Datuak kontsolidatzea

Kontsolidatzean, hainbat orritako gelaxken edukia leku bakar batean konbinatuko da.

Gelaxka-edukiak konbinatzeko

1. Ireki kontsolidatu beharreko gelaxka-areak dituen dokumentua.

2. Hautatu Datuak - Kontsolidatu, Kontsolidatu elkarrizketa-koadroa irekitzeko.

3. Iturburu-datuen area koadroan, hautatu iturburu-gelaxkaren bitartea beste areekin kontsolidatzeko.

   Areak izenik ez badu, egin klik Iturburu-datuen arearen ondoko eremuan. Testu-kurtsore keinukaria agertuko da. Idatzi lehen iturburu-datuen arearen erreferentzia, edo hautatu area saguarekin.

4. Hautatutako area Kontsolidatze-areak eremuan txertatzeko, egin klik Gehitu botoian.

5. Hautatu beste area batzuk, eta hautapen bakoitzaren ondoren egin klik Gehitu botoian.

6. Zehaztu emaitza non bistaratzea nahi duzun, helburu-barruti bat hautatuz Kopiatu emaitzak hemen koadroan.

   Helburuko areak izenik ez badu, egin klik Kopiatu emaitzak hemen aukeraren ondoko eremuan eta sartu helburuko barrutiaren erreferentzia. Bestela, saguarekin ere hauta dezakezu area edo besterik gabe eraman kurtsorea helburu-barrutiko goi-ezkerraldeko gelaxkara.

7. Hautatu funtzio bat Funtzioa koadrotik. Kontsolidatze-areetako balioak nola estekatzen diren zehazten du funtzioak. "Sum" funtzioa da ezarpen lehenetsia.

8. Areak kontsolidatzeko, egin klik Ados botoian.

Ezarpen osagarriak

Ezarpen osagarriak bistaratzeko, egin klik Kontsolidatu elkarrizketa-koadroko Gehiago botoian:

• Benetako emaitzen ordez helburu-arean emaitzak sortzen dituzten formulak bakarrik txertatzeko, hautatu Estekatu iturburu-datuei eremua. Datuak estekatzen badituzu, iturburu-arean aldatutako balio guztiak automatikoki eguneratuko dira helburu-arean.

  Helburu-areako gelaxka-erreferentziak elkarren segidako errenkadetan txertatzen dira. Gelaxka horiek automatikoki ordenatu eta ezkutatzen dira, eta, hautatutako funtzioa oinarri hartuta, azken emaitza bakarrik erakusten da.

• Iturburu-areako gelaxkak ez badituzu kontsolidatu nahi gelaxkak arean duen kokagune berberaren arabera, baizik eta errenkada-etiketa edo zutabe-izenburu baten arabera, Kontsolidatu honen arabera aukeran hautatu Errenkada-etiketak edo Zutabe-etiketak.

  Errenkada-etiketen edo zutabe-etiketen arabera kontsolidatzeko, hautatutako iturburu-areetan egon behar du etiketak.

  

  Errenkada edo zutabeak behar bezala parekatu ahal izateko, etiketetako testuak berdin-berdina izan behar du. Errenkada edo zutabearen etiketak bere parekorik (berdinik) ez badu helburu-areakoen artean, errenkada edo zutabe berri gisa sartuko da.

  
  

Kontsolidatze-areetako eta helburu-areako datuak ere gorde egingo dira dokumentua gordetzean. Gero kontsolidazioa definitutako dokumentua irekitzen baduzu, datuok erabilgarri egongo dira berriro ere.