Agertokiak erabiltzea
LibreOffice Calc-eko agertokiak zure kalkuluetan erabil daitezkeen gelaxka-balioen multzo bat da. Izen bana eman behar diozu orriko agertoki bakoitzari. Definitu hainbat agertoki orri berean, bakoitzak balio desberdinak dituela gelaxketan. Horrela, erraz txandakatu ahal izango duzu gelaxka-balioen artean izenaren bidez, eta emaitzak berehala ikusi. Agertokiak "eta hau eginez gero..." galderak probatzeko tresnak dira.
Zeure agertokiak sortzea
Agertoki bat sortzeko, hautatu agertokiaren datuak dituzten gelaxka guztiak.
-
Hautatu agertokien artean aldatuko diren balioak dituzten gelaxkak. Gelaxka bat baino gehiago hautatzeko, eutsi sakatuta ⌘Ctrl teklari gelaxka bakoitzean klik egiten duzun bitartean.
-
Aukeratu Tresnak - Agertokiak. Sortu agertokia elkarrizketa-koadroa agertzen da.
-
Sartu agertoki berriarentzako izen bat eta utzi beste eremuak aldatu gabe, balio lehenetsiekin. Itxi elkarrizketa-koadroa 'Ados' botoiarekin. Agertoki berria automatikoki aktibatuko da.
Agertokiak erabiltzea
Nabigatzailearekin ere hauta daitezke agertokiak:
-
Ireki nabigatzailea 'Estandarra' tresna-barrako Nabigatzailea ikonoaren bidez .
-
Egin klik nabigatzaileko Agertokiak ikonoan .
Sortu zirenean erantsi zitzaizkien oharrekin agertzen dira agertoki horiek Nabigatzailean.
-
Egin klik bikoitza agertoki baten izenean, Nabigatzailean, agertoki hori aplikatzeko uneko orriari.
-
Agertoki bat ezabatzeko, egin klik eskuin-botoiarekin Nabigatzailean haren izenean, eta hautatu Ezabatu.
-
Agertoki bat editatzeko, egin klik eskuin-botoiarekin Nabigatzailean haren izenean, eta hautatu Propietateak.
-
Agertoki bateko gelaxken multzo baten ertza ezkutatzeko, ireki gelaxkei dagozkien agertoki guztien Propietateak elkarrizketa-koadroa, eta garbitu 'Bistaratu ertza' kontrol-laukia. Ertza ezkutatuz gero, orriko zerrenda-koadroa kentzen da, zuk agertokiak aukeratu ahal izan ditzazun.
Agertokiko beste balioetan eragina duten balioen berri izateko, aukeratu Tresnak - Detektibea - Mendekoen aztarnari jarraitu. Uneko gelaxkaren mendekoak diren gelaxketara zuzendutako geziak ikusiko dituzu.