez definitutako testua bistaratzeko soilik erabiltzen dira etiketa hauek. Eremu hauetan ezin da sarrerarik egin.
Kontrol gehiago
Kontrol gehiago tresna-barra irekitzen du.
Inprimaki-diseinua
Inprimaki-diseinua tresna-barra irekitzen du.
Morroiak aktibatu/desaktibatu
Kontroletako morroien inprimaki automatikoak aktibatzen eta desaktibatzen ditu.
Testu-koadro, taula-kontrol eta beste kontrolen propietateak sar daitezke morroi hauen bidez.
Laster-menuko komandoak
Biratze-botoia
Biratze-botoia sortzen du.
Calc-eko kalkulu-orrian biratze-botoi bat gehitzen bada, datuak fitxa-orria erabil daiteke bi norantz dituen esteka sortzeko, biratze-botoia eta gelaxka baten artean. Emaitza gisa, gelaxka bateko edukia aldatzen denean, biratze-botoiko edukia eguneratu egingo da. Alderantziz ere egin daiteke. Biratze-botoiaren balioa aldatzen bada, gelaxkaren edukia eguneratu egingo da.
Korritze-barra
Korritze-barra sortzen du.
Korritze-barrarako propietate hauek zehatz ditzakezu:
|
Erabiltzaile-interfazearen izena |
Semantika |
|
Gut. korritze-balioa |
Korritze-barraren gutxieneko altuera edo gutxieneko zabalera zehazten du. |
|
Geh. korritze-balioa |
Korritze-barraren gehieneko altuera edo gehieneko zabalera zehazten du. |
|
Korritze-balio lehenetsia |
Korritze-barra baten balio lehenetsia zehazten du. Inprimakia berrezartzen denean erabiltzen da. |
|
Orientazioa |
Korritze-barra baten orientazioa zehazten du, hau da, horizontala edo bertikala. |
|
Aldaketa txikia |
Korritze-barra batean korritu daitekeen gutxieneko lerro kopurua zehazten du, adibidez, gezi batean klik eginez. |
|
Aldaketa handia |
Korritze-barran urrats handia zenbatekoa den zehazten du, adibidez, klik egiten duzunean korritze-barrako kurtsorearen eta korritze-barrako geziaren artean. |
|
Atzerapena |
Korritze-barrako gertaera-exekuzioen atzerapena segundo-milarenetan zehazten du. Adibidez, korritze-barrako gezi-botoi batean klik egin eta saguaren botoi bat sakatzen duzunean gertatzen den atzerapena da. |
|
Ikur-kolorea |
Korritze-barrako gezien kolorea zehazten du. |
|
Tamaina ikusgaia |
"balio-unitate"etan korritze-barrako kurtsorearen tamaina zehazten du. Adibidez, ("Geh. korritze-balioa"ren balioa ken "Gut. korritze-balioa") / 2 emaitza da: korritze-barraren erdia hartzen duen korritze-barraren kurtsorea. Korritze-barraren zabalera eta korritze-barraren altuera berdinak izateko, tamaina ikusgaia zeron ezarri. |
Calc-eko kalkulu-orri batean, korritze-barraren eta gelaxkaren artean bi noranzko dituen esteka sortzeko datuak fitxa-orrialdea erabil daiteke.
Irudi-botoia
Irudi gisa bistaratzen den botoia sortzen du. Irudikapen grafikoaz gain, botoi "normal"aren propietate berak izaten dituzte irudi-botoiek.
Irudi-kontrola
Irudi-kontrol bat sortzen du. Datu-base bateko irudiak gehitzeko erabil daiteke soilik. Inprimaki-dokumentuan, irudia txertatzeko ireki Txertatu grafikoa elkarrizketa-koadroa kontrol horietakoren batean klik bikoitza eginez. Irudiak txertatzeko eta ezabatzeko komandoak dituen laster-menu bat ere badago (diseinu moduan ez).
Datu-baseetako irudiak inprimakietan bistara daitezke eta datu-basean irudi berriak txerta daitezke (baldin eta irudi-kontrolaren idazketaren kontra babestuta ez badago). Datu-baseko irudi motako eremu bati egin behar dio erreferentzia kontrolak. Beraz, sartu datu-eremua Datuak fitxako propietateen leihoan.
Data-eremua
Data-eremua sortzen du. Inprimakia datu-base bati estekatua badago, datu-basetik har daitezke data-balioak.
"Goitibehera" propietatea esleitzen badiozu data-eremuari, data-eremuan data bat hautatzeko erabiltzaileak egutegi bat ireki ahal izango du. Tauletako kontrol-eremuen barneko data-eremuetan ere aplikatzen da hori.
Data-eremuak oso erraz edita daitezke gorako geziaren eta beherako geziaren teklen bidez. Kurtsorearen kokalekuaren arabera, eguna, hilabetea edo urtea aurreratu edo atzera daitezke gezi-teklak erabiliz.
Data-eremuen berariazko oharrak.
Ordu-eremua
Ordu-eremua sortzen du. Inprimakia datu-base bati estekatua badago, datu-basetik har daitezke inprimakirako ordu-balioak.
Ordu-eremuak oso erraz edita daitezke gorako eta beherako gezien bidez. Kurtsorearen kokalekuaren arabera, orduak, minutuak edo segundoak gehitu edo murriztu egingo dira gezi-teklak erabiliz.
Fitxategi-hautapena
Hautapen-fitxategia egiteko botoia sortzen du.
Zenbakizko eremua
Zenbakizko eremua sortzen du. Inprimakia datu-base bati estekatua badago, datu-basetik har daitezke inprimakirako zenbakizko balioak.
Moneta-eremua
Moneta-eremua sortzen du. Inprimakia datu-base bati estekatua badago, datu-basetik har daitezke inprimakiaren moneta-eremuko balioak.
Eremu maskaratua
Eremu maskaratua sortzen du. Eremu maskaratuek sarrera maskara bat eta karaktere-maskara bat izaten dute. Zein datu sar daitezkeen zehazten du sarrera-maskarak. Karaktere-maskarak, berriz, eremu maskaratuaren edukia zehazten du inprimakia kargatzean.
Kontuan izan eremu maskaratuak ez direla esportatu HTML formatuan.
Talde-markoa
Kontrol-multzo bat elkartuta ikusteko markoa sortzen du. Talde-markoen bidez aukera-botoiak elkar daitezke marko batean.
Dokumentuan talde-marko bat txertatzen baduzu Taldeko elementuen morroia abiaraziko da eta oso erraz sortu ahal izango dituzu aukera taldeak.
Oharra: Talde-marko bat arrastatzen baduzu lehendik dauden kontrolen gainetik eta ondoren kontrol bat hautatu nahi baduzu, lehenengo talde-markoaren laster-menua ireki behar duzu eta Antolatu - Eraman atzera aukeratu behar duzu. Ondoren, hautatu kontrola ⌘Ctrl sakatzen duzun bitartean.
Talde-markoak efektu bisualerako erabiltzen dira soilik. Aukera-eremuen elkartze funtzionala izen-definizioaren bidez egin daiteke: Aukera-eremu guztiak elkartzeko, aukera-eremu guztienIzena propietatean, idatzi izen bera.
Taula-kontrola
Datu-base taula bat bistaratzeko taula-kontrol bat sortzen du. Taula-kontrol berri bat sortzen baduzu, Taula-elementuen morroia agertuko da.
Informazio berezia taula-kontrolei buruz.
Nabigazio-barra
Nabigazio-barra bat sortzen du.
Nabigazio-barraren bidez, datu-base bateko erregistroak edo datu-baseko inprimaki bat lekuz alda daiteke. Nabigazio-barra honetako kontrolak eta nabigazio-barralehenetsiko kontrolak berdinak dira LibreOffice(e)n.
Kontrolaren foku automatikoa
Kontrolaren foku automatikoa aktibatuta badago, lehen inprimaki-kontrola hautatuta agertuko da dokumentua irekitzen duzunean. Botoia aktibatu gabe badago,dokumentua irekitzean testua hautatuko da. Zehatu duzunAktibazio-ordenak lehenengo inprimaki-kontrola zein den definitzen du.