Tresnak
Tresnak menuko komandoekin ortografia egiaztatu ahal izango duzu, orri-erreferentziak markatu, akatsak aurkitu eta agertokiak definitu.
Gainera, makroak sortu eta eslei ditzakezu, eta tresna-barra, menu eta teklatuen itxura konfiguratu ere bai, LibreOffice aplikazioetako aukera lehenetsiak ezartzeaz gainera.
Ortografia eskuz egiaztatzen du.
Azpimenu bat irekitzen du hizkuntzaren komando zehatzak aukeratzeko.
Idazten duzun bitartean testua automatikoki ordezteko aukerak ezartzen ditu.
Aldagai bateko ekuazioa ebazteko elkarrizketa-koadroa irekiko du.
Ebazlearen elkarrizketa-koadroa irekitzen du. Ebazlearekin hainbat aldagai ezezaguneko ekuazioak ebatz ditzakezu xede-bilaketaren metodoak baliatuz.
Kalkulu-orriaren Detektibea aktibatzen du komando honek. Detektibearekin, mendekotasunen aztarnari jarraitu ahal izango diozu uneko formula-gelaxkatik kalkulu-orriko gelaxketara.
Hautatutako orri-arearentzako agertoki bat definitzen du.
Babestu orria edo Babestu kalkulu-orria komandoek eragotzi egiten du orrietako gelaxketan edo dokumentuko orrietan aldaketak egitea. Nahi izanez gero, pasahitz bat defini dezakezu. Pasahitza definitzen baduzu, gero pasahitza sartu beharko da babesa kentzeko.
Makroak grabatu edo antolatu eta edita daitezke.
Hedapenen kudeatzaileak LibreOffice hedapenak gehitzen, kentzen, desgaitzen, gaitzen eta eguneratzen ditu.
XML iragazki-ezarpenakelkarrizketa-koadroa irekitzen du. Hor XML fitxategiak inportatzeko eta esportatzeko iragazkiak sortu, editatu, ezabatu eta proba ditzakezu.
LibreOffice aplikazioaren menuak, laster-menuak, laster-teklak, tresna-barrak eta gertaerei esleitutako makroak pertsonalizatzen ditu.
Programaren konfigurazioa pertsonalizatzeko elkarrizketa-koadroa irekitzen du komando honek.