Esportatu PDF gisa

Uneko fitxategia Portable Document Format formatuan (PDF), 1.4 bertsioan, gordetzen du. PDF bat edozein plataformatan ikusi eta inprima daiteke jatorrizko formatuan, baldin eta dagokion softwarea instalatuta badago.

Komando hau erabiltzeko...

Aukeratu Fitxategia - Esportatu honela - Esportatu PDF gisa.

Icon

Esportatu zuzenean PDF gisa


Orokorra

Barrutia

PDF fitxategian dauden orrialdeen esportatzeko aukerak ezartzen ditu.

Denak

Definitutako inprimatze-area guztiak esportatzen ditu. Ez badago inprimatze-arearik definituta, dokumentu osoa esportatzen du.

Orrialdeak

Koadroan adierazten dituzun orrialdeak esportatzen ditu.

Orrialde-bitarte bat esportatzeko, erabili 3-6 formatua. Banakako orrialdeak esportatzeko, erabili 7;9;11 formatua. Nahi izanez gero, orrialde-bitarteak eta banakako orrialdeak konbinatuz esporta daitezke, 3-6;8;10;12 formatua erabiliz.

Hautapena

Uneko hautapena esportatzen du.

Irudiak

Dokumentuko irudien PDF esportatzeko aukerak ezartzen ditu.

Ohar-ikonoa

Kapsulatutako aurrebistak dituzten EPS irudiak aurrebista gisa esportatzen dira soilik. Kapsulatutako aurrebistak ez dituzten EPS irudiak leku-marka huts gisa esportatzen dira.


Galerarik gabeko konpresioa

Irudien galera gabeko konpresioa hautatzen du. Pixel guztiak gordetzen dira.

JPEG konpresioa

Irudien JPEG konpresioa hautatzen du. Kalitate-maila handia badute, ia pixel guztiak gordetzen dira. Kalitate-maila txikia badute, pixel batzuk galdu egiten dira eta artefaktuak txertatzen dira, baina fitxategiaren tamaina txikitu egiten da.

Kalitatea

Sartu JPEG konpresio-mailaren kalitatea.

Murriztu irudi-bereizmena

Irudien lagin berriak egiteko edo tamaina txikitzeko modua hazbeteko pixel kopuru txikiagoan ezartzen du.

Hautatu irudien helburuko bereizmena.

Orokorra

PDF esportatzeko aukera orokorrak ezartzen ditu.

PDF hibridoa (kapsulatutako ODF fitxategia)

Ezarpen honi esker, dokumentua bi fitxategi-formatu (PDF eta ODF) dituen .pdf fitxategi modura esportatu dezakezu. PDF ikustaileetan .pdf fitxategi arrunten moduan ikusten da, eta aldi berean, LibreOffice aplikazioan editatzeko moduan gordetzen da.

PDF/A-1a fitxategia (ISO 19005-1)

PDF/A-1a formatura bihurtzen du. Formatu hori denbora askoan irauten duen dokumentu elektronikoen fitxategi-formatu bat da. Iturburuko dokumentuan erabilitako letra-tipo guztiak sortutako PDF fitxategian kapsulatuko dira. PDF etiketak idatziko dira.

Etiketadun PDFa (gehitu dokumentuaren egitura)

Etiketa bereziak dagozkien PDF etiketetara esportatzen ditu. Honek fitxategiaren tamaina asko handi dezake.

PDF etiketadunak dokumentu-edukiaren egiturari buruzko informazioa dauka. Hori lagungarria izan daiteke pantaila desberdinak dituzten gailuetan dokumentua bistaratzeko, bai eta pantaila irakurtzeko softwarea erabiltzean ere.

Esportatu laster-markak

Hautatu, Writer dokumentuko laster-markak PDF laster-marka gisa esportatzeko. Laster-markak eskemako paragrafo guztietarako sortzen dira (Tresnak – Kapitulu-numerazioa) eta aurkibideko sarrera guztietarako, horiei hiperestekak esleitu badizkiezu iturburu-dokumentuan.

Editatu iruzkina

Writer eta Calc-eko dokumentuetako iruzkinak PDF ohar gisa esportatzea hautatzen du.

Writer dokumentuetako iruzkinak LibreOffice aplikazioan erakusten diren moduan esportatzeko, aukeratu - LibreOffice Writer - Inprimatu eta hautatu Marjinetan aukera Iruzkinak arean. Esportatutako orrialdeen eskala txikiagotu eta iruzkinak marjinetan kokatuko dira.

Sortu PDF inprimakia

Aukeratu PDF inprimaki bat sortzea. PDF dokumentuaren erabiltzaileak bete eta inprimatu egin dezake.

Bidali formatua

Hautatu bidalitako inprimakien formatua PDF fitxategian.

Hautatu bidaltzailearengandik jasoko dituzun datuen formatua: FDF (Forms Data Format), PDF, HTML edo XML.

Dokumentuan ezarritako kontrolaren URL propietatea gainidazten dute ezarpen hauek.

Baimendu eremuen izenak bikoiztea

Eremuaren izen berdina hainbat eremuentzako erabiltzea baimentzen dizu sortutako PDF fitxategian. Desgaituta balego, eremuen izenak esportatzean izen esklusiboak erabiliz sortuko dira.

Esportatu automatikoki txertatutako orri zuriak

Aktibatuta badago, txertatutako orrialde zuriak automatikoki inprimatuko dira. Aukera hau onena da bi aldetatik inprimatzeko. Adibidea: liburu bateko "kapitulu" baten paragrafo-estiloa beti zenbaki bakoitiekin hasteko ezartzen da. Aurreko kapitulua orrialde bakoiti batez amaitzen da. LibreOffice(e)k zenbaki bikoitia duen orrialde zuri bat txertatzen du. Aukera honek orrialde bikoitia inprimatu behar den edo ez kontrolatzen du.

Erabili erreferentziako XObjects objektuak

Aukera honek PDF irudiak berriro PDFra nola esportatuko diren moldatzen du. Aukera hau desgaituta dagoenean, PDF datuen lehen orrialdea irteeran sartzen da. PDF esportazioak erabilitako irudiak, letra-tipoak eta beste zenbait baliabide fusionatzen ditu esportazioan. Eragiketa konplexua da, baina emaitza hainbat ikustailetan bistaratu daiteke. Aukera gaituta dagoenean, erreferentziako XObject marka erabiltzen da: eragiketa sinplea da, baina ikustaileek marka mota hori onartu behar dute irudi bektorialak erakutsi ahal izateko. Bestela, bitmap alternatibo bat erakutsiko da ikustailean.

Hasierako ikuspegia

Panelak

Orria soilik

Hautatu PDF fitxategi bat sortzeko. Orriaren edukia bakarrik erakutsiko du.

Laster-markak eta orria

Hautatu PDF fitxategi bat sortzeko. Laster-marken paleta eta orri-edukia erakutsiko ditu.

Koadro txikiak eta orria

Hautatu PDF fitxategi bat sortzeko. Koadro txikien paleta eta orri-edukia erakutsiko ditu.

Ireki orrialde honetan:

Hautatu zehaztutako orrialdea erakusteko irakurleak PDF fitxategia irekitzen duenean.

Handitzea

Lehenetsia

Hautatu PDF fitxategi bat sortzeko. Orri-edukia zoomik gabe erakutsiko du. Irakurtzeko softwarea lehenespenez zoom-faktore bat erabiltzeko konfiguratuta badago, orria zoom faktore horrekin bistaratuko da.

Doitu orria leihoan

Hautatu PDF fitxategi bat sortzeko. Orria irakurlearen leihoan erabat sartzeko moduko zoomarekin erakutsiko du.

Doitu zabalera

Hautatu PDF fitxategi bat sortzeko. Orria irakurlearen leihoaren zabaleran sartzeko moduko zoomarekin erakutsiko du.

Doitu ikusgai

Hautatu PDF fitxategi bat sortzeko. Orriko testua eta grafikoak irakurlearen leihoaren zabaleran sartzeko moduko zoomarekin erakutsiko ditu.

Zoom-faktorea

Hautatu zoom-faktore bat irakurleak PDF fitxategia irekitzen duenean.

Orri-diseinua

Lehenetsia

Hautatu PDF fitxategi bat sortzeko. Irakurtzeko softwarearen diseinu-konfigurazioaren arabera bistaratuko ditu orriak.

Orri bakarra

Hautatu PDF fitxategi bat sortzeko. Aldiko orri bakar bat bistaratuko du.

Jarraitua

Hautatu PDF fitxategi bat sortzeko. Zutabe bertikal jarraitu batean erakutsiko ditu orriak.

Aurrez aurreko orriak jarraian

Hautatu PDF fitxategi bat sortzeko. Orriak aurrez aurre erakutsiko dira zutabe jarraitu batean. Bi orri baino gehiago edukiz gero, lehen orria eskuinean bistaratuko da.

Lehen orria ezkerrean

Hautatu orrialdeak alboz albo zutabe batean erakusten dituen PDF fitxategi bat sortzeko. Bi orrialde baino gehiagorentzako, aurreneko orrialdea ezkerrean bistaratuko da. Testu-diseinu konplexuaren euskarria gaitu behar duzu Aukerak elkarrizketa-koadroko Hizkuntza-ezarpenak - Hizkuntza atalean.

Erabiltzaile-interfazea

Leiho-aukerak

Ezarri leihoari hasierako orriaren tamaina

Hautatu hasierako orri osoa bistaratzen duen leiho batean erakutsiko den PDF fitxategi bat sortzea.

Zentratu leihoa pantailan

Hautatu PDF fitxategi bat sortzeko. Pantailan zentratutako leiho batean bistaratuko da.

Ireki pantaila osoko moduan

Hautatu PDF fitxategi bat sortzeko. Pantaila osoko moduan ikusiko da, beste leiho guztien aurrean.

Bistaratu dokumentuaren titulua

Hautatu PDF fitxategi bat sortzeko. Dokumentuaren titulua agertuko da titulu-barran.

Erabiltzaile-interfazearen aukerak

Ezkutatu menu-barra

Hautatu irakurlearen menu-barra ezkutatzeko dokumentua aktibo dagoenean.

Ezkutatu tresna-barra

Hautatu irakurlearen menu-barra ezkutatzeko dokumentua aktibo dagoenean.

Ezkutatu leiho-kontrolak

Hautatu irakurlearen kontrolak ezkutatzeko dokumentua aktibo dagoenean.

Trantsizioak

Erabili trantsizio-efektuak

Impresseko diapositiben transizioen efektuak dagokien PDFko efektuetara esportatzea hautatzen du.

Laster-markak

Laster-marken maila guztiak

Hautatu laster-marken maila guztiak erakusteko irakurleak PDF fitxategia irakurtzen duenean.

Laster-marken maila ikusgaiak

Hautatu hautatutako mailaraino jaisten diren laster-markak erakusteko irakurleak PDF fitxategia irakurtzen duenean.

Estekak

Zehaztu zure dokumentuko laster-markak eta hiperestekak nola esportatuko diren.

Esportatu laster-markak izendatutako helburuen gisa

PDF fitxategietako laster-markak (erreferentzien helburuak) area angeluzuzen gisa defini daitezke. Horrez gain, objektu izendunetarako laster-markak haien izenen bidez defini daitezke. Gaitu kontrol-laukia zure dokumentuko objektuen izenak baliozko laster-marken helburu gisa esportatzeko. Horrela, beste dokumentu batzuetatik izenaren bidez estekatu ahal izango da objektu horietara.

Bihurtu dokumentuaren erreferentziak PDFko helburu

Gaitu kontrol-lauki hau beste ODF fitxategi batzuei erreferentzia egiten dieten URLak izen bereko PDF fitxategi bihurtzeko. URL erreferentziagileetan, .odt, .odp, .ods, .odg, eta .odm luzapenak .pdf luzapen bihurtzen dira.

Esportatu fitxategi-sistemarekiko URL erlatiboak

Gaitu kontrol-lauki hau URLak beste dokumentuetara fitxategi-sistemako URL erlatibo gisa esportatzeko. Ikus laguntzako "hiperesteka erlatiboak".

Dokumentu gurutzatuen estekak

Zehaztu PDF fitxategiko beste fitxategietarako hiperestekak nola kudeatu behar diren.

Modu lehenetsia

Sistema eragileak zehazten du PDF dokumentuko beste dokumentuetarako estekak nola kudeatzen diren.

Ireki PDF irakurle aplikazioarekin

Dokumentu arteko estekak une horretan dokumentua erakusten ari den PDF irakurlearen aplikazioarekin irekitzen dira. PDF irakurlearen aplikazioak hiperestekaren barruan zehaztutako fitxategi mota kudeatzeko gai izan behar du.

Ireki web arakatzailearekin

Dokumentu arteko estekak Interneteko arakatzailearekin irekitzen dira. Interneteko arakatzaileak hiperestekaren barruan zehaztutako fitxategi mota kudeatzeko gai izan behar du.

Segurtasuna

Gorde pasahitza

Egin klik pasahitza sartzeko elkarrizketa-koadroa irekitzeko.

Pasahitz bat ezar daiteke PDFa nork ikusten duen kontrolatzeko. Aukerako pasahitz bat sartu dezakezu, PDFa ikusten ari den pertsonak hura editatu eta/edo inprimatu ahal dezan.

Inprimatzea

Ez da onartzen

Ez da onartzen dokumentua inprimatzea.

Bereizmen txikia (150 dpi)

Bereizmen txikiarekin (150 dpi) bakarrik inprima daiteke dokumentua. Ezarpen hau ez dute betetzen PDF irakurle guztiek.

Bereizmen handia

Dokumentua bereizmen handiarekin inprima daiteke.

Aldaketak

Ez da onartzen

Ez da onartzen eduki-aldaketarik.

Orrialdeak txertatzea, ezabatzea eta biratzea

Orrialdeak txertatzea, ezabatzea eta biratzea bakarrik onartzen da.

Inprimaki-eremuak betetzea

Inprimaki-eremuak betetzea bakarrik onartzen da.

Iruzkinak, inprimaki-eremuak betetzea

Iruzkinak gehitzea eta inprimaki-eremuak betetzea bakarrik onartzen da.

Edozein, orrialdeak ateratzea izan ezik

Aldaketa guztiak onartzen dira, orrialdeak ateratzea izan ezik.

Gaitu edukia kopiatzea

Hautatu arbelean edukia kopiatzea gaitzeko.

Gaitu testu-atzipena erabilerraztasun-tresnentzat

Hautatu testu-atzipena gaitzeko erabilerraztasun-tresnentzat.

Sinadura digitalak

Fitxa honek, sinadura digitala izango duen PDF baten esportazioari lotutako aukerak ditu.

Sinadura digitalak PDFa jatorrizko egileak (alegia, zuk) sortu zuela ziurtatzeko erabiltzen dira, eta sinatu ondoren dokumentua ez dela aldatu ziurtatzeko.

Sinatutako PDF esportazioak zure gakoen biltegi-kokapen lehenetsian edo txartel adimentsu batean gordeta dauden gakoak eta X.509 ziurtagiriak erabiltzen ditu.

Txartel adimentsu bat erabiltzean, zure gako-biltegiak hura erabili ahal izateko moduan konfiguratuta egon behar du. Konfigurazio hori txartelaren softwarea instalatzean egiten da.

Erabili ziurtagiri hau PDF dokumentuei sinadura digitala eransteko

PDF esportazio hau sinatzeko erabiliko den ziurtagiria hautatzea ahalbidetzen du.

Hautatu

Hautatu ziurtagiria elkarrizketa-koadroa irekitzen du.

Hautatu duzun gako-biltegian aurkitutako ziurtagiri guztiak bistaratuko dira. Gako-biltegia pasahitz bidez babestuta badago, hura eskatuko dizu aplikazioak. PIN bidez babestuta dagoen txartel adimentsu bat erabiltzean, orduan ere PINa eskatuko dizu.

Hautatu PDF esportatuari sinadura digitala eransteko erabiliko duzun ziurtagiria, hari dagokion lerroan klik eginez, eta ondoren sakatu Ados.

Sinadura digitalak fitxako gainerako eremuak ziurtagiri bat hautatu ondoren soilik erabili ahal izango dira.

Ziurtagiriaren pasahitza

Sartu hautatutako ziurtagiriari lotutako gako pribatua babesteko erabili den pasahitza. Normalean gako-biltegiaren pasahitza izaten da.

Ohar-ikonoa

Gako-biltegiaren pasahitza jadanik sartu bada Hautatu ziurtagiria elkarrizketa-koadroan, gako-biltegia beharbada jadanik desblokeatuta dago eta ez da pasahitza berriro behar. Hala ere, segurtasuna bermatzeko, sar ezazu berriro.


Abisu-ikonoa

Txartel adimentsu bat erabiltzean, sartu PIN zenbakia hemen. Txartel adimentsuen zenbait softwarek PINa berriro eskatzen dute sinatu baino lehen. Astuna da, baina txartel adimentsuek horrela funtzionatzen dute.


Kokalekua, harremanetarako informazioa, arrazoia

Hiru eremu horien bidez, PDFari aplikatuko zaion sinadura digitalari buruzko informazio gehiago sartu daiteke, aukeran (non, nork eta zergatik sortu zuen). Bakoitzari dagokion PDF eremuetan txertatuko da informazioa, eta PDFa ikusten duen edonork ikusi ahal izango du. Hiru eremuetako edozein edo denak hutsik utzi daitezke.

Denbora-zigilu Autoritatea

Aukeran Denbora-zigilu Autoritate (TSA) URL helbide bat hautatzea baimentzen dizu

PDFa sinatzeko prozesuan, denbora-zigilu autoritatea zure sinaduran txertatuko den digitalki sinatutako denbora-zigilu bat lortzeko erabiliko da. (RFC 3161) denbora-zigilu honek PDFa ikusten duen edonork dokumentua noiz sinatu den egiaztatzea baimenduko du.

Hautatu daitezkeen TSA URLak honako aukeran konfiguratzen dira: - LibreOffice - Segurtasuna - TSAk.

TSA URLrik aukeratzen ez bada (lehenetsia), sinadurak ez du denbora-zigilurik izango, ordez ordenagailuaren uneko ordua erabiliko da.

Esportatu oharrak

Uneko fitxategia PDF formatuan esportatzen du.