Inprimatu

Uneko dokumentua, hautapena edo zehaztu dituzun orrialdeak inprimatzen ditu. Uneko dokumentuaren inprimatzeko aukerak ere ezar daitezke. Inprimatzeko aukerak inprimagailuaren eta erabiltzen duzun sistema eragilearen arabera alda daitezke.

Komando hau erabiltzeko...

Aukeratu Fitxategia - Inprimatu

+P

Barra estandarrean, egin klik

Icon

Inprimatu fitxategia zuzenean


Inprimatu elkarrizketa-koadroak hiru zati nagusi ditu: aurrebista nabigazioko botoiekin; uneko dokumentu motaren arabera hainbat fitxa kontrol-elementuekin; eta Inprimatu, Utzi eta Laguntza botoiak.

Zure dokumentua nola inprimatu jakiteko, egin klik esteka hauetariko batean.

Testu-dokumentuak inprimatzea:

Liburuxkak inprimatzea

Orrialdea inprimatu aurretik ikustea

Orrialde bat baino gehiago orri bakarrean inprimatzea

Atzekoz aurrera inprimatzea

Inprimatzeko paper-erretiluak hautatzea

Kalkulu-orriak inprimatzea:

Orri batean inprimatze-areak definitzea

Orriaren xehetasunak inprimatzea

Inprimatu beharreko orri kopurua definitzea

Orriak formatu horizontalean inprimatzea

Errenkadak edo zutabeak orrialde guztietan inprimatzea

Aurkezpenak inprimatzea:

Aurkezpenak inprimatzea

Diapositiba inprimatzea orrialde-tamainari doitzeko

Inprimatze orokorra:

Azkarrago inprimatzea datu murriztuekin

Zuri-beltzean inprimatzea

Orrialdeko area inprimagarri maximoa hautatzea

Ohar-ikonoa

Inprimatu elkarrizketa-koadroan definitu dituzun ezarpenak Inprimatu botoia sakatzean sortzen den inprimatze-lanarentzako bakarrik balio du. Aukera batzuk betirako ezartzea nahi baduzu, ireki Tresnak - Aukerak - LibreOffice (aplikazioaren izena) - Inprimatu.


Ohar-ikonoa

Sakatu Shift+F1 edo aukeratu Laguntza - Zer da hau? eta zuzendu Inprimatu elkarrizketa-koadroko edozer kontrol-elementura laguntzaren testu hedatua ikusteko.


Aurrebista

Aurrebistak orri bakoitzak edukiko duen itxura erakusten du. Orrietan zehar nabiga dezakezu aurrebistaren azpiko botoiekin.

Orokorra

Orokorra fitxan, inprimaketaren kontrol-elementu garrantzitsuenak aurkituko dituzu. Zure dokumentuaren zer eduki inprimatuko den defini dezakezu. Inprimagailua hautatu eta inprimagailuaren ezarpenen elkarrizketa-koadroa ireki dezakezu.

LibreOffice Writer / Calc / Impress / Draw / Math

Uneko aplikazioaren izen berdina duen fitxa erabil daiteke edukia, kolorea, tamaina eta inprimatuko diren orrialdeak definitzeko. Definitu itzazu uneko dokumentu motari araberako ezarpenak.

Orrialde-diseinua

Orrialde-diseinua fitxa erabil daiteke paperezko orri batean hainbat orrialde inprimatzeko, eta horrela papera aurrezteko. Paperezko orrian egongo diren orrialdeen antolamendua eta tamaina defini dezakezu.

Aldatu paperezko orri bakoitzean inprimatuko diren orrialdeen antolamendua. Aurrebistak helburuko paperezko orri bakoitzaren itxura erakusten du.

Dokumentu mota batzuentzako, liburuxka bat inprimatzea aukera dezakezu.

Liburuxkak inprimatzea

Aukerak

Aukerak fitxan uneko inprimatze-lanaren aukera gehigarri batzuk ezar ditzakezu. Hemen, fitxategi batean inprimatzea zehaztu dezakezu, inprimagailu batean inprimatu ordez.