Laster-menuak
LibreOffice laster-menuak modulu guztietarako pertsonalizatzea ahalbidetzen du.
Komando berriak gehitu ahal dira, lehendik dauden komandoak aldatu, edo laster-menuetako elementuak berrantolatu. Makroen bidez exekutatutako komandoak ere gehi daitezke, eta edozein motako estiloak aplikatu zuzenean laster-menutik.
Bilatu
Sartu kate bat testu-kutxan, komandoen bilaketa mugatzeko.
Kategoria
Hautatu menu-komandoen kategoria goitibeherako zerrendan, komandoen bilaketa mugatzeko, edo korritu zerrenda beherantz. Makroen eta estiloen komandoak zerrendaren beheko aldean daude.
Funtzioa
Bilaketa-katea eta nahi den funtzioaren kategoria konbinatu ondoren lortutako emaitza bistaratzen du.
Deskribapena
Testu-kutxak hautatutako komandoaren deskribapen laburra dauka.
Kokapena
Hautatu laster-menua zein kokalekutan erantsiko den. LibreOffice modulu bati eransten bazaio, laster-menua modulu horretan irekitako fitxategi guztietarako egongo da erabilgarri. Fitxategiari eransten bazaio, fitxategi hori ireki eta aktibo dagoenean soilik egongo da erabilgarri.
Menua
Hautatu pertsonalizazioa aplikatuko zaion laster-menua. Uneko funtzio multzoa beheko kutxan bistaratzen da.
Gehitu
Sakatu 'Gehitu' botoia laster-menu berria gehitzeko.
Kendu
Sakatu 'Kendu' botoia laster-menua ezabatzeko.
Testuinguru-menu pertsonalizatuak edo testuinguru-menuetako sarrera pertsonalizatuak ezaba daitezke soilik.
Eskuinerako geziaren botoia
Sakatu eskuinerako geziaren botoia ezkerreko bistaratze-koadroan funtzio bat hautatzeko eta hura eskuineko bistaratze-koadroan kopiatzeko. Horrela, funtzioa hautatutako laster-menuari gehituko zaio.
Ezkerrerako geziaren botoia
Sakatu ezkerrerako geziaren botoia hautatutako komandoa uneko laster-menutik kentzeko.
Gorako eta beherako gezien botoiak
Sakatu gorako edo beherako gezien botoiak hautatutako komandoa gorantz edo beherantz mugitzeko bistaratutako laster-menuko komandoen zerrendan.
Hautatutako komandoa arrastatu eta jaregin dezakezu hura nahi duzun tokira mugitzeko.
Txertatu
-
Txertatu bereizlea: Gehitu bereizle-marka bat menuen irakurterraztasuna hobetzeko eta komandoak gaiaren arabera taldekatzeko.
-
Txertatu azpimenua: Txertatu azpimenu-sarrera bat. Sartu izen bat azpimenu berrirako, ondoren datorren elkarrizketa-koadroan. Azpimenu berria automatikoki egongo da eskuragarri ediziorako menu-zerrendan.
Aldatu
-
Aldatu izena: Aldatu sarreraren izena.
Balio lehenetsiak
Lehenago laster-menu honi egindako aldaketa guztiak ezabatzen ditu.