Taula dinamikoa
Zehaztu taula dinamikoak sortutako taularen diseinua.
Taula dinamikoak botoi gisa bistaratzen ditu datu-eremuak; botoi horiek arrastatuz eta jareginez taula dinamikoa defini dezakezu.
Diseinua
Taula dinamiko baten diseinua definitzeko, arrastatu eta jaregin datu-eremuen botoiak Orrialde-eremuak, Errenkada-eremuak, Zutabe-eremuak, eta Datu-eremuak areetara. Arrastatu eta jareginez ere berrantola ditzakezu taula dinamiko bateko datu-eremuak.
LibreOffice suiteak automatikoki gehituko die epigrafe bat Datu-eremuen areara arrastatutako botoiei. Datu-eremuaren izena eta datuak sortu dituen formularen izena izango ditu epigrafeak.
Datu-eremu batek erabilitako funtzioa aldatzeko, egin klik bikoitza Datu-eremuen areako botoi batean eta orduan Datu-eremuaren elkarrizketa-koadroa irekiko da. Errenkada-eremu edo Zutabe-eremuen areetako botoietan ere egin dezakezu klik bikoitza.
Gehiago
Taula dinamikoa definitzeko aukera osagarriak erakusten edo ezkutatzen ditu.
Emaitza
Zehaztu taula dinamikoaren emaitzak bistaratzeko ezarpenak.
Hautapena:
Uneko taula dinamikoaren datuak barne-hartzen dituen area hautatu.
Emaitzak hemen:
Hautatu taula dinamikoren emaitzak bistaratzeko area.
Txikiagotu / Maximizatu
Egin klik Txikiagotu ikonoan, elkarrizketa-koadroa sarrera-eremuaren neurrira txikitzeko. Horrela, hobeto markatu ahal izango duzu beharrezko erreferentzia, orrian. Ondoren, automatikoki ikonoa maximizatu egingo da. Egin klik bertan, elkarrizketa-koadroa jatorrizko neurrira itzultzeko.
Elkarrizketa-koadroa automatikoki txikiagotuko da, saguarekin orrian klik egitean. Saguaren botoia askatu bezain laster, elkarrizketa-koadroa leheneratu egingo da, eta saguarekin definitutako erreferentzia-area marko urdin batekin nabarmenduko da dokumentuan.
Txikiagotu
Maximizatu
Hautatutako areak datuak baditu, taula dinamikoak datuak gainidatziko ditu. Lehendik dauden datuak gal ez daitezen, utzi taula dinamikoari automatikoki hautatzen emaitzak bistaratzeko area.
Ez ikusi egin errenkada hutsei
Ez ikusi egiten die datu-iturburuko eremu hutsei.
Identifikatu kategoriak
Automatikoki esleitzen dizkio etiketarik gabeko errenkadak goiko errenkadaren kategoriari.
Totalen zutabeak
Zutabe-kalkuluaren total orokorra kalkulatzen eta bistaratzen du.
Totalen errenkadak
Errenkada-kalkuluaren total orokorra kalkulatzen eta bistaratzen du.
Gehitu iragazkia
Iragazki-botoi bat gehitzen du kalkulu-orriko datuetan oinarritutako taula dinamikoetan.
Iragazkien elkarrizketa-koadroa irekiko da.
Gaitu informazio xehatua
Hautatu kontrol-lauki hau, eta egin klik bikoitza taulako elementu baten etiketan elementu horren xehetasunak erakusteko edo ezkutatzeko. Garbitu kontrol-lauki hau, eta egin klik bikoitza taulan, gelaxkaren edukia editatzeko.
Taula dinamiko baten barruan xehetasunak ikusteko
Egin ekintza hauetako bat:
-
Hautatu gelaxka-area bat eta aukeratu Datuak - Taldea eta eskema - Erakutsi xehetasunak.
-
Egin klik bikoitza taulako eremu batean.
Ondoan maila bereko eremuak dituen eremu batean klik egiten baduzu, Erakutsi xehetasuna elkarrizketa-koadroa irekiko da:
Erakutsi xehetasuna
Aukeratu xehetasunak bistaratu nahi dizkiozun eremua.