Kanpoko datuak txertatzea taulan (web kontsulta)
Web orriaren kontsulta (LibreOffice Calc) izeneko inportazio-iragazkiaren laguntzarekin, HTML dokumentuetako taulak txerta ditzakezu Calc-en kalkulu-orrietan.
Metodo bera erabil dezakezu izenez definitutako barrutiak txertatzeko Calc edo Microsoft Excel aplikazioko kalkulu-orrietatik.
Txertatzeko metodo hauek dituzu erabilgarri:
Elkarrizketa-koadro bidez txertatzea
-
Jarri kurtsorea txertatu beharreko edukia duen gelaxkan.
-
Aukeratu Orria - Kanpoko datuen esteka. Kanpoko datuak elkarrizketa-koadroa irekiko da.
-
Sartu HTML dokumentuaren URLa edo kalkulu-orriaren izena. Amaitutakoan, sakatu 'Sartu'. Fitxategia hautatzeko elkarrizketa-koadroa irekitzeko, sakatu Arakatu botoia.
-
Elkarrizketa-koadroko zerrenda-koadro handian, hautatu txertatu nahi dituzun areen edo taulen izenak.
-
Nahi izanez gero, areak edo taulak n segundoz behin egunera daitezen defini ditzakezu.
Inportatzeko iragazkiak mementoan sor ditzake gelaxka areentzako izenak. Ahalik eta formatu gehien mantentzen da, baina iragazkiak nahita ez du kargatzen irudirik.
Nabigatzaile bidez txertatzea
-
Ireki bi dokumentu: kanpoko datuak hartuko dituen LibreOffice Calc-en kalkulu-orria (helburuko dokumentua) eta kanpoko datuen jatorrizko dokumentua (iturburuko dokumentua).
-
Helburuko dokumentuan ireki Nabigatzailea.
-
Hautatu iturburuko dokumentua nabigatzailearen beheko konbinazio-koadroan. Orain nabigatzaileak iturburuko dokumentuko area-izenak eta datu-baseen areak edo taulak erakutsiko ditu.
-
Nabigatzailean, hautatu Txertatu esteka gisa arrastatze-moduaren
. -
Arrastatu kanpoko datuak nabigatzailetik helburuko dokumentura.
Iturburuko dokumentu gisa HTML dokumentu bat kargatu baduzu Web orriaren kontsultairagazkiarekin, taulak Nabigatzailean aurkituko dituzu, bata besteari jarraiki izendatuta ("HTML_table1", "HTML_table2"...), eta, horrez gain, sortutako bi area-izen ere bai:
-
HTML_all - dokumentu osoa adierazten du
-
HTML_tables - dokumentuko HTML taula guztiak adierazten ditu
Kanpoko datuak editatzea
-
Ireki Editatu - Estekak elkarrizketa-koadroa. Kanpoko datuen esteka edita dezakezu hemen.