'Marra' diagrama mota

Diagramen morroiaren lehen orrian, diagrama mota bat hautatu dezakezu.

Marra

Marra-diagramek balioak y ardatzeko puntu gisa erakusten dituzte. x ardatzak kategoriak erakusten ditu. Datu-serie bakoitzeko y balioak marra baten bidez lotuta egon daitezke.

Puntuak bakarrik - azpimota honek puntuak bakarrik marrazten ditu.

Puntuak eta marrak - azpimota honek puntuak marrazten ditu, eta datu-serie bereko puntuak marra baten bidez konektatzen ditu.

Marrak bakarrik - azpimota honek marrak bakarrik marrazten ditu.

3D marrak - azpimota honek datu-serie bereko puntuak lotzen ditu 3D marra baten bidez.

Markatu Pilatu seriea puntuen y balioak bata bestearen gainean pilatuta antolatzeko. Y balioak ez dira jada balio absolutuak, salbu pilatutako puntuen beheko partean marraztuta dagoen lehen zutabean. Ehunekoa hautatzen baduzu, y balioak kategoriako guztizkoaren portzentaia modura eskalatzen dira.

Aukeratu Marra mota goitibeherako menuan, puntuak nola konektatuko diren hantatzeko. Marra zuzenak, marra leunak puntuen artean kurbak marrazteko edo marra mailakatua puntu batetik bestera mailak marrazteko. Sakatu Propietateak marra leunen edo mailakatuen propietateak aldatzeko.