Taula dinamikoak iragaztea

Iragazkiak erabil ditzakezu nahi ez dituzun datuak kentzeko taula dinamikotik.

Iragazteko baldintzen elkarrizketa-koadroa irekitzeko, egin klik orriko Iragazkia botoian. Bestela, taula dinamikoaren laster-menua ireki dezakezu, eta Iragazkia komandoa hautatu. Iragazkia elkarrizketa-koadroa irekiko da. Taula dinamikoa iragazi ahal izango duzu bertan.

Taula dinamikoko botoi bateko gezian klik eginda laster-leiho bat erakutsiko da. Laster-leiho horretan, hari lotutako eremuaren ikusgaitasun-ezarpenak editatu daitezke.

• Laster-leihoak eremu horri lotutako kide-eremuen zerrenda bat bistaratuko du. Kontrol-lauki bat dago kide-eremu bakoitzaren izenaren ezkerrean. Eremu batek bistaratze-izen alternatiboa duenean, jatorrizko izena ez dena, izen hori zerrendan bistaratuko da.

• Gaitu edo desgaitu kontrol-lauki bat taula dinamikoan lotutako kide-eremua erakutsi edo ezkutatzeko.

• Gaitu edo desgaitu Dena kontrol-laukia kide-eremu guztiak edo bat ere ez erakusteko.

• Hautatu kide-eremu bat laster-leihoan eta sakatu Erakutsi uneko elementua soilik botoia hautatutako kide-eremua soilik erakusteko. Beste kide-eremu guztiak ezkutuan geratuko dira taula dinamikoan.

• Hautatu kide-eremu bat laster-leihoan eta sakatu Ezkutatu uneko elementua soilik botoia hautatutako kide-eremua soilik ezkutatzeko. Beste kide-eremu guztiak bistan geratuko dira taula dinamikoan.

• Komandoek ahalbidetzen dute kide-eremuak gorantz, beherantz edo ordenatze-zerrenda pertsonalizatu bat erabilita ordenatzea.

• Ordenatze-zerrenda pertsonalizatuak editatzeko, ireki - LibreOffice Calc - Ordenatze-zerrendak.

• Laster-leihoa irekitzeko gezia normalean beltza da. Eremuak ezkutuko kide-eremu bat edo gehiago baditu, gezia urdina da eta lauki txiki bat bistaratzen du behe eskuineko izkinan.

• Laster-leihoa irekitzeko beste modu bat: kokatu gelaxka-kurtsorea behealdean eta sakatu +D.

Ireki fitxategia adibide batekin: